Mun bɛ se k’an dɛmɛ walasa an sabatilen ka to dannaya la
1 Kabini an y’an daminɛ ka jɛ don Jehowa ka jamakulu kolabɛnnen fɛ, an ka hakili ta fan fɛ ɲɛtaa y’a jira k’o kɛra nisɔndiya sɔrɔda ye an ma! Nka, walasa ‘an dili donnen ka to, an jiidilen ani an sabatilen dannaya la’, a wajibiyalen don an ka bonya ka t’a fɛ hakili ta fan fɛ. (Kol. 2:6, 7) K’a sɔrɔ mɔgɔ caman bɛ ka jiidi hakili ta fan fɛ, dɔw y’u mabɔ sira la, k’a masɔrɔ u dɛsɛra k’u “sinsinnen . . . to dannaya la.” (1 Kɔr. 16:13) An bɛ se k’o ɲɛbɛn walasa o kana an sɔrɔ. Cogo di?
2 Baara ka kɛ hakili ta fan fɛ tuma bɛɛ: I ka hakili ta fan fɛ bolodasira labɛn ka kɛɲɛ ni Jehowa ka jamakulu kolabɛnnen ye. Yenni nɔ, i magow na ɲɛ kosɛbɛ hakili ta fan fɛ. Ka jɛkulu ka lajɛw ni kafo ni kafoba ka jamalajɛw matarafa tuma bɛɛ k’u nafa sɔrɔ, o bɛ dusu don an na ka bonya hakili ta fan fɛ ani ka basigi. (Heb. 10:24, 25) Bibulu ni La Tour de Garde ni Réveillez-vous! kalan basigilen, ka fara gafew kan minnu bɛ Ala ka Kuma ɲɛfɔ, o bɛɛ de bɛna a to an ka hakili ta fan fɛ diliw ka dunya, ka kɔgɔ. (Heb. 5:14) Ka kuntilennaw da i yɛrɛ ye alako ta fan fɛ, ka tila ka baara kɛ ni timinandiya ye walasa k’u sɔrɔ, o bɛna ni nafa kuntaalajan ye.—Fil. 3:16.
3 Dɛmɛ min bɛ bɔ mɔgɔ mɔlenw yɔrɔ: I k’a lajɛ ka jɛɲɔgɔnya yiriwa k’a lase hakili ta fan fɛ mɔgɔ mɔlenw ma jɛkulu kɔnɔ. I k’a ɲini ka jɛkulu maakɔrɔw dɔn, olu ye mɔgɔ fɔlɔw ye minnu bɛ se k’an kologɛlɛya. (1 Tes. 2:11, 12) U bɛ mɔgɔ ladon, ka laadilikanw walima hakilinaw di. (Efe. 4:11-16) Cidenyabaara magannaw fana b’u mago don tɔw dɛmɛnni na walasa k’u ka dannaya sabati. O la sa, i k’i gɛrɛ o balimaw la walisa i ka dusulamin sɔrɔ.
4 Yali i bɛ dɛmɛ fɛ cidenyabaara la wa? I ka kuma maakɔrɔw fɛ, ka dɛmɛ ɲini. A dɔ rɔ, i bɛ se ka don fɛɛrɛ sigilen na min ye Tutigɛbagaw bɛ tɔw dɛmɛ ye. Yali i batiselen kura don wa? N’i tora ka Notre Ministère gafe kalan ani k’a kɔnɔkow waleya, o na i dɛmɛ ka taa ɲɛ balikuyali la hakili ta fan fɛ. Yali i ye bangebaga ye wa? I ka t’a fɛ k’i denw kologɛlɛya hakili ta fan fɛ.—Efe. 6:4.
5 N’an diliw donna ani n’an basigira dannaya kɔnɔ, an na nisɔndiya sɔrɔ ka bɔ an ni Jehowa cɛ sira kologɛlɛnw na, ka fara an n’an balimaw ka jɛɲɔgɔnya duman kan. O na se di an ma k’an fasaja Sitanɛ ka binnkanniw ɲɛ, ani o na an jigi sinsin siniɲɛsigi banbali kan.—1 Piɛ. 5:9, 10.