Mga Pahibalo

◼ Tanyag nga literatura sa Hunyo: Itanyag ang librong Pagkakat-on Gikan sa Dakong Magtutudlo. Kon adunay moingon nga wala silay mga anak, itanyag ang librong Kalipay sa Pamilya. Hulyo ug Agosto: Bisan unsang brosyur ikatanyag. Septiyembre: Ang librong Gitudlo sa Bibliya ang itanyag. Angayng himoon ang linaing paningkamot sa pagsugod ug usa ka pagtuon sa Bibliya sa unang pagduaw. Ang tanang tawo nga napahimutangan ug basahon angayng duawon pag-usab uban ang tumong nga masugdan ang usa ka pagtuon sa Bibliya sa balay.

◼ Sanglit ang Hulyo adunay lima ka hinapos-sa-semana, kini maoy maayo kaayong bulan nga mag-oksilyare payunir.

◼ Ang programa bahin sa video nga Young People Ask—How Can I Make Real Friends? pagahisgotan sa usa ka Tigom sa Pag-alagad sa Septiyembre. Kadtong nagkinahanglag mga kopya makaorder niana pinaagi sa kongregasyon.

◼ Sa dihang kamo may plano nga motambong sa mga tigom sa kongregasyon, asembliya, o distritong kombensiyon sa laing nasod, ang inyong hangyo alang sa impormasyon bahin sa mga petsa, mga oras, ug mga dapit kinahanglang ipadala ngadto sa sangang buhatan nga nagadumala sa buluhaton sa maong nasod. Ang mga adres sa mga sangang buhatan nalista sa kataposang panid sa bag-ong Tinuig nga Basahon.

◼ Gisugyot nga ang mga aplikasyon alang sa pag-alagad ingong regular payunir ipadala ngadto sa sangang buhatan labing menos 30 ka adlaw una pa sa gihangyong petsa sa pagsugod. Ang sekretaryo sa kongregasyon angayng magsusi pag-usab sa mga porma sa pagseguro nga kana kompleto. Kon ang mga aplikante dili makahinumdom sa eksaktong petsa sa ilang bawtismo, angay nilang banabanaon ang petsa ug maghupot ug rekord niana. Ang sekretaryo angayng magsulat sa maong petsa diha sa Congregation’s Publisher Record (S-21) nga kard.