Baara Ka Lajɛw Bolodasira

Desanburukalo tile 11 dɔgɔkun

Dɔnkili 50

Sanga 10:  Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. Ni Le plus grand homme walima Grand Enseignant gafew bɛ mara la jɛkulu bolo, i k’a jira baara ɲuman bɛ se ka kɛ n’u ye cogo min na cidenyabaara sen fɛ sɛgɛnnabɔ waati kɔnɔna na. Dusu don bɛɛ kɔnɔ u ka La Bible: un récit historique exact, des prophéties dignes de foi videyo kasɛti lajɛ walasa k’u yɛrɛw labɛn baro kama min bɛna kɛ Desanburukalo tile 25 Baara ka Lajɛ la. Videyo kasɛti bɛ minnu bolo, olu bɛ se k’a singa mɔgɔw ma, a tɛ mɔgɔ minnu bolo, walima u bɛ se k’a lajɛ ɲɔgɔn fɛ.

Sanga 15: “An ka siran Jehowa ɲɛ tile kuuru bɛɛ la.”* I ka ɲɛfɔli fara a kan, ɲɛfɔli min kɛra Ala ɲɛsiran kan san 1998 Zanwuyekalo tile 8 Réveillez-vous! kɔnɔ, a ɲɛ 26 na. Nafa minnu bɛ Ala ɲɛsiran na, i k’i sinsin olu kan.

Sanga 20: “An ka bonya min ye ka wajuli kɛ an masurunna mɔgɔw ka degun na.” Jɛmu ni ɲininkaliw. Masurunna mɔgɔw ka degun kɛra mɔgɔ minnu na, u sera cogo min na k’u timinandiya wajuli baara la k’u to o gɛlɛyaw kɔnɔ, i k’a ɲini u fɛ u k’o fɔ.

Dɔnkili 78 ani kuncɛli delili

Desanburukalo tile 18 dɔgɔkun

Dɔnkili 94

Sanga 15: Ladɔnniyaliw ka ɲɛsin sigida ma. Jatew dantigɛli. Fɛɛrɛ minnu tigɛra foro baara kama Desanburukalo tile 25 ni Zanwuyekalo tile fɔlɔ la, i k’olu fɔ. I ka nin ɲininkali jaabi, ko: K’i sen don ɲɛnajɛ la min ju ma bɔ Krecɛnya la, n’a tɛ kɛ diinɛko kosɔn, yali fɛn b’o la wa?​​—⁠I ka Comment raisonner gafe lajɛ, ɲɛ 164-​6.

Sanga 12: “San 2001 Ala-ka-marako Cidenyabaara Kalan.” Jɛmu don min bɛ di kalan lakɔlɔsibaga fɛ. Dusu don bɛɛ kɔnɔ u k’u ka dɔgɔkun Bibulu kalan matarafa, k’u timinandiya k’u ka kalansenw kɛ.

Sanga 18: “Yali i bɛ wajuli kɛ ni jagɛlɛya ye wa?”* Tɛmɛsira minnu bɛ barokun kɔnɔ, i ka wele bila lamɛnbagaw ma u k’olu hakilinaw da kɛnɛ kan. An bɛ se ka jagɛlɛyaba sɔrɔ cogo min na ani ka nɔ ɲuman bɔ ka ɲɛ foro baara kɔnɔna na cogo min na, i ka Notre ministère gafe ɲɛ 86-7 kɛ k’o jira.

Dɔnkili 124 ani kuncɛli delili.

Desanburukalo tile 25 dɔgɔkun

Dɔnkili 126

Sanga 10: Ladɔnniyaliw ka ɲɛsin sigida ma. I k’a ɲini jama la mɔgɔw fɛ u ka ko dɔ lakali min kɛra kɔsa in na u ka seereya baara la. Sɛbɛn minnu bɛna jira Zanwuyekalo la, i ka segin u tɔgɔw kan.

Sanga 10: Ɲininkaliw jaabi. Maakɔrɔ dɔ b’o hakilinataw sɛgɛsɛgɛ lamɛnbagaw fɛ.

Sanga 25: “Kalan kow ka bɔ videyo kasɛti la, n’o ye ko: La Bible: un récit historique exact, des prophéties dignes de foi.” Jama fɛ baro. O videyo in bɛ se ka kɛ ka dusu don tɔw kɔnɔ cogo min na, i ka hakilina dɔw di o kan. (Annuaire 1999, ɲɛ 51-2) Feburuyekalo la, an na videyo filanan lajɛ, n’o ye La Bible: le livre le plus ancien toujours d’actualité.

Dɔnkili 151 ani kuncɛli delili.

Zanwuyekalo tile fɔlɔ dɔgɔkun

Dɔnkili 171

Sanga 10: Ladɔnniyaliw ka ɲɛsin sigida ma. N’i ka jɛkulu bɛna a ka lajɛ waatiw yɛlɛma san kura la, i k’a fɔ bɛɛ ye ni ɲumanya ye k’u ka lajɛw matarafa ka bɛn waati kura sigilenw ma. I ka Bibulu kalandenw ni magojirabaga wɛrɛw ladɔnniya o yɛlɛmaw la. I ka kuma jamana ni jɛkulu ka Utikalo baara dantigɛli sɛbɛn kan. I ka weleweledalaw hakili jigin u k’u ka Desanburukalo foro baara dantigɛli sɛbɛn di.

Sanga 17: Segin-ka-bonyew bɛ labɛn cogo min na. Denfa dɔ n’a ka denbaya bɛ kuma k’a lajɛ u bɛ se ka nɔ bɔ ka ɲɛ kosɛbɛ cogo min na u ka cidenyabaara la. A b’i sinsin Bibulu kɔnɔ daliluw kan minnu b’a jira mun na an ka kan ka segin ka taa bɔ magojirabaga bɛɛ ye. U kɛtɔ ka segin baarakɛsiraw la minnu dira san 1999 Zuluyekalo tile fɔlɔ La Tour de Garde kɔnɔ, a ɲɛ 22, dakun 18, dudenw b’u labɛn ka segin-ka-bɔnye dɔw kɛ. U bɛɛ b’a dɔn k’u ye mɔgɔ dɔw ye u ka kan ka taa bɔ minnu ye tun. U bɛɛ kelen-kelen b’a ɲɛfɔ magojirabaga ye min kɛ ɲɔgɔnye fɔlɔ la. Tɔw bɛ hakilinataw ni tɛmɛsira dɔw di minnu bɛ se ka fɔ segin-ka-bɔnye na. U bɛ yɔrɔ dɔw sɔrɔ Wajibiya gafenin kɔnɔ, baara bɛ se ka kɛ ni minnu ye ka ɲɛ. Bangebaga bɛ den kelen bila ka segin kuma kan a bɛna min fɔ bɔnye kɔnɔ. U bɛ waati latigɛ, waati min kɔnɔ u bɛna segin-ka-bɔnyew kɛ dɔgɔkun nata la.

Sanga 20: “An ka tilali kɛ an ni tɔw cɛ ka kɛɲɛ n’u magow ye.” Maakɔrɔ dɔ b’o jɛmu kɛ.

Dɔnkili 212 ani kuncɛli delili.

[Footnote]

* I ka dantigɛli kumaw kana sanga kelen sɔrɔ. O kɔfɛ i ka tɛmɛ ni ɲininkaliw ni jaabiw baro ye.