Yala aw y’a ɲininka u ka mɔgɔ wɛrɛw kofɔ aw ye wa?

Ni i bɛ ka Bibulu-kalan dɔ de ɲɛminɛ, mun na i tɛna i ka kalanden ɲininka ni a y’a sɔrɔ a teriw, a somɔgɔw walima a dɔnbagaw fana b’a fɛ k’a dɔn Bibulu bɛ mɔgɔ kalan min na? Tuma caman na, i ka kalanden bɛna mɔgɔ caman tɔgɔ di i ma. Ni i taara bɔ o mɔgɔw ye tuma min na walisa k’a fɔ u ye ko i bɛ se ka Bibulu-kalan kɛ u kun, i bɛ se k’i ka kalanden tɔgɔ fɔ u ye, ni a jɛnna ni o ye. I bɛ se k’a fɔ ko: “[Kalanden tɔgɔ fɔ] bɛ Bibulu-kalan kɛ, a hakili la, ko e fana b’a fɛ Bibulu-kalan ka kɛ i kun, wari tɛ bɔ min na.” O kɔfɛ, a jira cogo surun na kalan bɛ kɛ cogo min na ni Qu’enseigne la Bible ? gafe ye.

Ni i ka Bibulu-kalanden bɛ ka taa ɲɛ kalan na, i bɛ se ka dusu don a kɔnɔ, a ka Bibulu-kalan koɲɛ ɲɛfɔ a teriw ni a somɔgɔw ye, o bɛ se ka diya minnu ye. A bɛ se k’a ɲini u fɛ u ka na k’u sigi a ka kalan na. Walima ni o tɛ bɛn, a bɛ se ka fɛɛrɛ tigɛ walisa e ni o mɔgɔw ka ɲɔgɔn ye walisa k’a jira u la, Bibulu-kalan bɛ kɛ cogo min na. O kɛli bɛna dusu don kalanden kɔnɔ a k’a daminɛ k’a ɲɛfɔ tɔw ye, a ye dɔnniya min sɔrɔ Bibulu kɔnɔ.

I bɛ to ka taa bɔ mɔgɔ minnu ye, olu fana bɛ se ka mɔgɔ wɛrɛw kofɔ i ye, hali ni olu yɛrɛ ma sɔn Bibulu-kalan na fɔlɔ. Ni i bɛ Qu’enseigne la Bible ? gafe di u ma, i bɛ se k’u ɲininka dɔrɔn ko: “Yala i bɛ mɔgɔ dɔ wɛrɛ dɔn min b’a fɛ ka nin gafe ɲɔgɔnna sɔrɔ wa?”

Ikomi an bɛ waati min na, senna-sumaya waati tɛ, an b’a fɛ ka baara kɛ ni fɛɛrɛ sugu bɛɛ ye walisa ka mɔgɔw dɛmɛ u ka kibaru duman mɛn ani ka sɔn o la. Yala aw delila k’a ɲininka mɔgɔ wɛrɛ ka kofɔ aw ye wa?