Mun de nafa ka bon ne bolo ka tɛmɛn fɛn bɛɛ kan?

Yakuba ye siɲɛ ta ni mɛlɛkɛ dɔ ye fɛn nafamaba dɔ kama ni o ye—Jehova ka dubaw ye. (Jenɛse 32:24-31; Ose 12:4, 5) Anw dun? Yala an bɛ sɔn ka cɛsiribaw kɛ walasa ka Jehova kan minɛ ani ka a ka dubaw sɔrɔ wa? Misali la, ka taa jɛkulu ka lajɛw la ani ka baara kɛ baara jiginnen kɔ an ka baarayɔrɔ la, ni an ka kan ka sugandili kɛ o fɛn fila ni ɲɔgɔn cɛ, an bɛna jumɛn de sugandi? Ni an bɛ an ka waati, an fanga ani an bolofɛnw bɛɛ la ɲuman di Jehova ma, a bɛ ‘duba dama dɔnbali lajigin an kan fo u bɛɛ mara yɔrɔ tɛ sɔrɔ’ (Malaki 3:10) A bɛna an ɲɛminɛ, ka an lakana ani ka a janto an magoɲɛfɛnw na.—Matiyu 6:33; Heburuw 13:5.

WIDEYO LAJƐ MIN TƆGƆ YE KO NE PERDS PAS DE VUE TES OBJECTIFS SPIRITUELS (o kɔrɔ ye ko: I sinsinnen ka to i ka alako kuntilennaw kan), O KƆ AW KA NIN ƝININKALI NINNU JAABI:

• 

  Balimamuso kɔrɔbɔra cogo di fɛn fɛ min tun ka di a ye kosɛbɛ?

• 

  An ka baara bɛ se ka kɛ kɔrɔbɔli ye an bolo cogo di?

• 

  Mun na Timote tun ka kan ka ta’a fɛ ka kuntilennaw sigi a yɛrɛ la hali ni a tun kɔgɔra alako tan fan fɛ?—1Timote 4:16

• 

  “Baara min bɛ an ka baara tɔw bɛɛ ɲɛ”, o ye min ye, an bɛ se ka o jira cogo di?