Progranm Renyon Servis

Semenn le 11 Out

Kantik 63

10 min: Lanons lokal. Demann lodyans pour fer komanter lo lartik dan Latour Veyer le 1 Out (Angle/Franse/Kreol) ek Awake! Out ki zot in vwar atiran ki kapab ed dimoun dan teritwar. Envit lodyans pour mansyonn bann pwen spesifik dan lartik ki zot anvizaze servi. Ki kestyon ki kapab ganny demande pour konmans en konversasyon? Ki verse Labib ki kapab ganny lir apre? Fer en demonstrasyon pour montre konman bann sizesyon pour fer prezantasyon i kapab ganny servi.

15 min: Fer lavolonte Bondye—san distraksyon. Diskisyon baze lo liv “Come Be My Follower” paz 93-94 paragraf 12-13.

20 min: “Eski ou pe servi li plennman?”a Entervyou en proklanmater ki annan en leksperyans kan i’n servi enn parmi sa bann nouvo laspe dan edisyon piblik Latour Veyer. Ou kapab fer demonstrasyon pour demontre sa leksperyans ki ti arive. Osi, baze lo paragraf 2, demontre konman en letid Labib i kapab konmanse par servi sa lartik “What We Learn From Jesus,” (Sa ki nou aprann avek Zezi) dan Latour Veyer le 1 Out (Angle/Franse).

Kantik 26

Semenn le 18 Out

Kantik 135

10 minit: Lanons lokal. Lanons apropriye sorti dan Nou Minister Rwayonm. Diskit “Nouvo progranm lasanble rezyonal.” Anons dat pour lot lasanble rezyonal si posib. Rapel lodyans pour anmenn bann dernyen nimero Latour Veyer (Angle/Franse/Kreol) ek Awake! pour renyon servis semenn prosen e met pare pour diskit lo konman i kapab ganny ofer dan teritwar.

20 min: Nou fason sanze ek laparans ki onor Zeova. Diskour par en ansyen. Vi ki Zeova i sen, lapropte fizik i en priyorite parmi son pep. (Egz. 30:17-21; 40:30-32) Kan nou sanz byen e annan en bon laparans, espesyalman dan nou minister, nou pe fer plezir Zeova e nou pe rann li laglwar. (1 Pyer 2:12) De lot kote, si nou pa pe arive fer sa, nou pe ‘fer parol Bondye ganny mal koze.’ (Tit 2:5) Rakont bann leksperyans lokal oubyen bann ki’n ganny pibliye ki montre ki mannyer en bon laparans ti fer en proklanmater donn en temwannyaz.

15 min: Bann Zenn ki donn en bon temwannyaz. Diskour ankourazan pour bann paran ek zot zanfan ki pou retourn lekol tre byento. Rapel bann zenn pour profit bann loportinite pour donn en temwannyaz. Si letan i permet, envit lodyans pour donn bann leksperyans lokal, kot zot in donn temwannyaz kot lekol.

Kantik 61

Semenn le 25 Out

Kantik 24

15 min: Lanons lokal. Lir rapor kont ek resi sorti kot biro brans pour bann kontribisyon. Diskit “Nouvo progranm lasanble spesyal” e anons dat pour sa lot lasanble spesyal si i posib.

15 min: Bezwen lokal.

15 min: Met pare pour ofer dernyen nimero Latour Veyer (Angle/Franse/Kreol) ek Awake!. Diskisyon avek lodyans. Donn en pti apersi lo bann magazin e demann lodyans ki lartik ki kapab atiran pour dimoun dan teritwar. Ki kestyon e verse Labib ki kapab ganny servi pour entrodwir sa size? Montre konman pour servi en prezantasyon dan Nou Minister Rwayonm pour ofer magazin. Fer en ansyen fer en demonstrasyon an bref ki i’n prepare baze lo en lartik ki apropriye pour nou teritwar.

Kantik 196

Semenn le 1 Septanm

Kantik 112

10 min: Lanons lokal. Rapel bann proklanmater pour met zot rapor predikasyon pour mwan Out.

20 min: Zot izole me zot pa’n ganny oubliye. Diskour baze lo Latour Veyer le 15 Avril 2008 paz 25-28 (Angle/Franse). Mansyonn nenport frer oubyen ser lokalman ki pe reste kazern. Si napa, servi bann prensip ki ganny trouve dan sa lartik pour ankouraz kongregasyon pour siport bann ki malad oubyen bann ki zot kondisyon fizik pa permet zot fer plis dan aktivite kongregasyon.

15 min: Konmans en letid Labib premye fwa ki ou zwenn sa dimoun pandan mwan Septanm. Diskisyon avek lodyans. Pandan mwan Septanm nou pou ofer liv Ki Labib i dir. Fer bokou zefor pour diskit detrwa paragraf avek met lakour lo premye vizit. Revwar serten sizesyon ki ganny trouve dan Nou Minister Rwayonm Zanvye 2006 e fer enn oubyen de demonstrasyon pour montre konman pour konmans en letid Labib lo nou premye vizit

Kantik 74

[Not anba lo paz]