Lanons

◼ Piblikasyon pour ofer an Desanm: The Greatest Man Who Ever Lived. Ou kapab osi prezant Mon Liv Zistwar Labib, The Bible—God’s Word or Man’s?, ouswa You Can Live Forever in Paradise on Earth. Zanvye: Ofer nenport liv pibliye avan 1988 ki kongregasyon i kapab annan dan stok. Si kongregasyon napa sa bann piblikasyon dan stok, silvouple vwar si lezot kongregasyon i annan en sirplis sa bann piblikasyon ki ou kapab servi. Bann kongregasyon ki napa sa bann liv i kapab ofer liv L’humanité à la recherche de Dieu. Fevriye: Draw Close to Jehovah. Si sa piblikasyon pa disponib, ou kapab osi ofer Isaiah’s Prophecy—Light for All Mankind 1 ek 2, depandan lo stok kongregasyon oubyen Revelation—Its Grand Climax At Hand! Mars: Konnesans Ki Anmenn ver Lavi Eternel. En zefor spesyal pou ganny fer pour konmans letid Labib kot lakour. Si bann dimoun i deza annan sa piblikasyon, ofer liv Sekre pour en Fanmiy ere an Kreol Seselwa.

◼ Bann lenvitasyon Memoryal pour lannen 2004 an Kreol Seselwa pou byento ganny anvoye dan kongregasyon. Si lezot langaz i ganny servi dan ou teritwar e ou ti a kontan ganny bann lenvitasyon dan sa bann langaz, ou devret ranpli form Literature Request (S-14) osito posib. En lalis bann langaz dan ki bann lenvitasyon Memoryal i disponib pour ganny mete dan sa let ki ganny anvoye kot tou kongregasyon sak mwan. Silvouple rekomann selman bann langaz ki ganny servi dan ou teritwar.

◼ Silvouple note ki Memoryal pour lannen 2005 pou Zedi le 24 Mars, apre soley kouse. Sa lenformasyon i ganny donnen davans pour ki bann frer i kapab fer bann rezervasyon pour en lasal, dan ka kot i annan plizyer kongregasyon ki pe servi menm Lasal Rwayonm. Laranzman i devret ganny fer pour servi lezot fasilite. Dan sa ka, bann ansyen i bezwen fer en lagreman avek sa ki ansarz sa landrwa pour asire ki pou napa okenn distraksyon par lezot aktivite dan sa batiman pour ki Memoryal i ganny fer dan lord e anpe. Parski sa lokazyon i enportan, kan konsey bann ansyen i swazir orater pour Memoryal, i devret swazir en frer parmi bann ki pli kalifye olye senpleman fer sakenn son tour oubyen servi menm frer tou le zan. En leksepsyon i ganny fer si i annan en frer avek lesperans seles ki kalifye pour fer sa diskour.

[Caption on page 6]

(Kontinyen lo p. 7, premye kolonn)

[Caption on page 7]

Lanons (Kontinyasyon paz 6)