Achiʼel Manaén: tqayaʼ naʼäy Jehová pa qakʼaslemal

Jun chkë ri cristianos ri xkʼwan bʼey chpan ri congregación rchë Antioquía pa naʼäy siglo, ya riʼ Manaén. Hechos 13:1 nuʼij chë ryä «jnan xetjöx rkʼë Herodes, ri qʼatöy tzij pa kiwiʼ jojun tinamït». Ya reʼ nukʼüt chë Manaén xbʼä pa jun ütz escuela, y rkʼë jbʼaʼ xkʼïy pä chpan jun familia ri kʼo kirajil.

Tapeʼ ke riʼ, Manaén xchaʼ xok cristiano chqä kowan xsamäj pa congregación. Ryä majun bʼëy xksaj ta restudios o xuʼij ta chë rtaman kiwäch ye kʼïy winäq ri kan kʼo kiqʼij xa xuʼ rchë ntamatäj rwäch pa congregación. Pa rkʼexel riʼ, ryä xtäj rqʼij rchë xertoʼ ri cristianos.

Ri xuʼän Manaén nukʼüt qa chqawäch chë ri nqayaʼ rqʼij Jehová, ya riʼ kʼo más rqʼij chwäch njeʼ qaqʼij chkiwäch nkʼaj chik o nqakanuj qabʼeyomal. Ri estudios kan kʼo rqʼij chqawäch, ye kʼa qataman chë jontir ri yeqaʼän rchë nqayaʼ rqʼij Jehová, ya riʼ «kʼo más kiqʼij» y ma nqayaʼ ta qʼij chë kʼo jun nbʼanö chqë chë ma ta nqaʼän chik ya riʼ (Filip. 1:9, 10). Achiʼel Manaén, röj chqä nqayaʼ naʼäy Jehová pa qakʼaslemal (Mat. 6:33).