Baara Ka Lajɛw Bolodasira

HAKILIJIGINNAN: “Ala ka Kuma kɛbagaw” kafoba ka jamalajɛ bɛna kɛ kalo minnu kɔnɔna na, Baara ka Lajɛw bɛna boloda o dɔgɔkun kelen-kelen bɛɛ la An ka Masaya Cidenyabaara sɛbɛn kɔnɔ. Farankan ka barokun minnu bɛ o jamalajɛ kan, olu bɛ se ka lajɛ sanni jɛkulu ka jamalajɛ kalo ka se. Barokun kelen-kelen ka kan ka kɛ cogo min na, Lakɔlɔsibagaw ɲɛmɔgɔ bɛna o ɲɛfɔliw mafilɛ. N’a bɛnnen don, Baara ka Lajɛ laban min bɛ kɛ sanni jamalajɛ ka se, sanga 15 bɛ se ka ta ka farankan laadilikan jɔnjɔnw sɛgɛsɛgɛ. Dusu don mɔgɔ bɛɛ kɔnɔ walasa mɔgɔ kelen-kelen bɛɛ ka sanga damadɔw bila sanni sɔgɔma kalan ni wulada kalan ka daminɛ walasa ka kalan bolodasira lajɛ ani k’a ɲini k’a dɔn mun bɛna fɔ o la. O bɛna dɛmɛ kɛ walasa mɔgɔ k’i hakili sigi, ka kumaw sɛbɛn ka surunya, ka yɔrɔ kolomaw ta. Dɔgɔkun fila walima dɔgɔkun naani jamalajɛ tɛmɛnen kɔfɛ, segin bɛna kɛ kalan yɔrɔ kolomaw kan, sanga 30 kɔnɔ, Baara ka Lajɛ la. O tuma na, o b’a sɔrɔ lamɛnbagaw y’u labɛn ka kuma ni cogo dira u ma balimakɛ saba fɛ minnu bɛ se ani minnu sugandira k’o yɔrɔ ɲɛminɛ. Miiriya minnu fɔra jamalajɛ la ani minnu bɛ waleya Krecɛnw ka don o don diɲɛnatigɛ la, walima wajuli la, laala lamɛnbagaw ka kumaw bɛna an hakili jigin o miiriyaw la. Ko kɛlen kelen, walima fila sugandi minnu bɛna se ka fɔ. Ni bɛɛ b’i labɛn, o bɛn’a to Baara ka Lajɛ bɛ diya, ka mɔgɔ kalan.

Sanga 15:“ ‘Ala ka Kuma kɛbagaw’​—⁠Jehowa Seerew ka san 2000 kafoba ka jamalajɛ.” Sɛbɛnnikɛla bɛ farankan barokun sɛgɛsɛgɛ ɲininkaliw ni jaabiw fɛ. Jɛkulu welelen bɛ jamalajɛ min na, i k’o fɔ. I ka baara kɛ ni tɛmɛsira kofɔlenw ye walasa k’a jira mun na an ka kan ka tugu kosɛbɛ Tɔn ka fɛɛrɛ tigɛlenw na. Ka lafiɲɛdonw ɲini joona walasa ka kɛ jamalajɛ la, Jumadon sen b’o la, i ka sinsin o nafa kan. Balimakɛ ni balimamuso minnu bɛ Tɔn ka fɛɛrɛ tigɛlenw kɔkɔrɔdon, olu tanu.

Sanga 20:“E dun, yali i na ye a kɛnɛ kan wa?” Jɛmu don min bɛ di maakɔrɔ dɔ fɛ ni ko kɛlenw sen b’a la. Kabini Bibulu sɛbɛnwaati la, jamalajɛbaw jɔyɔrɔ ka bon Ala ka baarakɛlaw ka limaniya kologɛlɛyali la. (Prédicateurs gafe ɲ. 254, d. 1-3 la, ani Étude perspicace, vol. 1, ɲ. 882, d. 3 lajɛ.) Mɔgɔ kelen-kelen bɛɛ dusu lamin u ka daminɛ k’u labɛn. U kana mɛn k’a sɔrɔ u m’o kɛ walasa u ka kɛ ɲinan kafoba ka tile saba jamalajɛ la. Lamɛnbagaw ye hakili ta fan fɛ nafa minnu sɔrɔ u kɛlen k’u cɛsiri ka taa jamalajɛ la, dusu don u kɔnɔ u k’o fɔ.

Sanga 15:“Yali an bɛ fɛn senumanw bonya wa?” Jɛmu don min bɛ kɛ maakɔrɔ dɔ fɛ. Ka kɛ kafoba ka jamalajɛ tile saba la, i ka sinsin o nafa kan.

Sanga 16:“An k’an tulomajɔ kuma senumanw na.” Ɲininkaliw ni jaabiw. Kalanw bɛ daminɛ tuma min na, o k’a sɔrɔ an sigilen don. Nafa minnu b’o la, i k’i sinsin olu kan.

Utikalo tile 14 nan dɔgɔkun

Dɔnkili 114

Sanga 12: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. Baro bɔ Awirilikalo foro baara dantigɛli kan ka ɲɛsin jamana ta, ani jɛkulu ta ma. Dɔgɔkun laban fila dɔrɔn de tora Utikalo la. Dusu don mɔgɔ kelen-kelen bɛɛ kɔnɔ u ka wajuli kɛ sanni kalo ka sa. Dɔgɔkun laban wajuli lajɛw bɛ kɛ waati minnu na, mɔgɔ bɛɛ hakili jigin olu la.

Sanga 15: “I ka dannaya kɛlɛ ɲuman kɛ.” Baro dantigɛli kana sanga kelen bɔ. O kɔ, a kɛ ɲininkaliw ni jaabiw baro ye. Miiriya dɔw bɔ Notre ministère gafe kɔnɔ, a ɲɛ 44-5 la. Gafe ɲɛminɛbagaw jɔyɔrɔ ye min ye kulu baara labɛncogo la, ani mɔgɔ dɛmɛni na, mɔgɔ minnu mago b’o la walasa k’u sen don cidenyabaara la, walima ka baara dantigɛli sɛbɛn bila tuma bɛɛ, hakili jigin kɛ o la.

Sanga 18: I bɛ se ka nafa sɔrɔ lakɔli taali la cogo min na. Denfa bɛ kuma a denw fɛ walasa k’u dɛmɛ u ka nafa don lakɔli kalan na. A b’a jira u la mun na nafa b’o la. (Les jeunes s’interrogent (Funankɛw b’u yɛrɛ ɲininka) gafe ɲɛ 133-9 lajɛ.) An bɛ diɲɛ kɔnɔ min bɛ ban naamu bɛɛ ma. Funankɛ caman bolo, lakɔli ye yɔrɔ ye min matarafali ka gɛlɛn. A nege tɛ dɔw la bawo u bɛ siga u ka fɛn kalannen nafa la. Denfa bɛ kuma Bibulu sariyakolow ni dalilu ɲɛnamaw kan ka ɲɛsin kalansan hakɛ bɛnnen dɔ sɔrɔli ma lakɔli la. A bɛ dusu don a denw kɔnɔ u ka kalan kɛ ka ɲɛ, k’u tulomajɔ kalanbon kɔnɔ.

Dɔnkili 127 ani kuncɛli delili.

Utikalo tile 21 nan dɔgɔkun

Dɔnkili 143

Sanga 12: Ladɔnniyaliw ka ɲɛsin sigida ma. Jatew dantigɛli. Ɲɛjirali dɔ kɛ, min labɛnna koɲuman, min b’a jira nin ɲininkali bɛ jaabi cogo min na: “Mun na Ala b’a to tɔɔrɔw ka kɛ?” (Comment raisonner (Hakilijakabɔ kɛcogo) gafe ɲɛ 376-7.) Mɔgɔ kelen-kelen bɛɛ dusu lamin u k’u sen don cidenyabaara la nin dɔgɔkun laban in na.

Sanga 8: “Don kelen jamalajɛ kɛrɛnkɛrɛnnen kalan bolodalen.” Jɛmu. I ka don kelen jamalajɛ kɛrɛnkɛrɛnnen nata don fɔ, ka dusu don bɛɛ kɔnɔ u ka na ka to yen tile kuuru bɛɛ la. Weleweledalaw dusu lamin u ka magojirabaga kuraw ni Bibulu kalandenw wele u ka taa o la.

Sanga 25: “Yali e yɛrɛ bɛ nafa sɔrɔ u la wa?” Ɲininkaliw ni jaabiw.

Dɔnkili 152 ani kuncɛli delili.

Utikalo tile 28 nan dɔgɔkun

Dɔnkili 165

Sanga 10: Ladɔnniyaliw ka ɲɛsin sigida ma. Bɛɛ hakili jigin u k’u ka Utikalo baara dantigɛli sɛbɛn di. Jɛkulu ka gafe kalan ɲɛminɛbagaw ka kan k’a sɛgɛsɛgɛ n’u ka kulu la mɔgɔ kelen-kelen bɛɛ y’u ka dantigɛli sɛbɛnw di walasa o sɛbɛnw bɛɛ ka se ka fara ɲɔgɔn kan ka bɛn Sɛtanburukalo tile 6 ma.

Sanga 15: Sigida magow.

Sanga 20: “Lajɛw bɛ nafa lase funankɛw ma.” Ɲininkaliw ni jaabiw baro min ɲɛminɛnen bɛ maakɔrɔ dɔ fɛ. Ni baro bɛ kɛ dakun 8 nan kan tuma min na, fɛn minnu ɲɛci ka bon, n’u b’an dɛmɛ an k’an hakili to kalan na, ani k’an tulomajɔ lajɛw la, i k’olu dɔw fɔ. (San 1998 Sɛtanburukalo tile 22 Réveillez-vous! ɲɛ 19-20 lajɛ.) Dusu don bangebagaw kɔnɔ u k’u gɛlɛya u denw ka to ka taa lajɛw la. ​—⁠Ko kɛlen min ɲɛfɔlen bɛ san 1997 Sɛtanburukalo tile fɔlɔ La Tour de Garde ɲɛ 25 la, o lajɛ.

Dɔnkili 176 ani kuncɛli delili.

Sɛtanburukalo tile 4 nan dɔgɔkun

Dɔnkili 196

Sanga 15: Ladɔnniyaliw ka ɲɛsin sigida ma. Ɲininkaliw jaabi. Iko a ɲɛfɔlen bɛ cogo min na sanfɛ, yɛlɛmani jɔnjɔn minnu bɛna don Baara ka Lajɛw la, maakɔrɔ dɔ bɛna olu ɲɛfɔ.

Sanga 10: An bɛ waatiba de la. Jɛmu don min bɛ kɛ maakɔrɔ dɔ fɛ. A bɛ bɔ san 1996 Nowanburukalo tile 15 La Tour de Garde kɔnɔ, a ɲɛ 22-3 la.

Sanga 20: “Yali aw bɛ ka kow muɲu wa?” Jɛmu ani baro bɛ kɛ lamɛnbagaw fɛ. Dusu don weleweledalaw bɛɛ kɔnɔ u ka miiri u ka muɲuni ɲuman na Krecɛn ka cidenyabaara la. N’an y’a ye ko yɔrɔ dɔ bɛ yen an tɛ se minnu na, fo an ka dɔ fara an barika kan alako ta fan fɛ. Kuma minnu bɛ san 1999 Ɔkutɔburukalo tile fɔlɔ La Tour de Garde ɲ. 20 -1, d. 17-21 na, olu fɔ ka fara a kan. Weleweledala fila walima saba minnu bɛ ka kow muɲu ni kantigiya ye kabini san caman kɔnɔ, u k’a fɔ u bɛ fɛn min kɛ walasa k’u timinandiya.

Dɔnkili 206 ani kuncɛli delili.

(A tɔ bɛ ɲɛ 11 nan na.)

Baara ka Lajɛw tɔ...