Progranm Renyon Servis
NOT: Nou Minister Rwayonm pou progranm en Renyon Servis pour sak semenn pandan mwan Out. Bann kongregasyon i kapab fer bann azisteman neseser pour kapab asiste Lasanble Distrik “Donn Bondye Laglwar.” Kot i apropriye, servi 15 minit dan dernyen Renyon Servis avan asiste lasanble pour revwar bann konsey enportan dan sipleman Nou Minister Rwayonm pour sa mwan ki aplik lokalman. Pandan mwan Oktob, en Renyon Servis pou ganny organize pour reviz bann pwen enportan lo progranm lasanble. An preparasyon pour sa diskisyon, nou tou nou ganny ankouraze pour pran bann not spesifik pandan lasanble, enkli en lalis bann pwen ki nou ti ava oule aplike personnelman dan nou lavi e dan predikasyon. Apre nou kapab ankouraz lezot par eksplike konman nou’n aplik sa bann sizesyon depi ki nou’n asiste lasanble.
Semenn le 11 Out
Kantik 101
10 min: Lanons lokal. Lanons apropriye dan Nou Minister Rwayonm. Par servi bann sizesyon lo paz 8, fer de demonstrasyon lo konman pour prezant Latour Veyer le 1 Out ek Réveillez-vous! le 8 Out. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Dan en demonstrasyon, montre konman pour sirmont sa lobzeksyon “Mon okipe.”—Vwar liv Comment raisonner, paz 19.
15 min: “Imit Labonte Zeova.”a Envit lodyans pour rakont bann leksperyans bref ki montre konman azir avek labonte in donn loportinite pour donn en temwannyaz. Felisit kongregasyon pour bann zefor ki zot in fer pour ed bann konpanyon Kretyen.
20 min: “Byenfe ki Servis Pionye i anmennen.”b Servi bann kestyon ki’n ganny fourni. Envit enn oubyen de pionye pour fer komanter lo bann byenfe ki zot in gannyen atraver servis pionye. Mansyonnen ki tou bann ki enterese pour fer pionye i kapab ganny en form laplikasyon avek sekreter.
Kantik 11 ek lapriyer final.
Semenn le 18 Out
Kantik 82
12 min: Lanons lokal. Rapor kont. Diskit “Nouvo Progranm Zournen Lasanble Spesyal.” Anons dat prosenn lasanble spesyal, e ankouraz tou dimoun pour asiste. Si lasanble pou ganny fer dan sa bann mwan ki pe vini, mansyonnen ki bann ki swete batize i devret enform sirveyan prezidan.
15 min: “En Travay ki soulaz nou.”c Fer laranzman davans pour ki de oubyen trwa proklanmater i fer komanter lo konman minister Kretyen i soulaz zot.
18 min: “Annou gard nou Landrwa Ladorasyon dan en bon Kondisyon.”d (Paragraf 1-5) Servi bann kestyon ki’n ganny fourni. Ler pe diskit paragraf 3 ek 4, revwar bann laranzman pour netwayaz Lasal Rwayonm. Koz lo okenn keksoz ki merit nou latansyon. Felisit kongregasyon pour zot zefor pour mentenir en landrwa apropriye pour vre ladorasyon.
Kantik 114 ek lapriyer final.
Semenn le 25 Out
Kantik 175
10 min: Lanons lokal. Par servi bann sizesyon lo paz 8, fer de demonstrasyon lo konman pour prezant Latour Veyer le 15 Out (Angle/Franse) ek Réveillez-vous! le 22 Out. Dan sak demonstrasyon, tou le de magazin i devret ganny ofer ansanm, menm si zis enn ki ganny prezante. Montre en paran ek son garson oubyen fiy adolesan pe egzers en preparasyon pour aktivite magazin. Zot pas an bref lo sa ki zot pe al dir avan ki zot demontre li.
15 min: Bezwen lokal.
20 min: Ganny kouraz pour prese. (1 Tesa. 2:2) En diskour ek diskisyon avek lodyans. Eksplike akoz bokou i per pour apros lezot avek sa mesaz Rwayonm. Sa i leka menm avek bann ki’n aktif pour plizyer lannen. Rakont serten leksperyans ki ganny trouve dan Latour Veyer le 1 Desanm, 1999, paz 25, Latour Veyer le 15 Desanm, 1999, paz 25, ek Latour Veyer le 1 Avril, 1996, paz 31 (Angle/Franse). Envit lodyans pour fer komanter lo konman zot ti kapab ganny kouraz pour partaz sa bon nouvel dan bann moman kot zot ti santi lafreyer. Konklir par ankouraz lodyans pour rod lafors avek Zeova, baze lo Latour Veyer le 15 Desanm, 1999, paz 23-4 (Angle/Franse).
Kantik 125 ek lapriyer final.
Semenn le 1 Septanm
Kantik 84
10 min: Lanons lokal. Rapel bann proklanmater pour remet zot rapor servis pour mwan Out. Mansyonn piblikasyon ki pou ofer an Septanm. Fer laranzman davans pour ki enn oubyen de proklanmater i rakont bann leksperyans ankourazan ki zot in gannyen ler zot ti pe donn temwannyaz enformel an rapor avek lasanble distrik, pandan en vakans, ouswa dan bann lot lokazyon pandan mwan Zilyet ek Out.
15 min: Eski ou gard ou Promes pour retournen? En diskour ek diskisyon avek lodyans baze lo Latour Veyer le 15 Septanm, paz 10-11, anba tit “Autre manières de tenir ses promesses” (Angle/Franse). Ler nou trouv bann dimoun dan predikasyon ki montre lentere, nou normalman fer laranzman pour kontiny diskisyon en lot fwa. Eski nou fidelman retournen parey nou’n promet? Reviz bann prensip Labib ki devret motiv nou pour gard nou promes. Envit lodyans pour montre konman zot ganny beni ler zot pa’n tarde pour retournen.
20 min: “Annou gard nou Landrwa Ladorasyon dan en bon Kondisyon.”e (Paragraf 6-12) Servi bann kestyon ki’n ganny fourni. Aksantye lenportans pour byen mentenir Lasal Rwayonm, met lanfaz lo sa bwat lo paz 5. Enkli en rapor bref lo kondisyon ou Lasal Rwayonm, e mansyonn okenn plan pour fer reparasyon ouswa pour amelyore.
Kantik 41 ek lapriyer final.
[Not anba lo paz]
a Limit lentrodiksyon dan mwens ki en minit, e pourswiv avek en diskisyon par kestyon ek repons.
b Limit lentrodiksyon dan mwens ki en minit, e pourswiv avek en diskisyon par kestyon ek repons.
c Limit lentrodiksyon dan mwens ki en minit, e pourswiv avek en diskisyon par kestyon ek repons.
d Limit lentrodiksyon dan mwens ki en minit, e pourswiv avek en diskisyon par kestyon ek repons.
e Limit lentrodiksyon dan mwens ki en minit, e pourswiv avek en diskisyon par kestyon ek repons.