Jun toʼïk chkë ri ixoqiʼ ri kowan yetzʼil·on

Ke riʼ nchapatäj ri artículo rchë jw.org ri ke reʼ rbʼiʼ «¿Achkë xketoʼö ri ixoqiʼ rchë nkinaʼ chë ma nxiʼin ta kij?: ¿Achkë nuʼij le Biblia chrij riʼ?». Kʼa chuxeʼ kʼo jun enlance rchë nqaʼän descargar ri artículo, nqaʼän imprimir y chrij riʼ nqabʼüs rchë nqaʼän achiʼel jun tratado che rä. Jun qachʼalal aj Estados Unidos ri Stacy rbʼiʼ nuʼij: «Xinbʼän imprimir jojun copias. Chrij riʼ, rïn chqä jun qachʼalal xqakʼwaj äl ri copias riʼ chkë jojun ixoqiʼ ri ye kʼo pa jun jay akuchï nyaʼöx kitoʼik rma kowan yetzʼil·on. Ri jay riʼ kʼo pa rterritorio qacongregación».

Jun ixöq ri nsamäj chpan ri jay riʼ xkʼutuj más copias rchë nuyaʼ chkë ri ixoqiʼ ri kan chriʼ ye kʼo wä. Pa rkʼisbʼäl, ri qachʼalal xkijäch 40 copias y 30 tarjetas de contacto rchë jw.org. Jun chik qʼij, ri ixöq ri encargada chrij ri jay riʼ, xuʼij chë nrajoʼ chë ri ixoqiʼ nkitamaj achkë rbʼanik yeqatjoj ri winäq chrij le Biblia.

Ya Stacy chqä kaʼiʼ qachʼalal ixoqiʼ, kan ütz chqä kikʼulik xbʼan pa jun chik jay ri akuchï xkiyaʼ qa 5 copias rchë ri artículo, y kan xkʼutüx más chkë. Jun ixöq ri nsamäj wä chpan ri jay riʼ xuʼij: «Re folleto reʼ kan xkertoʼ ri ixoqiʼ ri ye kʼo qkʼë. Kan kowan xtkʼatzin chqë». Jun chik qʼij, ye kʼïy ixoqiʼ ri ye kʼo chriʼ xkimöl kiʼ rchë xkitzʼët achkë rbʼanik yeqatjoj ri winäq chrij le Biblia, y kaʼiʼ chkë ryeʼ xkiʼij chë nkajoʼ yeʼapon pa Salón del Reino ri fin de semana riʼ.

Ya Stacy nuʼij: «Ma qayoʼen ta wä chë kowan xtloqʼoqʼëx re artículo reʼ. Taq nqaʼän imprimir y nqabʼüs rchë nqaʼän achiʼel jun tratado che rä, nqkowin nqaksaj rchë yeqatoʼ ri ixoqiʼ ri kowan yetzʼil·on rchë nkajoʼ nkitamaj más chrij Rqʼatbʼäl Tzij Dios. Kan jaʼäl xqanaʼ taq xqatzʼët chë ri winäq kowan xqä chkiwäch ri artículo riʼ, chqä qayoʼen nqatzʼët achkë rbʼanik xtqrtoʼ pä Jehová rchë xtqïl chik nkʼaj rbʼanik rchë xtqatzjoj ri ütz taq rtzjol chkë ri winäq riʼ».