Sɔn-ni-sɔn gafeninw

jiracogo

La Tour de Garde 15 oct

“An bɛ ka an sigiɲɔgɔnw ɲininka min na o filɛ nin ye: E bolo mun de bɛ ɲɛnamaya diya? Mɔgɔ dɔw fɛ, ni u bolowari cayara u ka ɲɛnamaya hɛrɛ fana bɛ caya. Yala e fɛ o kuma ye tiɲɛ ye wa? [jaabi makɔnɔ.] Kira Solomani min tun ye nafolobatigi ye, a kɔlɔsi o ye min sɛbɛn. [Eklesiaste 5:​10 kalan i ka tila ka a jira ko nafa tɛ a la ka i ka ɲɛnamaya kun bɛɛ kɛ nafolobaɲini ye.] Nin gafenin bɛ kuma fɛnw kan minnu nafa ka bon ka tɛmɛ nafolomafɛnw kan.”

Réveillez-vous ! 22 oct.

“Denmisɛnnin kalan bɛ daminɛ san hakɛ min na, an b’a fɛ ka hakilila dɔ jira i la ka ɲɛsin o ma. I bɛ a kala ma ko denmisɛnnin bɛ se ka kalan kabini a dɔgɔmannin wa? [Jaabi makɔnɔ. O kɔ

2 Timote 3:​15 kalan, ani i ka a jira ko denw bɛ se ka kalan kow la kabini u denmisɛnma.] Nin Réveillez-vous ! bɛ kuma ko kɛrɛnkɛrɛnnenw kan, bangebagaw bɛ se ka minnu kɛ ka u denw dɛmɛ walisa denw ka se ka kɛ balikuw ye minnu tilennen bɛ ani minnu bɛ hɛrɛ sɔrɔ.”

La Tour de Garde 1er nov.

“An ye a kɔlɔsi ko mɔgɔ caman dalen tɛ faamaw ka seko la, ka gɛlɛyaw ɲɛnabɔ. E hakili la, mɔgɔ bɛ sɔrɔ yen min bɛ se ka nin ko kɛ min fɔlen bɛ Bibulu-tɛmɛsira nin la wa? [Zaburuw 72:​7, 12, 16 kalan. O kɔ i ka jaabi makɔnɔ.] Nin sɔn-ni-sɔn gafenin bɛ a ɲɛfɔ, masakɛ kofɔlen in ye mɔgɔ min ye ani a bɛna ko minnu kɛ.”

Réveillez-vous ! 8 nov.

“An b’a fɛ ka baro kɛ ni i ye denw dɛmɛcogo kan. Denmisɛnw mago bɛ bilasirali la walisa ka bi gɛlɛyaw kunbɛn, yali e ma da o la wa? [Jaabi makɔnɔ. O kɔ Efesekaw 6:4 kalan, ka i sinsin ‘kololi’ ani ‘laadili’ daɲɛw kan.] Nin sɔn-ni-sɔn gafenin bɛ a ɲɛfɔ kololi kɔrɔ sɛbɛ ye min ye. A bɛ a ɲɛfɔ fana cogo min na bangebagaw bɛ se ka u denw bilasira ni laadiliw ye ani ka u latilen ka a sɔrɔ u ma u denw jigi misɛnya.”