Hakilijigin don ɲɛsigikow

Walisa ka Hakilijigin labɛn, maakɔrɔw ka kan k’u hakili to nin fɛnw na:

◼ Ko taamasiyɛnw tɛna tɛmɛ fo tile binnen kɔfɛ.

◼ Nbuuru ni duwɛn sugu minnu bɛnnen don, olu ka kan ka labɛn ka bila.—San 2003 Feburuyekalo tile 15 La Tour de Garde ɲɛw 14-15 lajɛ

◼ Asiyɛtiw, diwɛn bɛ kɛ wɛrɛ minnu kɔnɔ, tabali ani tabali kunna fini minnu bɛnnen don, kɔn ka kan ka kɛ ka olu bila lajɛ kɛyɔrɔ la, ka u labɛn.

◼ Masaya so walima lajɛ bɛna kɛ yɔrɔ min na, o yɔrɔw ka kan ka kɔn ka saniya ka ɲɛ

◼ Mɔgɔ kunbɛnbagaw ni taamasiyɛnw latɛmɛbagaw ka kan ka kɔn ka sugandi, ɲɛfɔli ka kan ka kɔn ka kɛ u ye u ka baara kɛtaw ni u kɛcogo ɲuman kan, u ka finiw ni u kun labɛncogo minnu bɛ bonya da Hakiligin kan, o ka ɲɛfɔ fana u ye.

◼ Ni mɔgɔ munnen dɔ ye dɛsɛbagatɔ ye farikolo ta fan fɛ, n’a tɛ se ka na Hakilijigin na, labɛnw ka kan ka kɛ walisa a ka taamasiyɛnw sɔrɔ.

◼ Ni jɛkulu caman ka Hakilijigin lajɛ bɛna kɛ Masaya so kelen kɔnɔ, u ka kan ka kow labɛn cogo ɲuman na u ni ɲɔgɔn cɛ walisa mɔgɔw kana ɲɔgɔn degun fu Masaya so donda la, sennamɔgɔw tɛmɛsira kan ani bolifɛnw jɔyɔrɔ la.

◼ Ni Hakilijigin bɛna kɛ lajɛ kɛyɔrɔ wɛrɛ la, u ka kan k’a sɛgɛsɛgɛ ko mikoro minɛnw cogo ka ɲi walisa mɔgɔ minnu bɛ Hakilijigin kɛnɛkan, olu bɛɛ ka se ka kumakɛla kan mɛn.