١. بوممەلەرزە
‹بوومەلەرزەی گەورە ڕوودەدات.›—لۆقا ٢١:١١.
● وینی، منداڵێکی ساوای تەمەن ١٦ مانگە کە لە بوومەلەرزەکەی هایتی ڕزگار کرا. لەم کارەساتەدا کۆمەڵێک پەیامنێری کەناڵێکی تەلەفزیۆنی گوێیان لە نالە بێهێزەکانی بوو. وینی لە بوومەلەرزەکە ڕزگاری بوو، بەڵام دایک و باوکی گیانیان لەدەستدا.
ڕاستیەکان چی نیشان دەدەن؟ لە مانگی یەکی ساڵی ٢٠١٠ بوومەلەرزەیەک بە گوڕی ٧ پلە هایتی هەژاند و زیاتر لە ٣٠٠ هەزار کەس گیانیان لەدەستدا. هەروەها لە چرکەیەکدا یەک ملیۆن و ٣٠٠ هەزار کەس بێ ماڵ و حاڵ بوون. بەڵام بوومەلەرزەکەی هایتی تاکە بوومەلەرزەی گەورەی ئەو سەردەمە نەبوو. لە مانگی نیسانی ٢٠٠٩ تا مانگی نیسانی ٢٠١٠، لانیکەم ١٨ بوومەلەرزەی گەورە لە سەرانسەری جیهان ڕوویدا.
ناڕەزایەتییە باوەکان چین؟ لە ئەمڕۆدا ڕوودانی بوومەلەرزەکان ئەوەندە نائاشنا نین. تەنها بەهۆی تەکنەلۆژیای ئەم سەردەمەوە، مرۆڤاکان زیاتر لە ڕابردوو ئاگاداری دەبنەوە.
ئایا ئەم بۆچوونانە ڕاستە؟ ئەم ڕاستییە لەبەرچاو بگرن: پەرتووکی پیرۆز جەخت لەسەر ژمارەی ئەو بوومەلەرزانە ناکاتەوە کە لە ڕۆژانی کۆتاییدا ڕوودەدەن. بەڵام ئاماژە بەوە دەکات کە ‹لە شوێنە جیاوازەکاندا بوومەلەرزەی گەورە ڕوودەدات› و ئەمەش یەکێکە لە گرنگترین تایبەتمەندییە دیارەکانی ئەم قۆناغەی مێژووی مرۆڤایەتیە.—مەرقۆس ١٣:٨; لۆقا ٢١:١١.
ڕای ئێوە چییە؟ ئایا ئێمە بەڕاستی سەبارەت بە بوومەلەرزە گەورەکان، شاهیدی پێشبینییەکانی پەرتووکی پیرۆزین؟
بوومەلەرزە، بەتەنیا لەوانەیە بەڵگەی یەکلاکەرەوە نەبێت کە ئێمە لە ڕۆژانی کۆتاییدا دەژین. بەڵام نابێت لەبیرمان بچێت کە ئەمە تاکە پێشبینی نییە لە پەرتووکی پیرۆزدا. ئێستا پێشبینییەکی تر چاو لێدەکەین.
[نكتهٔ مهم]
«ئێمە [زانایانی جیۆفیزیک] پێی دەڵێین بوومەلەرزەی گەورە، خەڵک پێی دەڵێن کارەسات.»—کێن هادنات، جیۆفیزیکزان لە دامەزراوەی جیۆلۆجی ئەمریکا.
[اعتبار تصاوير]
© William Daniels/Panos Pictures