Lulieka Makumbululo a Utakamiso

Ha kukunguluka chetu cha chikungulwila, yetu twakupwa ni chiwape cha kutakamisa mandumbu jetu a malunga ni a mapwo, kupalikila mu makumbululo jetu. (Hepre. 10:24, 25) Mba yika muyitukwasa kululieka makumbululo waze matakamisa akwetu?

• Lemba kuli Yehova. Mwite hanga akukwase kuhana makumbululo waze mamuhalisa ni waze matakamisa akwenu.—Samu 35:18.

• Lulieka makumbululo je, kanda utanga wika waze akusoneka ha mikanda. Nyi mukumbulula mu maliji je, akwenu mayuka ha kumona chize unasolola ufulielo we.

• Hana makumbululo ehi. Kumbululo lihi liapwa lipema, lia kutakamisa, chikwo nawa, liakuhana kuli atu akwo uhashi wa kukumbulula muze ali ha kukunguluka.—Yishi. 10:19.

• Hana makumbululo ni nyonga lialita. Litwamine kuhana makumbululo ni nyonga lia kuhana yiyulo, kwihiahia, kulimika ni chikungulwila hanji ni umwe ndumbu.

Chipwe ngwe kakutongwele hanga ukumbulule ha kukunguluka, nihindu muhasa kutakamisa akwenu. Muhasa kuchilinga ha kupanjika kanawa muze ayo anakumbulula, mba muze kukunguluka muchihwa, muhasa kwalweza yikuma yize wazanga chinji ha makumbululo jo.—Yishi. 10:21.