Yɛlɛmaliw tutigɛbagaw ka lɛrɛ wajibiyalenw na
1 Ka tutigɛbaga basigilenw ani tutigɛbaga farankanw sɔrɔ minnu bɛ kisɛya baara kɛ jɛkulu kɔnɔ, o ye ko ye min ka bon an bɛɛ bolo. Hali yɔrɔ min na danyɔrɔ dɔgɔyara, ani k’a bɛ ka baara tuma bɛɛ, tutigɛbagaw kɛra misali ɲuman ye u ka timinandiya fɛ Masaya baara la. U ye weleweledalaw bɛɛ dusu lamin walisa u cɛsirilen ka to mɔgɔw ɲinini na, mɔgɔ minnu “cogoya bɛnnen don.”—Kɛwalew 13:48, NW.
2 Tɔn y’a kɔlɔsi ko tutigɛbagaw bɛ ka gɛlɛyaw kɛlɛ, gɛlɛya minnu bɛ bonya na ka taa’ fɛ, kɛrɛnkɛrɛnnenya la ka ɲɛsin tuma-ni-tuma baara sɔrɔli ma min bɛn’a to u k’u yɛrɛw mago ɲɛ cogo ɲuman na walisa ka se ka to waati-dafalen baara la. Bi bi in na, jamana caman na sɔrɔ cogoya b’a to k’a ka gɛlɛn ka taa’ fɛ dɔw bolo ka don tutigɛbaga baara la, hali n’u b’o ŋaniya n’u dusukun bɛɛ ye. Kalo laban ninnu na, o kow ani fɛn wɛrɛw jateminɛna ni ɲɛmajɔba ye.
3 O la sa, ka ɲɛsin fɛn ma min fɔra sanfɛ, Tɔn ye dɔ bɔ tutigɛbaga basigilenw ani tutigɛbaga farankanw ka lɛrɛ wajibiyalenw na. K’a daminɛ ni san 1999 donjatelan ye, tutigɛbaga basigilenw ka lɛrɛ wajibiyalen bɛna kɛ 70 ye kalo o kalo, walima lɛrɛ mumɛ 840 san kɔnɔ. Tutigɛbaga farankanw ka lɛrɛ wajibiyalen bɛna kɛ 50 ye. Tutigɛbaga kɛrɛnkɛrɛnnenw ani misiɔnɛriw ka lɛrɛ wajibiyalen bɛna to a cogo la. A tɛna yɛlɛma bawo Tɔn b’u ka musaka bɔ walisa k’u dɛmɛ u k’u magoɲɛfɛn fɔlɔw ko ɲɛnabɔ. O cogo la, u bɛ se k’u sinsi kosɛbɛ tun u ka waajuli ni kalandenw kɛli baara kan, cogo dafalen na.
4 An jigi b’a la ko nin yɛlɛmali in lɛrɛ wajibiyalenw la, o bɛna tutigɛbagaw caman dɛmɛ kosɛbɛ tun k’a to o bonya in kɔnɔ, n’o ye tutigɛbaga ka baara ye. O ka kan fana ka sira yɛlɛ weleweledalaw caman ye kosɛbɛ tun walisa u ka tutigɛbaga basigilen walima tutigɛbaga farankan baara ta. Nin bɛna kɛ duba ye jɛkulu mɔgɔ kelen-kelen bɛɛ bolo dɛ!