Lepok Mesi ek son bann disip

Sa seksyon i kouver apepre en syek. Konmansman sa seksyon, nou lir konsernan en fiy Zwif ki ti annan limilite ki apel Mari. Zeova ti konfye Mari enn bann pli gro responsabilite ki i’n deza donn en imen enparfe. A lafen sa seksyon nou pou vwar legzanp zapot Zan, en disip ki Zezi ti vreman kontan. Dan sa seksyon, nou pou osi vwar lezot legzanp bann ki ti demontre kouraz dan en fason remarkab parey Zan ki batize, zapot Pyer, Mari Magdalenn, Etyenn ek zapot Pol. Zot tou zot ti bezwen kouraz dan diferan sirkonstans. Par egzanp, avek kouraz zot ti dir lezot ki Zezi i Mesi menm si laplipar dimoun pa ti oule aksepte. Zot ti swiv legzanp Zezi e anons sa bon nouvel ki Zezi ti’n ansenny zot, menm si dimoun ti ay zot e persekit zot.