Ɲininkaliw Jaabi

◼ Jɛkulu bɛ wajuli kɛ yɔrɔ min na, yali o karati ka kan ka gengen Masaya So kɔnɔ wa?

Ɔwɔ, wajulikɛyɔrɔ karati ka kan ka dilan ka gengen Masaya So kogo dɔ la. O karati man kan ka ye kunnafoni gengenwalan kan. Jɛkulu ka wajulikɛyɔrɔw dan mumɛ, a tilalen bɛ cogo min na, an’u nimɔrɔw, olu ka kan ka kɛ a la. Jɛkulu minnu b’u lajɛ Masaya So kɔnɔ, olu kelen-kelen bɛɛ ka wajulikɛyɔrɔ dan ka kan ka jira o kan. O cogo la weleweledalaw ni mɔgɔ kuraw bɛn’a ye u sigilen bɛ jɛkulu min ka wajulikɛyɔrɔ la. Gafe kalanw bɛ yɔrɔ minnu na, n’a y’a sɔrɔ olu jiralen bɛ karati kan, mɔgɔ kelen-kelen bɛɛ bɛn’a dɔn u ka kulu b’a lajɛ yɔrɔ min na. O karati ka kan ka kɛ ka bɛn wajulikɛyɔrɔ tilayɔrɔ kuraw ma.

O karati bɛ weleweledala bɛɛ hakili jigin k’u bɛ se ka yɔrɔ dɔ sɔrɔ walasa u ka wajuli kɛ o yɔrɔ la. Minnu b’a fɛ ka yɔrɔ dɔ sugandi min ka surun u ka so la, karati b’a to o ka se ka kɛ. A b’a to fana waati kana tiɲɛ foro baara lajɛw tuma na bawo o lajɛw ɲɛminɛbagaw bɛ se ka weleweledalaw kulu kelen-kelen bila joona u ka wajulikɛyɔrɔ la.

Karati b’a jira fana ko jɛkulu labɛnnen don walasa ka Masaya kibaru duman wajuli kɛ koɲuman a ka wajulikɛyɔrɔ la.​—⁠Luka 9:⁠6.