Musokɔrɔbaw minɛ iko i baw, ka muso misɛnw minɛ iko i balimamusow

Sɛbɛnniw b’a fɔ an ye ko an ka krecɛn cɛkɔrɔbaw minɛ iko an faw, ka musokɔrɔbaw minɛ iko an baw, ka kamalenw minɛ iko an balimakɛw ani ka muso misɛnw minɛ iko an balimamusow. (1 Timote 5:1, 2 kalan.) Balimakɛw ka balimamusow minɛ kɛrɛnkɛrɛnnenya la ni danbe ani bonya ye.

Jarabi ko bɛnbaliw walima fɛn o fɛn min bɛ se ka balimamuso degun balimakɛ yɛrɛ ɲɛna, balimakɛ man kan abada ka olu si kɛ balimamuso la. (Job 31:1) Balimakɛ cɛgana man kan ka tulon kɛ abada ni balimamuso musogana dusukunnako ye jarabi ko ta fan fɛ a kɛtɔ ka balimamuso bila o k’a miiri ko a jarabilen b’a la k’a sɔrɔ a jarabilen t’a la.

Ni balimamuso dɔ bɛ ka diinɛ maakɔrɔw ɲininka fɛn dɔ la walima n’a bɛ ka fɛn dɔ fɔ u ye, u ka kan ka jateminɛ kɛ min ko la, ni a b’o kɛ ni bonya ye, u ka kan k’a lamɛn koɲuman. Diinɛ maakɔrɔw bɛ danbe da kɛrɛnkɛrɛnnenya la balimamusow kan cɛw tɛ minnu bolo ka u lakana.—Ruti 2:8, 9.

WIDEYO LAJƐ MIN TƆGƆ YE KO, KANUYA MIN TƐ BAN, AN KA TA’A FƐ KA O JIRA JEHOVA BATOBAGAW LA—MUSO CƐ SALENW NI FALATƆW, O KƆ AW KA NIN ƝININKALI NINNU JAABI:

• 

  Kanuya min ɲɔgɔn tɛ, jɛkulu kɔnɔmɔgɔw y’o jira balimamuso Myint la cogo di?

• 

  Jɛkulu kɔnɔmɔgɔw ye kanuya min jira, o ye seereya ɲuman di dugu kɔnɔmɔgɔw ma cogo di?

• 

  Jɛkulu kɔnɔmɔgɔw ye kanuya min jira, o ye nɔ jumɛn bila balimamuso Myint denmusow la?

Sira jɔnjɔn minnu fɛ i bɛ se ka i mago don aw ka jɛkulu balimamusow la ni kanuya ye, olu dɔw ye jumɛnw ye?