Ki plan Bondye i annan pour nou?

LER ou lir zournal, get televizyon ouswa ekout radyo, ou vwar e tann koz lo krim, lager ek terorizm. I kapab ou pe soufer akoz ou malad ouswa akoz en dimoun ki ou kontan in mor.

Demann ou lekor:

• Eski sanmenm sa ki Bondye i oule pour mwan ek mon fanmir?

• Kote mon kapab ganny led pour fer fas avek mon bann problenm?

• Eski i pou annan lape lo later en zour?

Labib i donn bann bon larepons pour sa bann kestyon.

LABIB I DIR KI BONDYE POU FER BANN KEKSOZ EKSTRAORDINER LO LATER.

• Dimoun pou nepli soufer, vin vye e mor.​—Revelasyon 21:4

• “Bann ki bwete pou sote parey en serf.”​—Izai 35:6

• “Lizye bann aveg pou ouver.”​—Izai 35:5

• Bann mor pou resisite.​—Zan 5:28, 29

• I pou napa personn ki malad.​—Izai 33:24

• Tou dimoun lo later pou annan dekwa manze.​—Psonm 72:16

  

BENEFISYE AVEK SA KI LABIB I DIR

I ti pou fasil pour krwar ki tou sa ki ou’n lir ziska aprezan i zis en rev. Me Bondye in promet ki byento i pou fer sa bann sanzman lo later e Labib i eksplike ki mannyer i pou fer sa.

Me Labib i fer plis ki sa. I osi dir nou ki nou bezwen fer pour ki nou kapab vreman ere e pour ki nou lavi i gou la konmela menm. Reflesir en pti kou lo bann keksoz ki fer ou enkyet. Petet problenm larzan, fanmir, lasante oubyen lanmor en dimoun ki ou kontan. Labib i kapab ed ou fer fas avek sa bann problenm e i kapab soulaz ou parski i reponn bann kestyon tel parey:

• Akoz nou soufer?

• Ki mannyer nou kapab fer fas avek nou bann problenm?

• Eski nou fanmir i kapab ere?

• Ki arive ler nou mor?

• Eski en zour nou pou revwar bann dimoun ki’n mor?

• Akoz nou kapab asire ki Bondye pou fer tou sa ki i’n promet?

Lefet ki ou pe lir sa liv i montre ki ou ti a kontan konnen ki Labib i dir. Sa liv i kapab ed ou. I annan bann kestyon pour sak paragraf ki pou ed ou konpran Labib pli byen. I annan plizyer milyon dimoun ki kontan etidye Labib avek Temwen Zeova. Nou swete ki i pou parey avek ou e ki Bondye i a beni ou anmezir ki ou aprann sa ki Labib i dir!