Balimamusow bɛ se ka caman kɛ Jehova ye cogo jumɛn na?

Balimamusow bɛ dɛmɛ nafama don Masaya baara la. (Zaburu 68:12) U bɛ Bibulukalan caman ɲɛminɛ wa tutigɛbaga basigilen caman ye balimamusow de ye. Balimamuso baarakɛlabaw ba caman bɛ ka baara kɛ Betɛliw la, misiyɔnɛriya la, u dɔw b’a bɔ u yɛrɛ la ka dɛmɛ don sojɔbaara la walima u dɔw bɛ ka o baara kɛ kudayi, ani u dɔw ye bayɛlɛmalikɛlaw ye. Balimamuso minnu kɔgɔra alako ta fan fɛ, olu bɛ dusu don u ka denbaya kɔnɔmɔgɔw ani jɛkulu kɔnɔmɔgɔw kɔnɔ. (Ntalenw 14:1) Hali ni balimamusow tɛ se ka kɛ diinɛ maakɔrɔw walima cidenyabaara magannaw ye, u kɔni bɛ se ka kuntilennaw sigi u yɛrɛ ye jɛkulu kɔnɔ. Ni i ye balimamuso ye, sira dɔw la jumɛnw de fɛ i bɛ se ka caman kɛ Jehova ye?

• Krecɛn jogow don i yɛrɛ la.—1 Timote 3:11; 1 Piɛrɛ 3:3-6

• Jɛkulu kɔnɔ, dɔnniya bɛrɛ tɛ balimamuso minnu na, olu dɛmɛ.—Tite 2:3-5

• I ka waajuli kɛcogo ɲɛ ka ta’a fɛ ani ka caman kɛ waajulibaara la

• Kan wɛrɛ dege

• Taa yɔrɔ la, magoba bɛ yɔrɔ min na

• Sɛbɛn lafa walasa ka baara kɛ Betɛli la, walima ka dɛmɛ don Ala-ka-marako baara sow jɔli la

• Sɛbɛn lafa walasa ka taa Masaya Kibaru duman fɔbagaw ka lakɔli la

WIDEYO LAJƐ MIN TƆGƆ YE KO, MUSO MINNU BƐ “BAARABA KƐ MATIGI YE”, O KƆ AW KA NIN ƝININKALI JAABI:

• Nin balimamuso ninnu bɛɛ kelen-kelen ka ɲɛfɔliw ye dusu don e kɔnɔ cogo di?