Revizyon Pour Lekol Minister Teokratik
Sa bann kestyon swivan pou ganny egzaminen oralman dan Lekol Minister Teokratik pandan semenn le 29 Desanm, 2003. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 3 Novanm ziska le 29 Desanm, 2003. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]
PWEN LANSENNYMAN
1. Akoz i tre enportan pour servi Labib dan predikasyon? [be p. 145 par. 2, bwat] Labib i annan pli gran pouvwar pour diriz bann dimoun senser ki okenn lezot keksoz ki nou personnelman kapab dir. Sa ki en dimoun i vwar dan Labib avek son prop lizye i kapab fer en pli gran lenpresyon.
2. Ki mannyer konteks i fer lefe lo lafason ki en verse i ganny entrodwir? [be p. 149] I idantifye sa dimoun avek ki sa teks ki’n ganny site i relye. Par egzanp, pa David ki’n konpoz tou bann Psonm, e pa Salomon ki’n ekrir antyerman liv Proverb. Konteks i osi fer lefe lo kwa ki kapab ganny dir konsernan lekel ki pe ganny adrese, ki size ki pe ganny konsidere, e ki bann sitiasyon ki ti egziste ler sa resi Labib ti ganny ekrir
3. Akoz i enportan pour met lanfaz lo bann mo apropriye ler pe lir en teks Labib, e konman sa i kapab ganny akonpli? [be p. 151 par. 2, bwat] Ler bann mo apropriye i ganny byen aksantye, largiman i vin pli kler e fasil pour lodyans konpran. Ler pe analiz en teks, demann ou lekor: ‘Ki bann mo ki bezwen ganny aksantye pour kapab akonpli sa lobzektif ler pe lir sa teks?’
4. Ki mannyer nou aplik konsey Pol pour “anons byen mesaz laverite” ler nou ansenny lezot, e akoz sa i enportan? (2 Tim. 2:15) [be p. 153 par. 2, bwat] Pour “anons byen mesaz laverite,” nou devret eksplik bann verse an akor avek sa ki Labib li menm i ansennyen. Sa i egzize ki nou pran kont sa konteks e evit enterpretasyon ki baze lo bann lide personnel ouswa lo filozofi lemonn. Sa i enportan akoz lavolonte Bondye i ki tou dimoun i “ganny konnesans [egzakt, NW ] laverite.” (1 Tim. 2:3, 4)
5. Ki mannyer Pol ti ‘rezonn lo Lekritir’? (Akt 17:2, 3) [be p. 155 par. 4, 5] Pol ti mansyonn sa ki Zezi ti fer dan son lavi ek son minister, i ti demontre ki sa ti’n ganny predir dan Lekritir Ebre, e finalman i ti fer en konklizyon pwisan. I ti sit bann verse, i ti fer resorti en mo oubyen en lekspresyon, e apre i ti montre son sinifikasyon.
EKSPOZE NO. 1
6. Ler nou servi nou zouti resers pli enportan, Labib, pour prepar en diskour, akoz i itil pour (1) egzamin konteks bann verse, (2) get bann referans, e (3) fer resers avek en konkordans Labib? [be p. 34 par. 3–p. 35 par. 2] (1) Egzamin konteks i ed nou pour konpran sinifikasyon bann teks Labib e i fourni detay ki kapab anim en diskour. (2) Bann referans i donn leklersisman e i kapab met lanfaz lo lakonplisman en profesi Labib ouswa lo en keksoz ki lalyans Lalwa ti anonse; lezot referans i kapab senpleman fer referans avek en lot panse en pe parey oubyen avek lezot lenformasyon lo bann dimoun oubyen rezyon ki enplike. (3) Resers avek en konkordans Labib i kapab ed nou pour trouv bann verse ki relye avek sa topik ki ou pe fer resers lo la. I osi permet nou pour trouv levidans “model” laverite dan Parol Bondye. (2 Tim. 1:13)
7. Konman ki vre fidelite i ganny demontre e anver lekel? [w01 1/10 p. 22-3 (Angle/Franse)] Vi ki i sinonim labonte leker, fidelite i donn lide partaz menm santiman. Si labonte leker i ganny demontre anver nou, alors nou devret fidelman rann laparey. Vi ki i ti benefisye avek labonte leker Zeova, David ti santi li pouse pour ador e loue Bondye. (Ps. 138:2) Fidel avek Zeova i enkli fidel avek son Parol ek son lorganizasyon. Nou fidelite i devret ganny demontre anver nou msye ouswa nou madanm, fanmiy temwen, ek zanmi.
8. Kwa ki endike ki Zeova i byen konsyan letan? (Dan. 11:35-40; Lik 21:24) [si p. 284 par. 1] Ler i ti pe donn vizyon lo “lerwa nor” ek “lerwa sid,” lanz Zeova ti servi sa lekspresyon “letan fikse” detrwa fwa. Plizyer lezot verse Labib i endike ki Zeova i byen konsyan letan, i akonpli son bann plan zis aler.
9. Ki bann keksoz ki nou devret gard antet ler nou pe deside ki pwen nou pou servi apre ki nou’n fer resers pour en diskour? [be p. 38] Servi zis bann pwen ki kontribye serten keksoz ki vo lapenn dan prezantasyon sa topik. Fer sir ki sa lenformasyon i azour avek bann dernyen piblikasyon Temwen Zeova. Fer atansyon ler pe servi lenformasyon ki lemonn i pibliye, kit antet ki Parol Bondye ki laverite e ki Zezi i okip pozisyon kle dan lakonplisman plan Bondye. (Zan 17:17; Kol. 2:3) Nou zefor se pour reflekte panse Bondye. (Prov. 2:1-5)
10. Akoz deklarasyon Zezi konsernan “letan Noe” i relye avek nou sitiasyon ozordi? (Mat. 24:37) [w01 15/11 p. 31 par. 3-4 (Angle/Franse)] Bann Kretyen ozordi i bann predikater ladrwatir. Zot ankouraz bann dimoun pour repantir. (2 Pyer 3:5-9) Noe ti obeir Zeova malgre lopozisyon ek difikilte. Li ek son fanmiy, zot pa ti konn egzakteman kan Bondye ti pou anmenn Deliz, me lafwa dan parol Bondye ti soutenir zot pandan bann lannen ki zot ti fer son travay. (Ebr. 11:7)
LEKTIR LABIB LASEMENN
11. Konman ki let Pol pour Filemon i montre ki travay en Kretyen se pour ed bann dimoun vin Kretyen, non pa pour promot reform sosyal? (Filem. 12) Pol ti refer avek Onezim, en lesklav ki ti’n sove, konman “mon garson Onezim, mwan ki’n vin son papa” e konman “en frer byenneme.” (Filem. 10, 16) Menm si Onezim ti ekout predikasyon Pol e i ti vin en Kretyen, Pol pa ti deklar li en zonm lib me i ti fer li retourn kot i ti sipoze ete, anba lord sosyal Romen ki ti egziste sa letan, ki ti permet en dimoun pour legalman annan lesklav. [1, w98 15/1 p. 30-1, (Angle/Franse); w62 p. 653-6 (Angle)]
12. Ki diferans i annan ant “ganny antrennen,” ‘tourn ledo,’ e ‘tonbe’? (Ebr. 2:1; 3:12; 6:6) [w99 15/7 p. 19 par. 12; w86 1/6 p. 14 par. 16-17; w80 1/12 p. 23 par. 8 (Angle/Franse)] “Ganny antrennen” lwen avek laverite i kapab ariv fasilman e i kapab konmans inosaman avek ennde keksoz materyel, frekantasyon lemonn, ouswa bann fo panse lo bann keksoz ki konsern Labib. ‘Tourn ledo’ i move e i enplik gard en serten zistans avek laverite, ouswa fer louvraz aposta. ‘Tonbe’ se rezet volonterman laverite a en tel pwen ki sa dimoun pa kapab retourn dan laverite, ki zis Zeova ek Zezi ki kapab determinen.
13. Ki mannyer nou kapab evite fer sa lekspresyon “si Senyer i oule” vin en keksoz ki pa vreman enportan? (Zak 4:15) [cj p. 171 par. 1-2] Nou devret evite pour toultan servi sa parol konman en labitid pour enpresyonn lezot oubyen pour zistifye desizyon ki nou fer. Okontrer, dan okenn keksoz, tel parey pour swiv sa lobligasyon biblik pour pran swen avek nou fanmiy, nou devret senserman pran an konsiderasyon lavolonte Bondye e senserman determinen pour akonpli li.
14. Ki savedir “esper sa zour, an fezan zot mye pour fer sa zour [zour Zeova] vin pli vit,” e konman nou kapab fer sa? (2 Pyer 3:12) [w97 1/9 p. 19-20 (Angle/Franse)] I vedir ki nou reste vizilan e esper avek enpasyans larive “gran zour Bondye Toupisan” dan Armagedon. (Rev. 16:14) Nou kapab fer sa par rapel “bann parol ki bann sen profet in anonse” konsernan prezans Zezi dan pouvwar Rwayal ek zizman bann mesan. Nou devret osi gard antet “konmannman ki nou Senyer e Sover in donnen” pour reste vizilan. (2 Pyer 3:2; Lik 21:34-36)
15. Ki konsey enportan pour bann Kretyen ozordi ki trouve dan sa bann mesaz pour sa set kongregasyon ki ganny mansyonnen dan Revelasyon sapit 2 ek 3? (Rev. 2:4, 5, 10, 14, 20; 3:3, 10, 11, 17, 19) Pour vin bann Kretyen ki ranport laviktwar, nou pa devret perdi lafors spirityel ouswa lanmour pour laverite. Nou devret ekspekte ganny teste e devret determinen pour reste fidel toudilon nou lavi. Nou osi devret rezet limoralite ek lapostazi, reste eveye spirityelman e andire, e pa les mank lentere ouswa lanmour pour larzan afekte nou. [7, re p. 34 par. 5-6; p. 38 par. 5; p. 44 pars. 10-11; p. 49 par. 7; p. 56 par. 7; p. 64 par. 20; p. 68 par. 8]