Progranm Renyon Servis

Semenn le 13 Oktob

Kantik 174

10 min: Lanons lokal. Fer resorti bann laranzman ki’n ganny fer pour kanpanny spesyal pour ofer sa trak ki pou konmans le 20 Oktob. Ankouraz bann frer ek ser pour pran en serten kantite trak si zot pa ankor fer li. An bref revwar bann sizesyon pour prezant Latour Veyer (Angle/Franse/Kreol) le 1 Oktob ek Awake! Oktob ki ganny trouve lo paz 8.

35 min: “Nouvo progranm renyon.”a Si letan i permet envit lodyans pour fer komanter lo bann verse ki’n ganny site.

Kantik 216

Semenn le 20 Oktob

Kantik 113

5 min: Lanons lokal. Lanons apropriye sorti dan Nou Minister Rwayonm.

20 min: Gard lazwa dan minister. En diskour ankourazan baze lo lenformasyon dan Latour Veyer le 1 Zilyet 2005, paz 30-31, paragraf 11-17. Enkli en entervyou avek enn ou de frer oubyen ser ki’n servi Zeova pour plizyer lannen. Kwa ki’n ed zot gard zot lazwa kan dimoun pa’n montre lentere?

20 min: Met pare pour ofer Latour Veyer le 1 Oktob ek Awake! Oktob. Apre en pti apersi lo bann magazin (Angle/Franse/Kreol) in ganny donnen, demann lodyans ki lartik ki kapab enteres dimoun dan teritwar e akoz. Envit lodyans pour sizer en kestyon apropriye ki zot anvizaze servi pour konmans en konversasyon e sizer en verse Labib dan sa lartik ki zot in prepare pour servi avan ofer magazin. Sa orater pour konklir par fer en demonstrasyon pour montre konman sak magazin i kapab ganny ofer, par servi sizesyon lo paz 8 oubyen en lot prezantasyon ki’n ganny prepare pour atir dimoun dan teritwar. Vi ki plizyer proklanmater in ofer sa bann magazin pour detrwa semenn, envit lodyans pour rakont en leksperyans ki zot in gannyen.

Kantik 148

Semenn le 27 Oktob

Kantik 30

5 min: Lanons lokal. Lir rapor kont ek resi sorti kot biro brans pour bann kontribisyon.

10 min: Bezwen lokal.

30 min: “Letid Labib endividyel e an fanmir i vreman enportan!”b Si letan i permet envit lodyans pour fer komanter lo bann verse ki’n ganny site.

Kantik 142

Semenn le 3 Novanm

Kantik 100

10 min: Lanons lokal. Rapel bann proklanmater pour met zot rapor servis pour mwan Oktob.

20 min: Lekol Minister Teokratik pour 2009. Diskisyon avek lodyans par sirveyan lekol konsernan nouvo Lekol Minister Teokratik ki ganny fer resorti dan “Lenstriksyon” dan sipleman Progranm Lekol Minister Teokratik. Konsantre lo bann azisteman ki pou ganny fer. Ankouraz tou bann zelev pour prepar byen zot ekspoze, pour fer komanter lo bann pwen enteresan lo lektir Labib e osi fer zefor pour aplik sa bann konsey ki ganny donnen tou le semenn par sirveyan lekol baze lo liv Benefisye atraver Ledikasyon Lekol Minister Teokratik.

15 min: Amelyor ou lar pour ansennyen. Sirveyan servis oubyen en lot ansyen kalifye pou idantifye e fer komanter an bref lo senk laspe enportan pour kapab ansenny dan en fason efikas ki ganny trouve dan Latour Veyer le 1 Zanvye 2008 paz 12-16, paragraf 5-18. Entervyou enn oubyen de proklanmater ki santi ki sa lenformasyon in ed zot amelyor zot abilite pour ansennyen.

Kantik 91

[Not anba lo paz]