I bɛ se ka se sɔrɔ i ka miirina juguw kan

1-2. Ciden Paul tun bɛ to ka mun de miiri tuma dɔ la, ani a ye min sɛbɛn a yɛrɛ ko la, mun na o bɛ se ka an nafa? (Romɛkaw 7:​21-​24)

MUN lo be na i hakili la n’i miirila ciden Pol koo la? Yala i be miiri misɔnden jagwɛlɛ, kalanfa ŋana wala cɛɛ dɔ koo la min ye Bibulu ka kitabu caaman sɛbɛ wa? O bɛɛ ɲɛsinnin be ciden Pol ma. Nga tuma dɔw la, a dusu tun be tiɲɛ, a fari tun be faga wala a tun be hami. I ko an caaman, tuma dɔw la a fana tun be bondori kɛ ni miiriya juguw ye.

² Ɔrɔmukaw 7:21-24 kalan. Pol ye lɛtɛrɛ min ci Ɔrɔmukaw ma, a y’a dusukunnako dɔw fɔ a kɔnɔ. An caaman be n’o dusukunnakow ɲɔgɔn ye. Pol tun ye kerecɛn kantigi ye ani a tun b’a fɛ n’a dusu bɛɛ ye ka Ala sago kɛ. Nga, koo jugu nege tun b’a minɛ ani a tun ka ɲi ka bondori kɛ ka se ka Ala sago kɛ. Ka fara o kan, tuma dɔw la a tun b’a yɛrɛ jalaki a ka koo tɛmɛninw kosɔn ani gwɛlɛya wɛrɛ tun b’a dusu kasi fana.

3. An bɛna mun de ye barokun in na? (“Kuma dɔ ɲɛfɔli” lajɛ fana)

³ Hali ni Pol dusu tun tiɲɛnin lo tuma dɔw la, a ye jijalibaw kɛ walisa a kana to ka kɛ ni miiriya juguwa ye tuma bɛɛ. Barokun nin na, an bena ɲiningali nunu jaabi: Mun lo y’a to tuma dɔw la Pol tun b’a miiri ko ale ye “sigɛnbagatɔ ye”? A ye see sɔrɔ a ka miiriya juguw kan cogo di? An fana be se ka see sɔrɔ an ka miiriya juguw kan cogo di?

MUN DE Y’A TO MIIRINA JUGUW TUN BƐ PAUL LA

4. Mun de y’a to miirina juguw tun bɛ Paul la?

⁴ A ka koo tɛmɛninw. Yanni Pol ka kɛ kerecɛn ye, u tun b’a weele ko Sɔli ani a ye koo dɔw kɛ a nimisara minw na kɔfɛ. Misali la, a tun be yen tuma min na u ye cɛɛ kantigi Etiyɛni bon ni kabakuru ye k’a faga ani a tun sɔnnin be o ma (Kɛw. 7:58; 8:1). Ka fara o kan, a bilara ɲɛ ka kerecɛnw tɔɔrɔ kosɔbɛ.—Kɛw. 8:3; 26:9-11.

5. Paul ye fɛn minnu kɛ ka tɛmɛ, o ye nɔ jumɛn de bila a la?

⁵ Pol kɛra kerecɛn ye tuma min na, a ka koo tɛmɛninw tun b’a hakili ɲagami tuma dɔw la. A tun ye koo jugu minw bɛɛ kɛ kerecɛnw na, n’a sɔrɔ saanw tɛmɛtɔ, o tun b’a tɔɔrɔ. Misali la, tuma min na a y’a ka bataki fɔlɔ sɛbɛ Korɛntikaw ma saan 55 fan fɛ Krista tile la, a y’a fɔ ko: “Ne man kan ka wele ko ciden yɛrɛ, bari minw lara Ala la ne ye olu tɔɔrɔ.” (1 Kor. 15:9). Saan duuru ɲɔgɔn o kɔ, a ye lɛtɛrɛ min ci Efɛzikaw ma, a y’a fɔ a yɛrɛ koo la ko ale ye “Ala ka mɔgɔw bɛɛ la kɔmɔgɔ ye.” (Efɛz. 3:8). Tuma min na a tun be lɛtɛrɛ sɛbɛra k’a ci Timote ma, a y’a fɔ ko fɔlɔ la, ale tun be Ala ‘tɔgɔ cɛn, ka Alaɲasiranbagaw tɔɔrɔ, ani a tun ka fari.’ (1 Tim. 1:13). Ni Pol tun tagara bɔ kafow ye, a tun ye kerecɛn minw tɔɔrɔ, n’a sɔrɔ a tun be olu dɔw wala u somɔgɔw ye. O la, miiri k’a filɛ a dusukunnakow tun ye min ye.

6. Fɛn wɛrɛ jumɛnw de tun bɛ Paul dusu kasi kosɛbɛ? (Duguma sɛbɛnni fana lajɛ)

⁶ Pol tun be tɔɔrɔla kosɔbɛ gwɛlɛya dɔ kosɔn. A ko a tun be i n’a fɔ ‘ŋɔni dɔ donna ale farikolo la.’ (2 Kor. 12:7, Bible senuma). A m’a fɔ o gwɛlɛya tun ye min ye tigitigi. Nga a kumana cogo min na, o b’a yira ko bana, dusukunnako dɔw wala fɛɛn wɛrɛ lo min tun b’a tɔɔrɔla kosɔbɛ.b

7. Paul ka dafabaliyakow tun bɛ nɔ jumɛn de bila a la? (Romɛkaw 7:​18, 19)

⁷ A ka dafabaliyakow. Pol tun be bondori kɛra n’a ka dafabaliyakow ye (Ɔrɔmukaw 7:18, 19 kalan). Hali k’a sɔrɔ a tun b’a fɛ ka koo ɲuman kɛ, a ka dafabaliya kosɔn, a tun tɛ se k’o kɛ. A sɔnna a ma ko tuma o tuma a ka ɲi ka bondori lo kɛ walisa ka koo ɲuman kɛ sanni ka koo jugu kɛ (1 Kor. 9:27). Pol tun ye bondori min kɛ walisa ka kuma wala kɛwale juguw minw dabila, miiri k’a filɛ o tun b’a dusu kasi cogo min na, n’a tun segira u dɔw kan!

PAUL YE SE SƆRƆ A KA MIIRINA JUGUW KAN COGO MIN NA

8. Paul tun b’a ɲini ka se sɔrɔ a ka dafabaliyakow kan cogo min na, a ka batakiw bɛ o jira cogo di?

⁸ I ko Pol ka lɛtɛrɛw b’a yira cogo min na, a tun be miiri k’a filɛ ale n’a kerecɛnɲɔgɔnw be se k’u nege juguw kɛlɛ ani ka see sɔrɔ u kan cogo min na Ala ka hakili senu barika la (Ɔrɔm. 8:13; Gal. 5:16, 17). Kerecɛn ka ɲi ka jogo juguw ani nege jugu minw dabila, Pol kumana u koo la siɲɛ caaman na (Gal. 5:19-21, 26). Siga t’a la, Pol tun be to ka miiri a yɛrɛ ka barikantanya koo la, a tun be ladiliw ɲini Ala ka Kuma kɔnɔ ani a tun b’a filɛ a be se ka see sɔrɔ o barikantanya kan cogo tigitigi minw na. An be se ka la a la ko Pol ye ladili minw di tɔɔw ma, ale yɛrɛ y’u sira tagama.

9-10. Mun de ye Paul dɛmɛ ka se sɔrɔ a ka miirina juguw kan? (Efesekaw 1:7) (Ja fana lajɛ)

⁹ Hali ni Pol fari tun be faga tuma dɔw la, a tun b’a jija ka to ka koow filɛ ni ɲɛɛ ɲuman ye. Misali la, a balimaw minw tun be yɔrɔjan na, a tun mana kibaro diiman mɛn olu koo la, o tun b’a ninsɔn diya (2 Kor. 7:6, 7). A tun be teriya min kɛ n’a kerecɛnɲɔgɔnw ye, o fana tun b’a ninsɔn diya (2 Tim. 1:4). A tun b’a lɔn fana ko a koo ka di Jehova ye. Tiɲɛn na, Pol ninsɔn tun ka di sabu a tun be Jehova bato “ni kɔnɔgwɛ ye.” (2 Tim. 1:3). Hali k’a sɔrɔ a tun be kaso la Ɔrɔmu, a y’a balimaw jija k’u “ka nisɔndiya tuma bɛɛ Matigi kosɔn.” (Filip. 4:4). A ka kumaw b’a yira ko a tun tɛ miiri a ka gwɛlɛyaw n’a ka filiw koo la tuma bɛɛ. A gwɛnin lo ko ni miiriya jugu dɔ tun nana Pol hakili la, a tun b’a jija ka kɛ ni miiriya ɲuman ye tugun.

¹⁰ Pol ye see sɔrɔ a ka miiriya juguw kan sabu a tun lanin b’a la ko kunmabɔsara ye nilifɛn ye Ala ye min di ale fana kosɔn (Gal. 2:20; Efɛzikaw 1:7 kalan). O y’a to a tun lanin b’a la ko Jehova yafara ale ma Yezu Krista barika la (Ɔrɔm. 7:24, 25). Pol ka fili tɛmɛninw n’a ka dafabaliya bɛɛ n’a ta, a sera ka “baara kɛ Ala” ye ninsɔndiya la.—Eburuw 9:12-14.

11. Paul ka ko bɛ se ka dusu don an kɔnɔ cogo di?

¹¹ I ko Pol, n’a sɔrɔ a b’an ɲɛɛ na ko an ka ɲi ka to ka jijalibaw lo kɛ tuma bɛɛ walisa an kana kɛ ni miiriya juguw ye wala ka kuma dɔw fɔ ani ka koo dɔw kɛ minw man di Jehova ye. Tuma dɔw la, an fana be se k’a jati ko an ye “sigɛnbagatɔ ye!” Balimamuso dɔ tɔgɔ ko Elizac ani a be ni saan 20 ni kɔ ye. A y’a dusukunnakow ɲɛfɔ ten ko: “Ni n’ miirila Pol ka koo la, o be n’ jija. A be n’ hakili sigi k’a lɔn ko ne kelen lo tɛ n’o miiriya ɲɔgɔn ye. O be n’ hakili jigi fana ko Jehova b’a lɔn min b’a sagokɛlaw kan.” I ko Pol, an be se ka mun lo kɛ walisa ka kɛ ni dusukun ɲuman ye ani ka ninsɔn diya, hali n’an fari be faga tuma dɔw la?

AN BƐ SE KA SE SƆRƆ AN KA MIIRINA JUGUW KAN COGO MIN NA

12. Ni delinako ɲumanw bɛ an na alako ta fan fɛ, o bɛ se ka an dɛmɛ cogo di ka se sɔrɔ an ka miirina juguw kan?

¹² To ni delinanko ɲuman ye Alako ta fan fɛ. N’an be ni delinanko ɲuman ye Alako ta fan fɛ, o b’an dɛmɛ ka to ka koow filɛ ni ɲɛɛ ɲuman ye. An be se k’o suma n’an ka delinanko wɛrɛw ye minw b’an dɛmɛ ka to kɛnɛya la. N’an be dumuni kɛ ka ɲɛ, ka spɔr kɛ tuma o tuma ani ka sinɔgɔ ka ɲɛ, an ka teli ka to kɛnɛya la. O cogo kelen na, an bɛɛ y’a ye ko n’an be Ala ka Kuma kalan tuma o tuma, k’an ka lajɛnw labɛn, ka taga lajɛnw na, ka lakalitaw kɛ ani k’an seen don waajuli baara la, o b’an jija. O delinanko ɲumanw b’an dɛmɛ ka see sɔrɔ an ka miiriya juguw kan.—Ɔrɔm. 12:11, 12.

13-14. Delinako ɲuman tun bɛ krecɛn kantigi dɔw la alako ta fan fɛ, o ye olu nafa cogo di?

¹³ An ka Jean ka koo lajɛ. Tuma min na a tun be ni saan 39 ye, dɔgɔtɔrɔw y’a fɔ a ye ko kansɛri bana dɔ b’a la min man teli ka mɔgɔ caaman minɛ. A daminɛ na, a tun sirannin lo kosɔbɛ ani a tun be hami. A tun b’a yɛrɛ ɲiningara “mun na o bana y’ale minɛ k’a sɔrɔ a tun ma kɔrɔ fɔlɔ?” O tuma na, a dencɛ tun be ni saan saba dɔrɔn lo ye. Mun lo ye Jean dɛmɛ ka see sɔrɔ a ka miiriya juguw kan? A ko: “Hali ni n’ tun sɛgɛnnin lo, n’ ye n’ jija walisa n’ ka denbaya mɔgɔw ka to ni delinanko ɲuman ye Alako ta fan fɛ. Hali n’a tun ka gwɛlɛ an ma kosɔbɛ, lɔgɔkun o lɔgɔkun, an tun be taga lajɛnw na, ka waajuli kɛ ani ka gwa kɔnɔ batoli kɛ.” Kɔfɛ, Jean miirila o bɛɛ la ani a ko: “Ni gwɛlɛyaba dɔ y’an sɔrɔ, a daminɛ na, an dusu be kasi kosɔbɛ. Nga o kɔ, an mako be fanga min na, an b’a ye ko Jehova b’o di an ma ani a b’a yira an na ko a b’an kanu. Jehova be se ka fanga di ele fana ma i ko a y’a di ne ma cogo min na.”

¹⁴ Eliza min kofɔra ka tɛmɛ ale ko: “Tuma o tuma ni n’ tagara lajɛnw na, ka n’ ka kelenna kalan kɛ, Jehova be n’ hakili jigi ko a be n’ ka deliliw lamɛn ani ko a be n’ kanu kosɔbɛ. O be n’ ninsɔn diya yɛrɛ le.” Nolan ye kafokulu kɔrɔsibaga ye Afiriki. A y’a fɔ ale n’a muso Diane koo la ko: “Hali n’an fari fagara, an be to n’an ka delinanko ɲumanw ye Alako ta fan fɛ. Jehova b’a yira an na ka gwɛ tuma bɛɛ ko a b’an dɛmɛna ka koow filɛ ni ɲɛɛ ɲuman ye. An b’an jija k’a to an hakili la ko Jehova bena an dɛmɛ ani k’an duga. An t’a lɔn a bena o kɛ cogo min na, nga an b’a lɔn ko a bena o kɛ.”

15. An ka kan ka mun de kɛ walasa ka se sɔrɔ an ka miirina juguw kan? Misali dɔ fɔ.

¹⁵ N’an bele fari faganin lo, n’a sɔrɔ an ka ɲi ka koo wɛrɛw kɛ. Miiri k’a filɛ ko kɔdimi b’i la. Walisa o kɔdimi ka ban, n’a sɔrɔ i ka ɲi ka tagama loon o loon. Nga, o dama tɛ bɔri kɛ. Walisa k’a lɔn mun lo y’o kɔdimi bila i la, i ka ɲi ka sɛgɛsɛgɛri kɛ ani ka kuma dɔgɔtɔrɔ dɔ fɛ. O cogo kelen na, n’an be ni miiriya juguw ye tuma o tuma, an ka ɲi ka sɛgɛsɛgɛri kɛ Bibulu ani an ka gafew kɔnɔ ani ka kuma kerecɛn kolɔnbaga dɔ fɛ walisa k’a lɔn an be se ka see sɔrɔ u kan cogo min na. An ka koo wɛrɛw lajɛ minw be se k’an dɛmɛ.

16. Mun de bɛ se ka i dɛmɛ i k’a dɔn kun min kama miirina juguw bɛ i la? (Zaburu 139:​1-4, 23, 24)

¹⁶ Delili kɛ ani a filɛ i mako be min na. Masacɛ Dawuda tun b’a kala ma ko Jehova b’ale lɔn koɲuman. O kama, a ye Jehova deli ko a k’ale dɛmɛ k’a lɔn fɛɛn min be hami bila ale la (Zaburuw 139:1-4, 23, 24 kalan). E fana be se ka Jehova deli a k’i dɛmɛ k’a lɔn fɛɛn min kama i be ni miiriya juguw ye ani k’a faamu i be se ka see sɔrɔ u kan cogo min na. Ka fara o kan, i be se k’i yɛrɛ ɲininga ko: “N’a sɔrɔ mun lo b’a to n’ be ni miiriya juguw ye? Yala koo dɔ be yen min be n’ ka miiriya juguw lawuli wa? Yala n’ be to ka miiri o koow la sanni k’u bɔ n’ kɔnɔ wa?”

17. I ka yɛrɛkalan sen fɛ, barokun jumɛnw de bɛ se ka i dɛmɛ i k’i sinsin hakilina ɲumanw kan? (Ja fana lajɛ)

¹⁷ I ka kelenna kalan kɛ ka kɛɲɛ n’i makoya ye. Tuma dɔw la, a ka ɲi i ka sɛgɛsɛgɛri kɛ Jehova ka jogo dɔw koo la. Misali la, ciden Pol miirila kunmabɔsara ani Jehova ka yafali koo la minkɛ, o y’a nafa kosɔbɛ. E fana be se k’o ɲɔgɔn kɛ. I be se ka sɛgɛsɛgɛri kɛ ni Guide de recherche pour les Témoins de Jéhovah ani Index des publications Watch Tower ye. I be se ka sɛgɛsɛgɛri kɛ fana n’an ka sɛgɛsɛgɛrikɛ minan wɛrɛw ye minw be sɔrɔ i ka kaan na barokun nunu kan: Ala ka makari, a ka yafali ani a ka kanuya kantigiman. N’i ye barokun dɔw sɔrɔ minw be se k’i dɛmɛ, u sɛbɛ. O lisi bila yɔrɔ min na i be se k’a ye nɔgɔman na ani n’i fari b’a fɛ ka faga, sɛgɛsɛgɛri kɛ o barokunw kan. I jija k’u sira tagama ka kɛɲɛ n’i ka koow cogoya ye.—Filip. 4:8.

18. Krecɛn dɔw y’a latigɛ ka barokun jumɛnw de sɛgɛsɛgɛ?

¹⁸ Eliza min kofɔra ka tɛmɛ, ale ye sɛgɛsɛgɛri kɛ Zɔbu koo la. A ko: “N’ ka koow bɔnin be Zɔbu ta ma. A ye kɔrɔbɔliw sɔrɔ ka tugu tugu ɲɔgɔn kɔ. O bɛɛ n’a ta, tuma min na a fari tun fagara kosɔbɛ, a ma Jehova sago kɛli dabila abada, hali k’a sɔrɔ a tun t’a lɔn fɛɛn min kama gwɛlɛyaw tun b’a kan.” (Zɔbu 42:1-6). Diane min kofɔra ka tɛmɛ ale ko: “Ne ni n’ cɛɛ be sɛgɛsɛgɛri kɛra ni gafe Approchez-vous de Jéhovah ye. A ka di an ye k’a ye ko Jehova b’an dɛmɛ k’an jogow fisaya i ko dagadilanbaga be bɔgɔ baara cogo min na k’a kɛ daga cɛɲumanin ye. Sanni ka sinsin an ka filiw kan, an be miiri k’a filɛ ko Jehova b’an kalanna ani k’an dɛmɛ walisa an k’an sɔɔn fisaya. O b’an magwɛrɛ a la kosɔbɛ.”—Ezayi 64:7.

AN KA SINI MAKƆNƆ NI JIGIYA ƝUMAN YE

19. An bɛ se ka an jigi da mun de kan?

¹⁹ Hali n’an be ni delinanko ɲuman ye Alako ta fan fɛ ani an b’an ka kelenna kalan kɛ ka kɛɲɛ n’an makoya ye, an kan’a miiri ko an ka miiriya juguw bena tunu pewu. N’a sɔrɔ loon dɔw la, an fari be se ka faga kosɔbɛ. Nga Jehova ka dɛmɛ barika la, an be se ka miiriya juguw bɔ an hakili la ani an hakili be sigi kosɔbɛ. An ka la a la ko loonw fanba la, an bena kɛ ni dusukun ɲuman ye. Ka fara o kan, an bena ninsɔndiya an ka ɲɛnamaya ani Jehova ka baara la kuun caaman kosɔn.

20. I jijalen bɛ ka mun de kɛ?

²⁰ An be ni miiriya jugu minw ye an ka fili tɛmɛninw, an ka kunkow ani an ka dafabaliya koo la, an ka banba walisa o kana an fari faga pewu. Jehova ka dɛmɛ barika la, an be se ka see sɔrɔ an ka miiriya juguw kan (Zab. 143:10). Loon min na an tɛna bondori kɛ ni miiriya juguw ye tugun, an kɔrɔtɔnin lo o loon ka se. An bena kunu loon o loon sɔgɔma an tɛ jɔɔrɔ foyi la ani an ninsɔndiyanin bena to k’an ka Ala kanutigi Jehova bato!