Kibaru duman Intɛrnɛti kan

Fɛɛrɛkalan tile in na, mɔgɔ dɔw b’u yɛrɛw kunnafoni elɛkitroniki poyidaw yɔrɔ la, i n’a fɔ Intɛrnɛti. O de kama Tɔn ye kunnafoni pereperelatigɛlenw bila Intɛrnɛti kan magonyɛlaw bolo kan, kunnafoni minnu ɲɛsinen bɛ Jehowa Seerew ka dannayaw n’u ka baaraw ma.

An ka yɔrɔ Web ka ladrɛsi Intɛrnɛti kan, o ye http://www.watch tower.org. A bɛ sɛbɛndenninw, ani gafeninw ni La Tour de Garde ni Réveillez-vous! kɔnɔ kalan dɔw jira Angilɛkan na, ani Faransikan ni Alimankan ni Sinuwakan (nɔgɔyalen) ni Espanyɔlkan ni Irisikan ani kan wɛrɛw la. Sɛbɛn minnu bɛ sɔrɔ o yɔrɔ la, o ye minnu bɛ jɛkuluw bolo kaban, n’u jɛnsɛnnen don cidenyabaara senfɛ. An ka yɔrɔ Web ma dabɔ ka fɛn kuraw bɔ, nka ka kunnafoniw bila jama ka bolo kan elɛkitroniki hukumu kɔnɔ. Kun t’a la ka Intɛrnɛti ɲɛ dɔw labɛn an yɛrɛ ma Jehowa Seerew kan, wala u ka baaraw n’u ka dannayaw kan. An ka yɔrɔ kofɔlen bɛ kunnafoni pereperelatigɛlenw jira, o minnu bɛ bɛɛ ka bila la.

N’an ka yɔrɔ labɛnnen tɛ elɛkitroniki (E-mail) cikanw sɔrɔli kama, o bɛɛ n’a ta, a bɛ tɔnbolofaraw ka ladrɛsiw di, tɔnbolofara minnu bɛ diɲɛ yɔrɔ bɛɛ la. O la sa, mɔgɔw bɛ se ka sɛbɛn ci o yɔrɔw dɔ la kelen na walisa ka kunnafoni wɛrɛw sɔrɔ walima ka u sigida la Seerew ka dɛmɛ sɔrɔ. An kana siga-siga ka Intɛrnɛti ka ladrɛsi kofɔlen di mɔgɔ bɛɛ ma min b’a fɛ ka Bibulu kɔnɔ tiɲɛkow dɔn o dabali sababu la.