Progranm Renyon Servis
Semenn le 13 Mars
Kantik 118
10 min: Lanons lokal. Lanons apropriye dan Nou Minister Rwayonm.
15 min: “Nou Pres bann Bon Nouvel.” Limit lentrodiksyon dan mwens ki en minit, e pourswiv avek en diskisyon par kestyon ek repons. Donn legzanp bann pwen biblik pozitif ki nou kapab tire dan liv Connaissance, ler nou pe ofer li dan minister.
20 min: “Eski Nou Kapab fer Avril 2000 Vin Nou Meyer Mwan?” (Paragraf 1-11) Par kestyon ek repons. Mansyonn sif maksimonm pour pionye asistan ki’n annan dan kongregasyon tou resaman. Demann serten ki’n partisipe pour dir bann byenfe personnel ki zot gannyen ler zot ogmant zot partisipasyon dan minister. Ankouraz kongregasyon pour travay pour etabli en nouvo maksimonm pionye asistan pandan mwan Avril. Egzamin bann kondisyon ki mete dan liv Notre Ministère, paz 113-14. Bann proklanmater ki ti a voudre fer pionye asistan, i kapab ganny en laplikasyon apre renyon.
Kantik 187 ek lapriyer konklizyon.
Semenn le 20 Mars
Kantik 21
10 min: Lanons lokal. Rapor kont.
15 min: “Ki Mon Kapab Fer?” En kondikter letid liv i diskit sa lartik avek enn oubyen de asistan ministeryel. Akoz bann diferan limit, serten proklanmater i kapab santi ki zot pa kapab kontribye bokou anver bann aktivite kongregasyon. Egzaminen koman nou tou nou kapab kontribye en par enportan, pour fortifye kongregasyon e fer avanse travay Rwayonm. Konklir an montran ki mannyer nou tou nou kapab “Partisip dan en Rapor Final.”—Vwar Notre Ministère, paz 109-10.
20 min: “Eski Nou Kapab fer Avril 2000 Vin Nou Meyer Mwan?” (Paragraf 12-18) Par kestyon ek repons. Enkli en demonstrasyon bref pour montre ki mannyer pour envit en konnesans pour asiste Memoryal. Egzamin mwan Avril lo “Kalandriye 2000” e anons bann randevou predikasyon ki’n ganny organize pour kongregasyon. Rapel sakenn pour fer en progranm byen pratik pour partisip otan ki posib dan minister pandan sa mwan, avek lobzektif pour ganny en partisipasyon 100 poursan dan kongregasyon. Ankouraz tou sa ki kapab, pour fer pionye asistan e pran en laplikasyon apre renyon.
Kantik 65 ek lapriyer konklizyon.
Semenn le 27 Mars
Kantik 119
10 min: Lanons lokal. Rapel tou dimoun pour met zot rapor servis pour Mars. Anons non bann ki pou fer pionye asistan an Avril. Eksplike ki i pa tro tar pour fer en laplikasyon. Mansyonn an detay tou bann randevou predikasyon ki’n ganny organize pour sa mwan. Ankouraz tou dimoun pour partisip dan minister sa wikenn, pour byen konmans mwan Avril. Nou pou ofer magazin La Tour de Garde ek Réveillez-vous! pandan sa mwan. Atir latansyon lo en lartik ek en pwen ki apropriye dan sak nimero, ki nou kapab servi efektivman dan bann prezantasyon. Tou dimoun i devret annan en egzanpler brosir Ekspekte e fer zefor pour servi li pour konmans letid Labib avek bann dimoun ki montre lentere.
13 min: “Demann Led.” Diskour ek diskisyon avek lasistans par en ansyen. Eksplike ki mannyer nou tou nou bezwen led tanzantan. Byen sir, sakenn i bezwen anmenn son prop sarz. (Gal. 6:5) Malgre sa, ler nou pa kapab siporte, nou pa devret ezite pour rod led avek en manm kongregasyon ki matir spirityelman. Envit lasistans pour rakont bann leksperyans ki montre ki mannyer led ki zot in gannyen avek lezot in ankouraz zot.
10 min: Bezwen lokal.
12 min: Egzamin La Tour de Garde, 1 Zanvye 2000. Diskit e egzamin avek lasistans bann pwen markan dan parti “Rapport mondial pour 1999—Totaux”, lo paz 17. Diskit osi lo “Lettre du Collège central”, ki nou’n resevwar an Fevriye. Demann serten pour fer komanter lo ki mannyer zot pou byen servi bann lankourazman ki’n ganny donnen.
Kantik 195 ek lapriyer konklizyon.
Semenn le 3 Avril
Kantik 72
10 min: Lanons lokal ek bann leksperyans predikasyon. Swazir bann leksperyans resan dan teritwar lokal ki pou ankouraz lezot pour partisip dan predikasyon.
17 min: “Etidye Profesi Danyel.” Par kestyon ek repons. Fer komanter bref lo ki mannyer nou dan en pozisyon pour benefisye, an etidyan liv Labib Danyel. (Vwar sapit 1, paragraf 15-17, dan liv La Prophétie de Daniel.) Ankouraz tou dimoun pour asiste Letid Liv Kongregasyon regilyerman.
18 min: Eski Mon Devret Raport en Fot Grav? En diskour serye par en ansyen, espesyalman pour bann zenn. Bokou problenm in devlope dan sosyete modern ki annan lefe danzere lo bann zenn: degradasyon bann standar moral, ogmantasyon vyolans, labi drog, e en mank respe pour lotorite. Serten adolesan i viv en lavi doub, e zot kasyet zot move kondwit. Sa i en gran menas pour byennet spirityel kongregasyon an antye. Serten i komet en fot grav e zot oule gard li sekre. Si ou aprann ki en frer oubyen en ser dan kongregasyon in fer en keksoz ki seryezman vyol lalwa Bondye, ki ou devret fer? Konsider sa prensip mansyonnen dan Levitik 5:1. (vwar La Tour de Garde 15 Out 1997, paz 27-30.) Refer dan liv Les jeunes s’interrogent, paz 68-9, e eksplike ki en dimoun i bezwen fer dan en ka parey.
Kantik 68 ek lapriyer konklizyon.