Progranm Renyon Servis

Semenn le 11 Desanm

Kantik 50

10 min: Lanons lokal. Lanons apropriye dan Nou Minister Rwayonm. Si kongregasyon i annan kopi liv Le plus grand homme oubyen Grand Enseignant dan stok, demontre konman zot kapab ganny byen servi dan minister pandan bann mwan vakans lekol. Ankouraz tou dimoun dan kongregasyon pour regard video La Bible: Un récit historique exact, des prophéties dignes de foi an preparasyon pour diskisyon dan Renyon Servis semenn le 25 Desanm. Diskisyon pou baze lo bann kestyon ki ganny trouve lo paz 7 dan sa nimero Nou Minister Rwayonm. Bann ki annan sa video zot kapab pret lezot ki napa oubyen petet zot kapab regard ansanm.

15 min: “Annan Lakrent pour Zeova Toultan.”a Enkli leksplikasyon lo lakrent Bondye ki trouve lo paz 26 dan Réveillez-vous! le 8 Zanvye, 1998. Met lanfaz lo bann bon benefis ki nou pou gannyen letan nou annan lakrent pour Zeova.

20 min: “Presyon Lezot ek Ou Privilez pour Prese.” Diskour ek entervyou. Envit bann endividi ki’n eksperyans presyon bann kanmarad pour rakonte konman zot in kapab reste aktif dan travay predikasyon menm si zot in rankontre sa problenm.

Kantik 78 ek lapriyer konklizyon.

Semenn le 18 Desanm

Kantik 94

15 min: Lanons lokal. Rapor kont. Mansyonn bann laranzman spesyal predikasyon pour le 25 Desanm ek le 1 Zanvye. Reponn sa kestyon: Eski i annan okenn lobzeksyon pour partisip dan bann selebrasyon ki kapab annan bann lorizin non Kretyen menm si sa pa ganny fer pour bann rezon relizyez?—Vwar liv Comment Raisonner, paz 164-66.

12 min: “Lekol Minister Teokratik pour 2001.” Diskour par sirveyan lekol. Ankouraz tou dimoun pour kontinyen fer lektir Labib lasemenn e pour kontinyen fer zefor pour prezant zot bann ekspoze dan lekol.

18 min: “Eski Ou Pres Avek Lardyes?”b Demann lodyans pour fer bann komanter lo bann verse dan sa lartik. An itilizan liv Notre Ministère lo paz 86-7 (paz 86 an angle) montre konman nou kapab ganny lardyes e vin pli efikas dan predikasyon.

Kantik 124 ek lapriyer konklizyon.

Semenn le 25 Desanm

Kantik 126

12 min: Lanons lokal. Sekreter pou fer resorti bann pwen enportan an egzaminan sa bwat ‘Bann Ansennyan Parol Bondye’ Lasanble Distrik 2001 bann Temwen Zeova. Met lanfaz lo lenportans pour ganny konze dan travay oplivit posib pour asiste sa trwa zour lasanble, enkli Vandredi. Revwar piblikasyon ki pou ganny ofer Zanvye.

10 min: Bezwen lokal.

23 min: La Bible: Un récit historique exact, des prophéties dignes de foi. Diskisyon avek lodyans an servan bann kestyon lo paz 7. Ofer bann sizesyon lo konman ki sa video i kapab ganny servi pour motiv lezot. (Annuaire 1999, paz 51-2) An Fevriye nou pou revwar dezyenm video dan sa seri, La Bible—Le livre le plus ancien toujours d’actualité.

Kantik 151 ek lapriyer konklizyon.

Semenn le 1 Zanvye

NOT: Bann kongregasyon pa devret sanz zour zot Renyon Servis semenn le 1 Zanvye pour enn pli boner amwen ki sirveyan rezyonal pe fer vizit.

Kantik 171

8 min: Lanons lokal. Si ou kongregasyon pou sanz bann ler renyon pour sa nouvo lannen, ankouraz tou dimoun pour kontinyen asiste renyon regilyerman kantmenm ler in sanze. Enform bann etidyan Labib ek bann ki enterese lo okenn sanzman, e konmans servi bann nouvo fey lenvitasyon ki montre nouvo progranm. Fer komanter lo rapor predikasyon pour mwan Septanm pour pei ek kongregasyon lokal. Rapel tou proklanmater pour remet zot rapor predikasyon pour mwan Desanm.

15 min: Konman pour Prepare pour Retourn Vizit. Diskisyon ant en papa avek son fanmiy lo konman zot kapab vin pli prodiktif dan zot minister. I met lanfaz lo bann rezon biblik pour swiv tou bann lentere ki zot rankontre. An servan bann lendikasyon ki’n ganny fourni dan La Tour de Garde le 1 Zilyet 1999, paz 22, paragraf 18, zot prepare pour fer serten retourn vizit. Zot tou zot rekonnet ki zot in rankontre dimoun ki devret ganny vizite. Sakenn i dekrir reaksyon ki zot in gannyen pandan premye vizit, e larestan manm fanmiy i sizer en lide ek en verse Labib ki zot pou servi ler zot fer retourn vizit. Zot trouv bann pwen dan brosir Ekspekte ki kapab ganny itilize. Sa paran i fer enn bann zanfan egzerse ki i pou dir ler i fer retourn vizit. Zot plàn en ler spesifik pour fer retourn vizit pandan sa semenn ki pe vini.

22 min: “Konman pour Fer Disip avek liv Konnesans.” Diskisyon avek lodyans. Met lanfaz lo lenportans pour devlop lar pour ansennyen. Pour plis sizesyon lo konman pour devlop lar pour ansennyen ou kapab lir lartik: “Comment cultiver l’art d’enseigner” e “Comment toucher le coeur de vos auditeurs” dan liv Manuel pour l’École, letid 10 ek 15; “Enseignant, Enseignement” dan Étude perspicace, Volim 2; e lartik “L’art de construire avec des matériaux à l’épreuve du feu” e “Quant vous enseignez, parlez au coeur” dan La Tour de Garde le 1 Novanm 1984, paz 8-17; “Savez-vous raisonner efficacement à partir des Écritures?,” La Tour de Garde le 1 Mars 1986 paz 26; “Ils trouvent de la joie à faire des disciples” La Tour de Garde le 15 Fevriye 1996, paz 19.

Kantik 212 ek lapriyer konklizyon.

[Not anba lo paz]