Baara kɛrɛnkɛrɛnnen gafenin kura jɛnsɛnni kama
1 Ko minnu bɛ diɲɛ kɔnɔ bi, o bɛ mɔgɔ caman jɔrɔ kosɛbɛ, nka mɔgɔ damadɔw dɔrɔn de b’a dɔn mun na diɲɛ bɛ nin cogo la, ani mun bɛ hadamadenw ɲɛ, ani u ka kan ka mun kɛ walisa ka kisi kiri nata la. (Eze. 9:4) Walisa ka u dɛmɛ u ka an ka waatiw kɔrɔ faamu, baara kɛrɛnkɛrɛnnen dɔ de bɛna kɛ walisa ka gafenin kura Veillez! jɛnsɛn, waati kɔnɔ min bɛna daminɛ Ntɛnɛdon na, Mɛkalo tile 16, ka na a bila Karidon na, Zuwɛnkalo tile 12.
2 Gafenin bɛ se ka di ni an bɛ ka cidenyabaara kɛ du-ni-du, ni an bɛ ka segin-ka-bɔnyew kɛ, ni an bɛ ka senfɛ-seereya kɛ, walima ni an bɛ ka waajuli kɛ nbɛdaw la, walima jagokɛyɔrɔ la. O n’a ta o ta, Veillez! gafenin man kan ka di mɔgɔw bɛɛ ma k’a sɔrɔ ni an ma jateminɛ kɛ. Bibulu bɛ min fɔ diɲɛkow kɔrɔ kan, mɔgɔ minnu bɛ u mago don o kuma na tiɲɛ na, gafenin bɛ di o mɔgɔ suguw dɔrɔn de ma. Mɔgɔ minnu ma mago bɛrɛ don o kuma na, sɛbɛndennin bɛ se ka di olu ma.
3 I bɛ se ka mɔgɔw bila u ka u mago don i ka kumaw na, i kɛtɔ k’a fɔ ko:
◼ “Mɔgɔ caman jɔrɔlen don kunko gɛlɛnw ni dusubɔkow la minnu ka ca bi. [Ko dɔ fɔ min kɛra, ni o dɔnnen don sigida la.] Yala i b’a dɔn ko nin ko suguw tun kofɔra Bibulu kɔnɔ wa? [Jaabi makɔnɔ. O kɔ fɛ Bibulu tɛmɛsira dɔ kalan min ɲɛsinnen bɛ i ka ko ɲɛfɔlen ma, i na a fɔ Matiyu 24:3, 7, 8; Luka 21:7, 10, 11 walima 2 Timote 3:1-5.] An ka waati kɔrɔ ye min ye, ani fɛn min bɛ hadamadenw ɲɛ, Bibulu bɛ o ɲɛfɔ. Yala i b’a fɛ ka kunnafoni wɛrɛw sɔrɔ o ko kan wa? [Jaabi makɔnɔ. O kɔ fɛ, gafenin di a ma ni a y’a mago don i ka kuma na ni kɔnɔnajɛya ye.] Gafenin bɛ sɔrɔ ni waribɔ tɛ. Nka, an bɛ baara min kɛ diɲɛ yɔrɔ bɛɛ la, ni i b’a fɛ ka bolomafara di o kunkɔrɔ, ne bɛ sɔn o la.”
4 Walima i bɛ se k’a ye ko nin ɲɛfɔcogo bɛ nɔ bɔ:
◼ “Mɔgɔ caman dusu jalen bɛ bi dusubɔkow fɛ, walima kojuguw fɛ minnu bɛ u sɔrɔ. Dɔw bɛ u yɛrɛ ɲininka mun na Ala tɛ fɛn kɛ walisa ka o ko suguw bali. Ala ka Kuma bɛ dannaya di an ma ko a bɛna wale kɛ sɔɔni walisa ka hadamadenw ka tɔɔrɔ ban pewu. E k’a lajɛ Ala bɛna koduman minnu lase hadamadenw ma. [Zaburu 37:10, 11 kalan.] Yala i b’a fɛ ka kunnafoni wɛrɛw sɔrɔ o ko la wa?” Kuma kuncɛ iko a jiralen bɛ sanfɛla la cogo min na.
5 Mɔgɔ minnu sɔnna gafenin na, a ɲini ka u kelen-kelen bɛɛ tɔgɔ ni u ka ladɛrɛsi sɔrɔ. I jija ka segin ka taa bɔ u ye walisa ka u dɛmɛ u ka u mago don kosɛbɛ Bibulu ka kuma na. O bɛ se ka kɛ cogo min na, o bɛna jira san 2005 Zuwɛnkalo An ka Masaya Cidenyabaara kɔnɔ. Ni kabini siɲɛ fɔlɔ la, dɔ y’a jira sɛbɛ la ko a bɛ a mago don Bibulu ka kuma na, i bɛ se ka Bibulu kalan daminɛ o tigi kun o yɔrɔnin bɛɛ la. I bɛ se ka o daminɛ ni Veillez! gafenin ye, walima ni sɛbɛn wɛrɛ ye, i na a fɔ Wajibiya gafenin.
6 Nin barokun bɛna sɛgɛsɛgɛ Baara ka lajɛ min na, o lajɛ bannen kɔ fɛ, gafenin kura hakɛ dɔw bɛna sɔrɔ. A ɲininen bɛ weleweledalaw ni tutigɛbagaw fɛ, u jigi b’a la ka sɛbɛnw hakɛ minnu jɛnsɛn, o baara kɛrɛnkɛrɛnnen don fɔlɔw la, u ka o hakɛ dɔrɔn ta a daminɛ na. Jehowa ka duba nin baara kɛrɛnkɛrɛnnen ye, a tanuli kama ani mɔgɔ tilennenw ka nafa kama, u mana kɛ yɔrɔ o yɔrɔ la.—Zab. 90:17.