Yali i bɛ wajuli kɛ ni jagɛlɛya ye wa?
1 Hali k’a sɔrɔ u juguw y’u minɛ, ka kankari gɛlɛn da u ye, Piɛrɛ ni Yuhana taar’a fɛ ka Masaya ka cikan fɔ ni jagɛlɛya ye. (Kɛw. 4:17, 21, 31) Ka wajuli kɛ ni jagɛlɛya ye, o kɔrɔ ye mun ye an bolo bi?
2 Seereya kɛ ni jagɛlɛya ye: “Jagɛlɛya” kɔrɔɲɔgɔnma ye “yiranyiranbaliya” ye min kɔrɔ ye “jasiranbaliya, dusumaya ni muɲuni” ye. Krecɛn lakikaw bolo, ka wajuli kɛ ni jagɛlɛya ye, o ye ka kuma ni siran tɛ, ni cogo bɛnnen sɔrɔla ka kibaru duman lase tɔw ma. (Kɛw. 4:20; 1 Piɛ. 3:15) O kɔrɔ ye k’an tɛ maloya kibaru duman na. (Zab. 119:46; Rom. 1:16; 2 Tim. 1:8) O la sa, jagɛlɛya ye mankutu ye an mago bɛ min na walasa k’an ka ci dafa, n’o ye ka Masaya kibaru duman weleweleda nin laban waati in na. O b’an bila ka kibaru duman kofɔ mɔgɔw ye u bɛ sɔrɔ yɔrɔ o yɔrɔ la.—Kɛw. 4:29; 1 Kɔr. 9:23.
3 Jagɛlɛya kalanso la: Yali siran walima maloya b’a to a ka gɛlɛn i ma k’i kalankɛɲɔgɔnw waju wa? Tuma dɔw la a man nɔgɔn; tiɲɛ yɛrɛ la, a bɛ se ka kɛ gɛlɛya ye. Nka, Jehowa na i kologɛlɛya n’i y’a deli walasa a ka jagɛlɛya d’i ma i ka tɔw waju. (Zab. 138:3) Jagɛlɛya na i dɛmɛ ka i yɛrɛ jira iko Jehowa Seere ani k’i fasaja ɲagaribɔ ɲɛ. I ka wajuli barika la i ka kalanso la, i lamɛnbagaw bɛ se ka kisi.—1 Tim. 4:16.
4 Jagɛlɛya baarakɛyɔrɔ la: Yali i dɔnnen don iko Jehowa Seere i ka baarakɛyɔrɔ la wa? A bɛ se ka kɛ ko kibaru duman tɛna i baarakɛɲɔgɔnw lasɔrɔ fo n’i y’u waju. I ka jagɛlɛya na i dɛmɛ fana ka se k’a ɲini baaratigi fɛ a ka waati di i ma i ka Krecɛn lajɛw ni jamalajɛw kama.
5 Jagɛlɛya tɔɔrɔ kɔnɔna na: A nafa ka bon ka jagɛlɛya sɔrɔ tɔɔrɔ waati kɔnɔ. (2 Tes. 2:1, 2) A b’an dɛmɛ k’an ka limaniya mara kankarida, ɲagaribɔ, walima nimatɔɔrɔ tuma na. (Fil. 1:27, 28) A b’an kologɛlɛya k’an sinsinnen to ni degun bɛ da an kan walasa an k’an ka Ala, Jehowa ka naamuw tiɲɛ. A b’an fanga bonya fana walasa an ka kɛ mɔgɔ dusumadalenw ye ni tɔw bɛ sɔsɔli lawuli.—Rom. 12:18.
6 An ka gɛlɛyaw mana kɛ fɛn o fɛn ye, an k’an timinandiya kibaru duman weleweledali la ni jagɛlɛya ye.—Efe. 6:18-20.