Progranm Renyon Servis

Semenn le 13 Oktob

Kantik 215

10 min: Lanons apropriye dan Nou Minister Rwayonm. Ankouraz tou dimoun pour servi bann kestyon lo paz 1 pour revwar zot bann not an preparasyon pour diskisyon avek lodyans lo progranm Lasanble “Donn Bondye Laglwar” dan prosenn Renyon Servis. Par servi bann sizesyon lo paz 8, fer de demonstrasyon lo konman pour prezant Latour Veyer le 1 Oktob (Angle/Franse) ek Réveillez-vous! le 8 Oktob. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan enn ant le de demonstrasyon, demontre en retourn vizit ler pe anmenn magazin tou le mwan. Poz en fondasyon pour prosenn vizit par atir latansyon sa dimoun lo bwat “Dan nou prosen Nimero.”—Vwar Nou Minister Rwayonm Oktob 1998, p. 8, par. 7-8.

20 min: “Servi Zeova dan Lazwa.”a (Tou dimoun i devret annan sipleman Nou Minister Rwayonm Zanvye 2002 avek zot pour sa diskisyon.) Apre ki paragraf 4 in ganny diskite, mansyonnen ki pandan mwan Novanm nou pou ofer brosir Ekspekte ek liv Konnesans. Briyevman revwar enn bann prezantasyon dan sipleman Nou Minister Rwayonm Zanvye 2002. Apre fer en demonstrasyon kot de proklanmater pe egzers sa prezantasyon. Ankouraz tou proklanmater pour prepar byen pour predikasyon.

15 min: Kondwir bann Letid Labib i anmenn Benediksyon. Diskour ek diskisyon avek lodyans. Rakont ennde leksperyans dan nou bann piblikasyon ki enplik bann letid Labib ki progrese. (w00 1/3 p. 6; yb98 p. 55-60) Envit lodyans pour fer komanter lo sa ki nou aprann atraver bann leksperyans e konman nou benefisye ler nou kondwir bann letid Labib.

Kantik 172 ek lapriyer final.

Semenn le 20 Oktob

Kantik 86

5 min: Lanons lokal.

40 min: “Lasanble distrik ek Lasanble Enternasyonal i pous nou pour donn Bondye Laglwar!” Pour ganny prezante par en ansyen. Apre en lentrodiksyon en minit ou mwens, diskit avek lodyans progranm lasanble par servi bann kestyon dan lartik. Progranm letan pour kapab abord tou kestyon, petet par aksepte zis en larepons pour serten kestyon. Pa tou verse Labib ki’n ganny mansyonnen ki kapab ganny lir dan letan ki’n ganny akorde; zot in ganny enkli pour ki bann larepons i ganny trouve pli fasilman. Bann komanter i devret konsantre lo bann byenfe pour aplik bann keksoz ki nou’n aprann.

Kantik 112 ek lapriyer final.

Semenn le 27 Oktob

Kantik 64

12 min: Lanons lokal. Rapor kont. Rapel bann proklanmater pour remet zot rapor servis pour mwan Oktob. Ankouraz tou dimoun pour revwar zot not progranm zournen lasanble spesyal pour lannen servis ki’n pase an preparasyon pour prosenn Renyon Servis. Par servi bann sizesyon lo paz 8, fer de demonstrasyon lo konman pour prezant Latour Veyer le 15 Oktob (Angle/Franse) ek Réveillez-vous! le 22 Oktob. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan enn ant le de demonstrasyon, montre konman pour sirmont sa lobzeksyon “Mon pa enterese.”—Vwar liv Comment raisonner, p. 16.

20 min: Servi Lepe ki Lespri i donnen. (Efe. 6:17) Diskisyon avek lodyans baze lo liv Lekol Minister, paz 143-4. Envit lodyans pour fer komanter lo sa bann kestyon: (1) Akoz nou servi Labib ler pe reponn bann kestyon? (2) Ki sa non Temwen Zeova i endike lo nou? (3) Ki legzanp Zezi in kite, e konman nou kapab imit li? (4) Ki serten fason efikas pour entrodwir bann panse biblik dan nou teritwar? (5) Akoz i bon pour lir direkteman dan Labib si i posib? (6) Ki mannyer bann ansyen i kapab ankouraz lezot pour byen servi Labib? Fer en demonstrasyon byen prepare baze lo sa legzersis lo paz 144 kot en proklanmater kalifye i servi omwen en verse Labib pour reponn en kestyon. Ankouraz tou proklanmater pour fer li konman zot lobzektif pour servi Labib sak fwa zot donn en temwannyaz.

13 min: Leksperyans lokal. Envit lodyans pour rakont bann leksperyans ki zot in gannyen ler zot ti asiste lasanble distrik ouswa ler pe donn temwannyaz enformel kot travay, kot lekol, oubyen dan lezot landrwa.

Kantik 52 ek lapriyer final.

Semenn le 3 Novanm

Kantik 147

5 min: Lanons lokal.

15 min: Bezwen lokal.

25 min: Ki zot Larises i konsist an bonn Aksyon. (1 Tim. 6:18) Par servi sa bann kestyon, en ansyen i fer en diskisyon avek lodyans lo progranm zournen lasanble spesyal ki ti ganny fer pandan lannen servis ki’n pase. Envit kongregasyon pour rakonte konman zot in kapab aplik sa ki zot ti aprann. (Ou kapab demann serten pour prepar davans lo sa bann pwen.) Fer resorti sa bann parti progranm: (1) “Bann bon Aksyon i anmenn en gran Sours Larises.” (Ekle. 2:11) Akoz bann serviter Bondye i fer bann bon aksyon ki ganny dekrir dan Parol Bondye olye bann aksyon san valer dan sa lemonn? (2) “Vin ris dapre Pwennvi Bondye.” (Mat. 6:20) Konman ki serten in “akimil zot larises dan lesyel,” e avek ki byenfe? (3) “Anrisir ou Minister avek en Letid Labib.” (om p. 91) Kwa ki kapab ed nou konmans e kondwir en letid Labib? (4) “Bann bon Aksyon dan sa Letan Rekolt.” (Mat. 13:37-39) Ki legzanp bon aksyon bann premye Kretyen in kite, e konman travay Rwayonm in agrandi dan nou letan? (5) “Les ou bann bon Aksyon glorifye Zeova.” (Mat. 5:14-16) Ki mannyer serten in ‘les zot lalimyer klere’? (6) “Felisit bann Zenn pour loue Zeova par bann bon Aksyon.” (Ps. 148:12, 13) Ki mannyer bann zenn Kretyen dan nou rezyon pe loue Zeova? (7) “Rekolte Benediksyon Zeova pour nou bann bon Aksyon.” (Prov. 10:22) Anmezir ki nou okipe pour fer bann bon aksyon, ki benediksyon nou kapab rekolte endividyelman, konman en fanmiy, konman en kongregasyon, e konman en lorganizasyon mondyal?

Kantik 180 ek lapriyer final.

[Not anba lo paz]