Ala-ka-Marako Cidenyabaara Kalanso Dalafɔ-Seginnkanni — Watchtower BIBILIYOTƐKI INTƐRINƐTI KAN

Ala-ka-Marako Cidenyabaara Kalanso Dalafɔ-Seginnkanni

Ɲininkali ninnu jaabiw bɛna kɛ dalafɔ ye Ala-ka-Marako Cidenyabaara kalanso ka lajɛ la, o min bɛna kɛ Awirilikalo tile 24nan dɔgɔkun kɔnɔna na, san 2006. Kalan lakɔlɔsibaga bɛna seginnkanni ɲɛminɛ sanga 30 kɔnɔ. O seginnkanni bɛna sinsin kalanw kan minnu kɛra k’a ta Marisikalo tile 6 ka na a bila Awirilikalo tile 24nan na, san 2006. [Kɔlɔsili: Ni ɲininkali dɔ kɔ fɛ, sinsin yɔrɔ ma fɔ, i wajibiyalen bɛ ka i yɛrɛ ka ɲininiw kɛ walisa ka jaabiw sɔrɔ.—École du Ministère mafilɛ ɲ. 36-7.]

JƐMU KƐCOGO ƝUMANW

1. Ni an bɛ ka mɔgɔw kalan, ni an bɛna bɔ hakilila dɔ la ka taa hakilila dɔ wɛrɛ la, mun na a ka ɲi an k’an jɔ dɔɔnin an ka kuma kɔnɔna na, nka mun bɛ se k’an bali k’o kɛ? [be ɲ. 98 d. 2-3] N’an bɛ to k’an jɔ dɔɔnin an ka kuma kɔnɔna na, o b’a to an lamɛnbagaw bɛ se ka miiri, k’u labɛn walisa ka fɛn wɛrɛ lamɛn, ani k’a dɔn fana ko hakilila wɛrɛ de bɛna ɲɛfɔ. O b’a to fana kalan kolomayɔrɔw bɛ labɔ koɲuman kuma kɔnɔna na. O bɛ nɔba bila lamɛnbagaw la, k’u dɛmɛ kalan kolomayɔrɔw ka to u kɔnɔ. Ni jɛmukɛbaga dɔw bɛ bɔ hakilila dɔ la ka taa hakilila dɔ wɛrɛ la, k’a sɔrɔ u ma u jɔ dɔɔnin, a kun dɔ ye k’u b’a fɛ ka kuma fɛn camanba de kan u ka jɛmu kɔnɔna na.

2. Ni an bɛ ka seereya kɛ mɔgɔ wɛrɛw ye, mun na a nafa ka bon an ka to k’an jɔ dɔɔnin an ka kuma kɔnɔna na? [be ɲ. 99 d. 5–ɲ. 100 d. 4] Ni an bɛ to k’an jɔ dɔɔnin an ka kuma kɔnɔna na, o b’a to an bɛ se baro kɛcogo la mɔgɔw fɛ ani an ka cidenyabaara bɛ nɔ bɔ kosɛbɛ fana. O b’a to an barokɛɲɔgɔn b’a hakililaw fɔ an ye, o min fɔli bɛ dusu don a yɛrɛ kɔnɔ, k’a bila a k’i miiri. An ka kuma kɔnɔna na, ni an bɛ to k’an jɔ dɔɔnin a waati la, o bɛ se ka an barokɛɲɔgɔn bila a k’a kɔnɔnata fɔ an ye, k’a to an ka se k’a dɛmɛ ka ɲɛ. (Nt. 20:⁠5)

3. Ni an bɛ ka jɛmu dɔ kɛ, mun na a nafa ka bon an k’an sinsin daɲɛw, walima kumasen dɔw kan ani an bɛna se o kɛcogo ɲuman na cogo di? [be ɲ. 101 d. 1-5, sɛbɛnni minnu bɛ kininbolo yanfan fɛ] Ni an sera an sinsin cogo la koɲuman daɲɛ kolomaw ni kumasenw kan, an bɛ an lamɛnbagaw bila u k’u ɲɛmajɔ an ka kumaw fɛ tuma min na n’an bɛ k’a kɛ u ka sɔn an ka kuma ma, ani k’u bila walekɛ la. An bɛ se ka an sinsin daɲɛ dɔ kan nin cogow fɛ: Ni an bɛ an kan kɔrɔta k’o daɲɛ fɔ, fɛn min b’an dusukun na, n’an b’o jira cogo ɲɛnama na, n’an b’an kan sumaya, n’an bɛ jɔ dɔɔnin an ka kuma kɔnɔna na, ni an kumatɔ bɛ an bolow lamaga, ni an b’an ɲɛda cogoya yɛlɛma, ani ni an bɛ an kumakan yɛlɛma. Walisa an ka se sinsincogo la koɲuman kuma na, an bɛna ɲɛfɔli kɛ barokun min kan, fo an k’o faamu k’a jɛya, ani ka kɛ a fɛ tiɲɛ na ka an lamɛnbagaw dɛmɛ barokun ka to u kɔnɔ, ani u ka se k’o sirataama u ka ɲɛnamaya kɔnɔ. (Neh. 8:⁠8)

4. Ni an bɛ ka kalanjɛ kɛ jama na, an bɛ se k’a dɔn cogo di ko an y’an sinsin kalan yɔrɔ kolomaw kan? [be ɲ. 105 d. 1-6] A fɔlɔ ye ko kalan yɔrɔ kolomaw ka kan ka to an hakili la cogo jɛlen na. O b’an dɛmɛ k’a dɔn an ka kan k’an sinsin yɔrɔ minnu kan. Ni an bɛ ka sɛbɛn kalan Bibulu-kalan dɔ la walima lajɛ la an kan kɔrɔtalen, an ka kan k’an sinsin ɲininkali sɛbɛnnenw jaabiw kan ani miiriyaw kan minnu sɛbɛnnen bɛ ka kunbaya dakunw daminɛ na.

5. Ni an bɛ ka mɔgɔw kalan, mun na a nafa ka bon an ka an kan kɔrɔta cogo la min bɛnnen bɛ ani an ka kan ka mɔgɔw kalan ni kan kɔrɔtacogo hakɛ min ye, an bɛ se k’o dɔn cogo di? [be ɲ. 107-8] Ni mɔgɔw tɛ se k’an lamɛn nɔgɔya la, u hakiliw bɛ ta ka bɔ kalan kan. Nafa min bɛ i ka kuma na, u bɛ bɔnɛ o la. An ka kuma tɛna se ka don an lamɛnbagaw la, k’u bila u ka wale kɛ k’a da fɛn mɛnnen kan. Ni an kan kɔrɔtacogo bɛnnen don, an lamɛnbagaw kɛcogo ye fɛn ye min bɛna o jira an na ka ɲɛ. Ni an y’a kɔlɔsi ko a ka gɛlɛn an lamɛnbaga dɔw bolo ka an ka kumaw mɛn, an ka kan k’an kan kɔrɔta. An ka kan ka an kan kɔrɔta ka se hakɛ min ma, o bɛ bɔ fɛn minnu na kosɛbɛ, o ye ninnu ye: an lamɛnbagaw hakɛ, mɔgɔ sugu minnu bɛ olu cɛma, ani mankan o mankan minnu bɛ kɛ o tuma na.

KALANSEN FƆLƆ

6. Bi Kerecɛnw bɛ cogoya min na, o ni Esiteri ni Mardose ta ye kelen ye cogo jumɛn na, ani an bɛ se ka olu ladege cogo jumɛn na? [si ɲ. 94 d. 17] Iko Esiteri ni Mardose, bi Kerecɛnw bɛ diɲɛ “kunna fangaw” ka mara de kɔnɔ. U bɛ diɲɛ kɔnɔ min yɔrɔ ka jan Ala la. U b’u cɛsiri ka kɛ jamanadenw ye minnu tugulen bɛ sariya kɔ, “A’ ye masakɛ ta sara masakɛ ye, ka Ala ta di Ala ma.” (Rom. 13:1; Luka 20:25; Est. 1:1; 2:5, 7, 8, 21-23) O bɛɛ n’a ta, Kerecɛnw ka kan k’a dɔn ko ni u bɛ faamaw kan minɛ, u b’o kɛ ka kɛnyɛ ni Ala sago de ye, iko Mardose y’o jira cogo min na. A y’i ban k’i ɲɔngiri Haman, Agag bɔsɔn ɲɛkɔrɔ, iko masakɛ ye o ci fɔ cogo min na. (Esiteri 3:1-4; 5:⁠9) Ni a ka kan tuma o tuma, Kerecɛnw fana bɛ se ka tɛmɛ sariya sigilenw fɛ, walisa ka kow latilen minnu ɲɛsinnen bɛ u ma. (Esiteri 4:6-8; Kɛw. 25:⁠11)

7. Solomani tun bɛ ka kuma fɛn jumɛnw kan, a y’a fɔ tuma min na ko fɛn “bɛɛ ye fu de ye, ko fiɲɛ ɲinili don?” (Waaj. 2:11) [w04 15/10 ɲ. 4 d. 3-4] Solomani tun bɛ ka kuma ɲɛnamaya kɛcogo de kan min bɛ nbɛndiya dɔrɔn nɔfɛ ani k’a ɲini ka fɛnw fana mara, diɲɛ bɛ se ka fɛn o fɛn di an ma, a kɛra nafolo sira ye walima farisogo sira ye. Solomani tun ye sow jɔ, ka nakɔw, jiriforow, baarakɛdenw, baganw, dugukolow ni nafolo sɔrɔ. Fɛn o fɛn tun bɛ wele ko seko ni dɔnkow, a tun ye olu kɛ. Nka, o fɛnw nafa tun bɛ ban, u ma Solomani wasa ka mɛn. (Waaj. 2:1-10) A y’a ka kuma kuncɛ ko mɔgɔ bɛ wasa banbali sɔrɔ ni a bɛ tugu alako ta fan fɛ kow de kɔ. (Waaj. 12:⁠15)

8. An bɛ se ka an sɛbɛkɔrɔ-jija cogo di ka Ala kanuya bonya an dusukun na? (Mar. 12:30) [w04 1/3 ɲ. 19-21] An bɛ se ka Ala kanuya bonya an dusukun na ni an bɛ dɔ fara an ka Ala dɔnniya kan ani a sagonata dɔnniya kan. An bɛ o dɔnniya sɔrɔ n’an b’a ka Kuma sɛbɛkɔrɔ kalan, n’o ye Bibulu ye. An bɛ se ka an hakili jakabɔ a ka ko kɛlenw kan, ani k’a lajɛ an ye fɛn minnu kalan, o bɛ na ni ko minnu ye. (Zab. 77:7, 12, 13) K’an to Jehowa ka baara la, an yɛrɛ ye Ala bolo ye cogo min na an ka ɲɛnamaya kɔnɔ, ani an ye nafa minnu sɔrɔ ka kow kɛ ka kɛnyɛ ni Ala yɛrɛ sago ye, ni an bɛ miiri o fɛnw na fana, o bɛ se k’an dɛmɛ ka Ala kanuya bonya an dusukun na. (Nt. 3:5, 6)

9. Nafaw minnu bɛ alako ta fan fɛ kow la ani nafolomafɛnw na, danfaraba jumɛnw bɛ se ka kɛ olu ni ɲɔgɔn cɛ? [w04 15/10 ɲ. 5-7] Ka tugu fɛnw kɔ, nafa bɛ minnu na alako ta fan fɛ, o bɛ hɛrɛ ni dugawu banbali caman de lase an ma, k’a sɔrɔ ka tugu nafolomafɛnw nɔfɛ, o bɛ an nafa waati dɔ de kɔnɔ dɔrɔn, o kɔ laban ye saya ye. (Nt. 11:4; Mat. 5:3; 2 Kɔr. 4:18) Ka tugu nafolomafɛn kɔ o bɛ mɔgɔ nɛgɛ tuma caman ka don nafolo ɲini na, jɔyɔrɔ ni kuntigiya ɲini na sira jɛgɛnnenw fɛ, k’a sɔrɔ ka tugu alako ta fan fɛ nafaw ɲinini na, olu b’an bila ka nili kɛ, fɛn sɔrɔli nɔ na. (Esa. 48:18; 1 Tim. 6:9, 10)

10. Mun bɛ se k’an dɛmɛ ka an tulomajɔ jamalajɛw ni kafoba ka jamalajɛw la k’a sɔrɔ an hakili ma ta ka bɔ kalan kan? [be ɲ. 15-16] Fɛn dɔ min nafa ka bon kosɛbɛ, o ye ka sunɔgɔ koɲuman su fɛ walisa ka se k’i ɲɛmajɔ kalan kɛtuma na. An bɛ se ka don kelen-kelen bɛɛ kumakun to an hakili la, ka kalanbolodalen yɔrɔ kelen-kelen tɔgɔ lajɛ, ani k’a ɲini k’a dɔn fɛn min bɛna se k’a fɔ olu kɔnɔna na. Ka kuma kolomaw sɛbɛn tuma min na jɛmukɛbagaw bɛ ka kuma, o fana bɛ se k’an dɛmɛ an ka jɛmu taafan dɔn, ani k’an ɲɛmajɔ kalanbolodalen fɛ.

DƆGƆKUN KƆNƆ BIBULUKALAN

11. Mun na Haman ɲɛda tun datugura? (Esi. 7:8) Haman yɛrɛ ma a ɲɛda datugu maloya fɛ walima nimisa fɛ. A bɛ iko fangalamɔgɔw minnu tun bɛ yen, olu de y’a ɲɛda datugu walisa k’a jira ko a malola, walima k’a jira ko bɔnɛ b’a ɲɛ. A bɛ inafɔ o de tun ye fɛn fɔlɔ ye min bɛ na a lase saya ma.[1, w86 15/3 ɲ. 25]

12. Danfɛn yebali sugu jumɛn de ye Elifaz ka miiricogo yɛlɛma? (Job 4:15, 16) [w05 15/9 ɲ. 26 d. 2] Kɔrɔfɔli min tun bɛ Elifaz ka kuma fɔcogo la, o b’a jira ko o danfɛn yebali tun tɛ Ala ka mɛlɛkɛ tilennen dɔ la kelen ye. (Job 4:17, 18) Elifaz tun bɛ mɛlɛkɛ jugu dɔ ka fanga de kɔrɔ. A ka kumaw tun bɛ alaɲɛsiranbaliya hakilila de jira. Ni o tun tɛ, mun na Jehowa ye Elifaz ni a jɛɲɔgɔn fila kɔrɔfɔ k’u ye nkalon tigɛ? (Job 42:⁠7)

13. Job ka kuma minnu bɛ Job 7:9, 10 ani Job 10:21 la, yala olu b’a jira ko a tun dalen tɛ lakununni na wa? Ayi. Job ka kuma minnu bɛ nin tɛmɛsiraw kɔnɔ olu bɛ Job ka donw nata de fɔ. A kɔrɔ bɛ se ka kɛ ko, ni Job tun ka kan ka sa, a tilelamɔgɔw si tun tɛna se k’a ye. Olu fɛ, Job tun tɛna segin tuguni walima a tun tɛna dɔn tuguni fo Ala ka waati latigɛlen ka se. Walima Job tun bɛ fɛ k’a fɔ ko, mɔgɔ si tɛ se ka bɔ hades kɔnɔ a yɛrɛ ma ni a ma dɛmɛ. Ko Job tun dalen bɛ lakunnuni nata la, o tun jɛlen don a ka kumaw fɛ minnu bɛ Job 14:13-15 kɔnɔ. [3, w06 15/3 “La Parole de Jéhovah est vivante :Points marquants du livre de Job”]

14. Laala Job tun b’a fɛ ka mun fɔ tuma min na a ko ale “bɛ kisi ni a ɲi golo ye”? (Job 19:20, NW) Walisa ka se ka Job ka o kuma kɔrɔ ɲɛfɔ, wajibi tɛ an ka ɲininiba kɛ kodɔnnabaw kɛrɛ fɛ walisa k’a dɔn u ye fɛn kura minnu ye mikorosokopi fɛ. Ni Job ko ale kisira ni fɛn dɔ ye min bɛ iko golo, Job tun b’a fɛ k’a fɔ ko a kisira ni fɛn dɔ golo ye, mɔgɔ hakilila golo tɛ fɛn min na. Job tun b’a fɛ k’a fɔ ko a kisira k’a sɔrɔ fɛn bɛrɛ t’a bolo. (it-2 ɲ. 509) [5, w06 3/15 “La Parole de Jéhovah est vivante : Points marquants du livre de Job”]

15. Job tun b’a fɛ ka mun fɔ tuma min na a ko “Ne tɛna ne ka tilennenya bila” wa, an bɛ se ka mun kalan o fɛ? (Job 27:5) Job kelenpe dɔrɔn de tun bɛ se ka a ka tilennenya bila, bawo tilennenya dulonnen bɛ mɔgɔ ka Ala kanuya de la. O la sa, an ka kan ka cɛsiribaw kɛ walisa Jehowa kanuyaba ka kɛ an dusukun na, walisa an ka se ka an ka tilennenya mara. [6, w06 15/3 “La Parole de Jéhovah est vivante : Points marquants du livre de Job”]