Don kelen jamalajɛ kɛrɛnkɛrɛnnen kalanbolodalen

Don kelen jamalajɛ kɛrɛnkɛrɛnnen kalanbolodalen min bɛna daminɛ san 1999 Sɛtanburukalo la, a kumakun ye ko: “An ka ɲinini kɛ Ala ka ko dunbaw kɔnɔ.” (1 Kɔr. 2:10) An bɛna fɛn nafama jumɛnw dege o jamalajɛ la?

Caman bɛ dɔnniya ɲinina, nka u bɛ fɛn minnu sɔrɔ u ka ɲinini kɔnɔna na, u t’u dusu suma. Nka, Bibulu b’an dusu suma cogo min na, kafo lakɔlɔsibaga bɛna o jira a ka barokun kɔnɔ. A ka jɛmu kumakun ye ko: “Ka ɲinini kɛ Ala ka kuma kɔnɔ, o bɛ na ni dususuma ye.” Ka ɲinini kɛ Ala ka ko dunbaw kɔnɔ, ani ka kibaru duman weleweleda, o fɛn fila dulonnen bɛ ɲɔgɔn na cogo min na, kumana welelen bɛna baro bɔ o ko kan tuma min na a bɛna nin ɲininkali jaabi: “Aw hakilinata ye mun ye Masaya weleweledali ko la?”

Bangebagaw bɛ se k’u denw dɛmɛ u ka senni kɛ ka dunya Ala ka Kuma kɔnɔ cogo di? Hakilinata ɲumanw bɛna di barokun kɔnɔ, n’o ye ko: “Aw ka Ala ka Kuma don aw denw kun na.” Ka jɛɲɔgɔnya kɛ ni mɔgɔ mɔlenw ye hakili ta fan fɛ, o bɛ nɔ ɲuman bila Krecɛn funankɛw la jɛkulu kɔnɔ. O kɛra cogo min na, o misaliw bɛna jira barokun kɔnɔ, ko: “Funankɛ minnu bɛ dege kɔrɔbalenw fɛ.”

Mun na an ka kan ka hakili ta fan fɛ nafolo dogolen ɲini ni timinandiya ye an ka waati in na? Jehowa ye ko dogolenw jirabaga ye. Jehowa ye min jira lawale la, ani an ka waati la, kumana welelen bɛna ɲɛfɔli kɛ o kan, jɛmu dɔ kɔnɔ n’o ye ko: “Jehowa ye ko dunbaw jira dɔɔnin dɔɔnin.” O bɛna dɔ fara an ŋaniya kan ka t’a fɛ “ka ɲinini kɛ Ala ka ko dunbaw kɔnɔ.”

A boloda kabini sisan ka kɛ yen. Minnu b’a fɛ k’a jira batɛmu fɛ, k’u y’u yɛrɛ latɛmɛ Jehowa ma, u ka kan ka ɲɛmɔgɔya lakɔlɔsibaga ladɔnniya joona. An bɛna min mɛn, o bɛna dɔ fara an dungɔ jɛlen kan ka ɲinini kɛ Ala ka kuma kɔnɔ. O la sa, nin don kelen hakili ta fan fɛ kalan kɛrɛnkɛrɛnnen kana fɔ aw kɔ!