“Aw bɛna jaabi jumɛn di?”
1. Mɔgɔ caman bɛ gɛlɛya jumɛnw sɔrɔ?
1 Yala Ala ka Kuma ka di i ye, nka i b’a ye ko a ka gɛlɛn ka Bibulu maana yɔrɔ misɛnninw to i hakili la, walima a ka gɛlɛn i k’a ye Bibulu tɛmɛsira kuma kɛrɛnkɛrɛnnen dɔ sɛbɛnnen bɛ yɔrɔ min na wa? Yala i b’a fɛ i ka denmisɛnw ka faamuyali jɔnjɔn sɔrɔ kow ni kalansira jujɔw kan minnu bɛ Bibulu kɔnɔ wa? Barokun min tɔgɔ ye tubabukan na ko Que répondriez-vous ? (min kɔrɔ ye “aw bɛna mun jaabi?”), o bɛ bɔ kalo o kalo Réveillez-vous ! kɔnɔ a ɲɛ 31nan na. O yɔrɔ bɛ se ka denmisɛnw ni mɔgɔkɔrɔbaw dɛmɛ u ka dɔ fara u ka dɔnniya kan Ala ka Kuma kɔnɔko kan.—Kɛw. 17:11.
2. Baara bɛ se ka kɛ ni “Que répondriez-vous ?” yɔrɔw ye cogo jumɛn na?
2 An bɛ se ka baara ɲuman kɛ ni o yɔrɔ ye cogo jumɛn na? San 2006 Zanwuyekalo Réveillez-vous ! bɛ hakilila di ko: “I ka waati dɔ ta ka ɲɛ 31 lajɛ . . . A yɔrɔ dɔw bɛna diya denmisɛnw ye. Mɔgɔ minnu bɛ ka Bibulu kalan a bɛ waati dɔ bɔ sisan, a bɛna gɛlɛya u ma u hakili ka to a yɔrɔ dɔw la. Yɔrɔ min tɔgɔ ye ko ‘Situez dans le temps,’ o bɛna i dɛmɛ i ka waati dɔ ta iko taamasiyɛn, min bɛna a jira i la Bibulu kɔnɔmɔgɔw balola waati minnu na ani kobaw kɛra waati minnu na fana. Yɔrɔ min tɔgɔ ye ko “Dans ce numéro” (n’o kɔrɔ ye ko ‘nin nimɔrɔ kɔnɔ’), o ɲininkaliw jaabiw bɛ sɔrɔ gafenin barokunw kɔnɔna na. Ɲininkali fanba jaabi bɛ ɲɛ kofɔlen dɔ de la, gafenin kɔnɔ, nka u sɛbɛnnen bɛ ɲɛ jugu kan. Mun na i tɛna ɲinini kɛ sanni i ka jaabiw kalan, ka tila k’a fɔ tɔw ye, i ye min sɔrɔ o la wa? I bɛ se ka nin yɔrɔ kura yɛrɛ kɛ kumakun ye denbaya walima kulu bɛ se ka baro kɛ min kan.”
3. Denbaya dɔw ye nafa sɔrɔ o yɔrɔ la cogo di, wa, o yɔrɔ fɛn jumɛn de diyara e ye kosɛbɛ?
3 A ka di denbaya caman ye tiɲɛ na ka baara kɛ ni o yɔrɔ ye denbaya ka kalan na. Denba dɔ y’a sɛbɛn ko: “Ne ni ne cɛ y’a ye ko a kɛra miiri ɲuman ye ka ‘Aux enfants de chercher !’ (n’o kɔrɔ ye ko a bɛ denmisɛnw de bolo k’a ɲini!), k’o yɔrɔ sen don an ka denbaya ka kalan na, k’o kɛ cogo ɲɛnama na min ka di an ka san 3 denmusonin ye. A b’an nisɔndiya kosɛbɛ k’a kɔrɔtɔlen lajɛ ka Réveillez-vous ! ta, k’a ɲɛ kelen-kelen bɛɛ yɛlɛma fo a bɛ min ɲinina, a ka o ye.” Ka bɔ Berezili, denfa dɔ fana y’a fɔ ko: “A ka di kosɛbɛ ne ni ne denkɛ ye min si ye san 7 ye, k’o yɔrɔ lajɛ Réveillez-vous ! kɔnɔ. A ye Moises dɛmɛ a ka kɔlɔsili kɛ, ka Bibulu tɛmɛsiraw ɲini k’u ye, ka fotow kɔrɔ faamu, ani kow kɛra waati minnu na, k’olu fana dɔn.” Ashley si ye san 8 ye. Ale fana y’a sɛbɛn ko: “Aw ni ce aw ka Que répondriez-vous ? barokun ko la, min bɛ Réveillez-vous ! laban na. Ne ye fɛn caman dɔn Bibulu kɔnɔ.”
4. Denbaya bɛ se k’o yɔrɔ kɛ u ka denbaya ka kalan kɔnɔko dɔ ye cogo jumɛn na?
4 Mun na i tɛna baara kɛ ni Que répondriez-vous ? yɔrɔ ye waati ni waati i ka denbaya ka kalan kɔnɔna na? I bɛ se ka baara kɛ ni Index sɛbɛn ye walima ni CD-ROM Watchtower Library kasɛti ye walisa ka ɲininkali gɛlɛnw jaabiw ɲini. Ni b’o kɛ, i bɛna i denw dege ɲinini kɛcogo la. Ni den kɔrɔbalenw b’i bolo, mun na i tɛna baara di u ma min ka gɛlɛn, n’o ye ka ɲinini kɛ “Qui suis-je ?” (n’o kɔrɔ ye ko “ne ye jɔni ye?”) jaabiw kan walima “Situez dans le temps” (n’o kɔrɔ ye ko “a kɛra waati jumɛn na”) sanni denbaya ka kalan ka kɛ? U ye fɛn minnu sɔrɔ u ka ɲinini kɔnɔna na, u bɛna se k’o fɔ kalan kɛtuma na. Ka baara kɛ cogo nafama na ni o yɔrɔ ye Réveillez-vous ! kɔnɔ, o ye sira dɔ ye min fɛ bangebaga bɛ se ka Ala ka Kuma dɔnniya di u denw ma dɔɔnin-dɔɔnin, k’u dɛmɛ ka “kitabu senumaw” dɔn kabini u fitinininaman.—2 Tim. 3:15; Dut. 6:7.