Eskedyul sa Tigom sa Pag-alagad

Semana sa Hunyo 12

Awit 218

10 min: Lokal nga mga pahibalo. Ginamit ang mga sugyot sa panid 4 o ubang mga presentasyon nga haom sa inyong teritoryo, ipasundayag kon sa unsang paagi itanyag ang Hunyo 15 nga Bantayanang Torre ug ang Hunyo nga Pagmata! Sa usa sa mga presentasyon, ipasundayag ang pagtanyag sa mga magasin sa dili-pormal nga kahimtang.

20 min: “Atong Ministeryo—Buluhaton nga Nagpadayag ug Kahangawa.”a Kon duna pay panahon, dapita ang mamiminaw sa pagkomento bahin sa gisitar nga mga teksto.

15 min: Pagsalig sa “Matinumanon ug Maalamong Ulipon.” Pakigpulong ug panaghisgot uban sa mamiminaw nga gipasukad sa kapitulo 3 sa Organisado Aron Buhaton ang Kabubut-on ni Jehova.

Awit 47 ug paniklop nga pag-ampo.

Semana sa Hunyo 19

Awit 21

10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.

20 min: Ang Usa ka Pulong sa Hustong Panahon Oh Pagkamaayo! Pakigpulong ug panaghisgot uban sa mamiminaw nga gipasukad sa Enero 1, 2006, Bantayanang Torre, mga panid 16-19. Sa introduksiyon nga pakigpulong, ipasiugda ang upat ka kaayohan sa pagdayeg sa uban nga gihisgotan ubos sa sub-ulohang “Positibong mga Epekto.” Unya dapita ang mamiminaw sa pagkomento bahin sa mosunod nga mga pangutana: Kinsay kinalabwan nga takos sa pagdayeg? Nganong ang mga isigkamagsisimba takos sa haom nga pagdayeg? Unsay atong mga kahigayonan sa pagdayeg diha sa kongregasyon? Nganong mapuslanon ang pagdayeg sa mga membro sa pamilya, ug sa unsang paagi ato kanang mahimo? Sa unsang paagi nadasig o napalig-on ka sa pagdayeg nga imong nadawat?

15 min: “Ipakita ang Personal nga Interes—Pinaagi sa Pagdayeg.”b Ilakip ang mubong demonstrasyon diin ang usa ka magmamantala magpatalinghog pag-ayo sa tagbalay, maghatag ug sinserong pagdayeg, ug unya magpadayon sa panaghisgot nga gipasukad sa gisulti sa tagbalay pinaagi sa pagbasa ug haom nga teksto.

Awit 96 ug paniklop nga pag-ampo.

Semana sa Hunyo 26

Awit 63

15 min: Lokal nga mga pahibalo. Basaha ang taho sa kuwenta ug mga pasalamat sa donasyon. Ginamit ang mga sugyot sa panid 4 o ubang mga presentasyon nga haom sa inyong teritoryo, ipasundayag kon sa unsang paagi itanyag ang Hulyo 1 nga Bantayanang Torre ug ang Hulyo nga Pagmata! Pagkatapos sa matag presentasyon, isukna sa magmamantala ang makapukaw-sa-hunahuna nga pangutana nga mahimong tubagon sa sunod nga pagduaw nga gamiton ang librong Gitudlo sa Bibliya.

15 min: Pag-alagad Uban sa Usa ka Kongregasyon nga Langyaw ug Pinulongan. Pakigpulong nga gipasukad sa Marso 15, 2006, Bantayanang Torre, mga panid 17-20. Ilakip ang mga komento diha sa librong Organisado, panid 112, parapo 2. Ipadapat sa lokal ang impormasyon. Mahimong ilakip ang usa o duha ka mugbong mga interbiyo niadtong nagtinguha sa pagpalapad sa ilang ministeryo pinaagi sa pagkat-on ug laing pinulongan.

15 min: Pagtanyag sa Maayong Balita sa Hulyo. Unsang mga ulohan ang kasagarang makapaikag sa mga tawo sa inyong teritoryo? Interbiyoha sa mubo ang usa o duha ka magmamantala nga epektibong mitanyag sa tanyag karon nga librong Gitudlo sa Bibliya ug tingali nakasugod nag usa ka pagtuon sa Bibliya. Unya ipasundayag ang usa ka pagbalaybalay nga presentasyon sa tanyag karon, nga gamiton ang usa ka presentasyon nga napamatud-ang epektibo sa inyong teritoryo.—Tan-awa ang Enero 2005 nga Atong Ministeryo sa Gingharian, p. 8, par. 5.

Awit 208 ug paniklop nga pag-ampo.

Semana sa Hulyo 3

Awit 111

10 min: Lokal nga mga pahibalo. Pahinumdomi ang mga magmamantala nga ihatag na ang mga taho sa pag-alagad sa kanataran sa Hunyo kon wala pa nila kana ikahatag.

15 min: Lokal nga mga panginahanglan.

20 min: “Kon Unsaon Pagkab-ot ang Imong Espirituwal nga mga Tumong.”c Dapita ang mga batan-on sa kongregasyon sa pagkomento bahin sa ilang espirituwal nga mga tumong ug kon unsay ilang ginabuhat sa pagkab-ot niana. Mahimong hikayon daan ang usa o duha ka komento.

Awit 30 ug paniklop nga pag-ampo.

[Mga footnote]