ALA KA KUMA NAFOLOMAFƐNW | JENƐSE 32-33

Yala i bɛ ka bari ta walima ka siɲɛ ta walasa ka dubaw sɔrɔ wa?

32:24-28

Walasa ka Jehova ka dubaw sɔrɔ, an ka kan ka an jija ka Masaya nafaw bila jɔyɔrɔ fɔlɔ la an ka ɲɛnamaya kɔnɔ. (1 Kɔrɛntekaw 9:26, 27) Hakilina sugu min tun bɛ Yakuba la tuma min na a ye siɲɛ ta ni mɛlɛkɛ ye, o ɲɔgɔn de ka kan ka kɛ an na ni an bɛ Jehova bato. An b’a jira ko an b’an seko bɛɛ kɛ ka Jehova ka dubaw ɲini ni an bɛ . . .

An labɛn ka ɲɛ jɛkulu lajɛw kama
An sen don tuma bɛɛ waajulibaara la
An seko bɛɛ kɛ ka tɔw dɛmɛ jɛkulu kɔnɔ

Jaw: Denba funankɛ dɔ, min bolo degunnen don. 1. A bɛ ka delili kɛ sani a ka tile baaraw daminɛ. 2. A bɛ ka dumuni di a denmuso fitinin ma sani ka taa waajuli la. 3. A nisɔndiyalen bɛ waajulibaara la n’a denmuso fila ani u ka jɛkulu balimamusow ye.

Aw ka kow mana gɛlɛya cogo o cogo, a’ye delili kɛ tuma bɛɛ walasa ka Jehova ka dɛmɛ ɲini ani ka cɛsiribaw kɛ a batoli la walasa k’a ka dubaw sɔrɔ.

I YƐRƐ ƝININKA, ‘Ne bɛ se ka cɛsiribaw kɛ fɛn jumɛnw de la n’ka ɲɛnamaya kɔnɔ walasa ka Jehova ka dubaw sɔrɔ?’