Mumu Liaka Yitanga ya Atu yinayi ni Kupihia Chinji?—Yika Mbimbiliya Yakulongesa?

Atu anji musono, keshi nawa ni utu. Mieji waze keshi vumbi kakutenukina mandotolo; waze akuya ni kulila mu ma restaurante kamwesa lamba atu waze akukalakala mu yihela yacho; passageiros waze akunyina mu ndeke kakuhona vumbi ni kwamba yuma yipi kuli atu waze akukalakala mu ndeke; twanuke keshi kulinga yuma yipema ku shikola, kakukekuna alongeshi jo kwamba yuma yipi, kwachikimisa, ni kulitachika no; mba akwa mafwefwe amwe kakulinga yuma ya mbwaja muze akwa mafwefwe akwo akufupa kulinangamisa ngwo kali apema.

Mbimbiliya yili mukanda uze mutuhasa kujikijila muze yakuhanjika hakutwala ku utu. Chikwo nawa, yakulumbununa mumu liaka yitanga ya atu yinayi ni kupihia chinji musono.

Mumu Liaka Yitanga ya Atu yinayi ni Kupihia Chinji?

Kuhona utu, yitanga yipema, ni vumbi ye yinasoloka chinji hashi eswe.

• Chimwe kuhengwola alinga mu Estados Unidos, chasolola ngwo yitanga yipema ya atu yinatepuluka chinji haliapwila kuhiana ha miaka 22 kunyima.

• Ha kuhengwola chikwo, unji wa atu kuhiana 32 mil a mu yifuchi 28, hakachi ko 65% yamba ngwo, musono kuli atu akehe wika waze akusolola yitanga yipema.

Mbimbiliya yaliangile kulu kuhanjika ha yuma yize tunamono musono.

• “Ha matangwa akusula, mukukapwa mashimbu akalu chinji. Mumu atu makapwa akwa-kulizanga ene, . akwa-kulisuta, akwa-kulinangamisa, keshi kwononokena yisemi jo, keshi kusakwilila,  . . . asasu, kechi kazanga yuma yipema.”—2 Timoteu 3:1-3.

Nyi muzanga kunyingika sango jikwo hanga umone chize uprofeto uno unamanunuka tanga chikuma, “Será que a Bíblia já falava como as pessoas iriam pensar e agir hoje?”

Mukanda uze mutuhasa kujikijila muze wakuhanjika hakutwala ku yitanga yipema

Mu chifuchi chino muze kumushi nawa yitanga yipema, tununu a tununu twa atu hanyingika ngwo Mbimbiliya yili ni usongwelo upema hakutwala ku yitanga yipema. Yiyulo yamo hakutwala ku yitanga yipema, “hanayikolesa ku miaka yeswe ya mutolo.” (Samu 111:8) Tutalenu yilweza yino:

• Yize Mbimbiliya Yakulongesa: “Yuma yeswe nunazange hanga akwenu alinge hali yenu, ni yenu nawa yilingenu hali ayo.”—Mateu 7:12.

  Longeso: Twatamba kusolwela akwetu umbovu ni vumbi, chizechene ngwe yetu twakuzanga atusolwele.

• Yize Mbimbiliya Yakulongesa: “Amu hinunambila mahuza, mutu mweswe ahanjike umwenemwene kuli umwe ni mukwo.”—A-Efwesu 4:25.

  Longeso: Twatamba kuhanjika umwenemwene mu yuma yeswe mutuhanjika ni yize mutulinga.

Mba unyingike sango jikwo ha yikuma yino, tanga:

• Kaposhi wa Kutalila uli ni chikuma “Yize Muyikukwasa Kusa Chinyingi—Hakachi ka Chipi ni Chipema.”

• Chikuma “Tolerância—O que a Bíblia diz?”