An ka baara ɲuman kɛ ni gafew bɛɛ la kɔrɔmanw ye
1 Dugukolo yɔrɔ janw bɛɛ la, hadamaden ye gafe kɔrɔman miliyɔn caman de mara gafelasagonyɔrɔw la. Nka, olu ye nafa banbali jumɛn lase hadamadenw ma? (Ekl. (Waaj.) 12:14) An ka sɛbɛn minnu bɛ mɔgɔw kunsin Ala ka Masaya ma, ani a bɛna min kɛ hadamadenw ye, olu nafa ka bon kosɛbɛ tun dɛ. O gafe sugu caman minnu bɔra san 1985 ɲɛ, olu maralen bɛ jɛkuluw fanba bolo. Zanwuyekalo kɔnɔna na, an bɛna o gafew bɛɛ la kɔrɔmanw jira mɔgɔw la.
2 Nafa jɔnjɔn b’u la: Dɔw b’a miiri ko n’i ye o gafew suma n’an ka sɛbɛnw bɛɛ la kuraw ye, o sɛbɛn ninnu ye fɛn tɛmɛnenw ye. An ka kan k’an hakili to a la ko Sɛbɛnniw ka tiɲɛ kuma de b’u kɔnɔ. U bɛ Masaya cikan min ɲɛfɔ, nafa b’o la hali bi. N’an y’u jate, u bɛ se ka ɲɛnamaya kisi. (Yuh. 17:3) O la sa, an ka kan ka dɔ fara an ka cɛsiriw kan walisa ka baara ɲuman kɛ ni o gafew bɛɛ la kɔrɔmanw ye.
3 U nafa jirala ni muso dɔ ka ko ye min ye Jehowa Seerew ka sɛbɛnw bɛɛ la kɔrɔmanw sɔrɔ ciyɛn ye ka bɔ a mɔmuso yɔrɔ. Seere dɔ y’a ɲininka n’a bɛ fɛn dɔ dɔn sɛbɛnw nafa yɛrɛ-yɛrɛ kan. Muso y’a jaabi ko: “Ne t’u nafa dɔn, nka ne bɛ se k’u nafa dɔn cogo di?” Muso sɔnna Bibulu kalan ma. A nana tiɲɛ kɔnɔ. O kɔfɛ, a ye baara ɲumanba kɛ n’a mɔmuso ka sɛbɛnw ye. O gafew bɛɛ la kɔrɔmanw marali kɛra ciyɛn nafamaba ye sa dɛ!
4 U ka sɔrɔ aw bolo walisa aw k’u jɛnsɛn kosɛbɛ: Ka fara gafe kɔrɔmanw jirali kan du-ni-du baara la, tuma min na an bɛ mɔgɔw ka segin-ka-bɔnyew kɛ, an b’a dɔn u kalanni bɛna mɔgɔ minnu nisɔndiya, an k’an jija k’u jira olu la, ani minnu fana ye La Tour de Garde ani Réveillez-vous! gafeninw bakurabasan, ani mɔgɔ minnu bɛ an ka sɔn-ni-sɔn gafeninw tila-tilali sira la. An bɛ Bibulu kalan kɛ minnu fana kun, olu ye, an bɛ se ka gafe kɔrɔmanw sugandi minnu bɛ se ka kunnafoni caman di u ma, kunnafoni minnu bɛna u ka tiɲɛ faamuyali labonya u bolo. Gafe kɔrɔman fɛn o fɛn b’i ka sɛbɛn maralenw jɛ, i kana ɲinɛ k’olu ɲini. O cogo la, i bɛna Ala-ka-marako sɛbɛn nafamaw fara ɲɔgɔn kan, i bɛ se ka baara kɛ n’o minnu ye walisa ka dɔ fara i ka yɛrɛkalan waati nafa kan.
5 Sanni an k’an ka gafe kɔrɔmanw maralen to, an ka baara ɲuman kɛ n’u ye walisa an ni mɔgɔ minnu bɛ bɛn, an k’u dusu lamin u ka “siran Ala ɲɛ ka a ka ci fɔlenw mara.”—Ekl. [Waaj.] 12:13.