A’ y’aw jigi da Jehowa kan min bɛ fɛnw bonya
1 “Ne sinyɛ fɔlɔ ye nin ye ka nisɔndiya sɔrɔ, bɔɲɔgɔnko tɛ min na, k’a da dɛmɛ kan min kɛra ne ye ka jɛkulu kura sigi. O ye waati min ta, o ka ca ni san fila timinandiya baara ye, tuma bɛɛ deliliw ani jigi dali Jehowa kan min ‘b’a bonya’.” Nin kɛra tutigɛbaga timinandi dɔ ka kuma sɛbɛnnen ye, tutigɛbaga min ye Jehowa kan jigi dali mago dɔn, labonyali kama (1 Kor. 3:5-9). An ka ɲinini kɔnɔ walisa ka alakamiiriko diya mɔgɔw ye, an fana mago bɛ Ala ka kɔkɔrɔdondoni na walisa an ka cidenyabaara ka den.—Nta. 3:5, 6.
2 Labonyali bɛ sɛnɛ wajibiya: Tiɲɛ kisɛ mago b’a la ka sɛnɛ walisa a ka bonya. Ka bɔnye kɛ tun, tile kelen wala fila, bɔnye fɔlɔ kɔfɛ, o bɛ wolo ɲuman na, ko caman. A’ ye kɛ nisɔndiw ye ani k’aw kɛ mɔgɔw teriw ye. Aw ka mɔgɔ tɔ kelen walanwalan. Aw kelen kana kuma. A’ y’ a to a k’ aw dɔn, ani a’ y’ a jira’la ko aw bɛ aw mago don a hadamadentɔ la.
3 Zuluyekalo la, ka taa se Utikalo ma, an b’an cɛsiri gafeninw sugu caman jirali la mɔgɔw la, an ni minnu bɛ bɛn. O bɛɛ n’a ta, an mago b’a la fana ka mago sɔrɔlen ani gafeninw tabagaw ladon. An b’o kɛ an kɛtɔ ka bɔnyew kɛ ani ka Bibulu kalanw kofɔ (Mat. 28:19, 20). A laban na, kalan bɛ se ka daminɛ Wajibiya gafenin kan. Aw bɛ se ka dɛmɛni hakilina naani sɔrɔ duguma.
4 N’aw tun kumana ni dɔ ye min b’a mago don diɲɛ lahaalayaw cɛnni na, aw bɛ se ka baro kuraya k’a fɔ:
◼ “Ne dalen b’a la ko ne cogo la, i b’i mago don hadamadenw jogo cɛnni na. An bɛ sɔnja dantigɛli kumaw mɛn sokɔnɔ farinya kan min bɛ bɔ denmisɛnw, bangebagaw ani furuɲɔgɔnw kan binni na. Wa, a bɛ iko mɔgɔ caman tɛ foyi miiri nkalontigɛ ani sonyali kan walisa u k’u yɛrɛ negekow wasa dɔrɔn. Yali, e ka miiri la, Ala mago bɛ mɔgɔw balocogo la wa? [Jaabi makɔnɔ.] Ala ye namu damadɔw sigi mɔgɔ ka ɲɛnamaya la, wa tiɲɛ na, u tɛ doniba ye an ma.” A’ ye Yuhana 5:3nan kalan. O kɔ, a’ ye Wajibiya gafenin jira, ka tila k’a dayɛlɛ kalansen 10nan yɔrɔ la. A’ ye dakun fɔlɔ kalan. Kumasen nɔbɔlen minnu bɛ dakunw 2nan ka se 6nan daminɛ la, aw ka olu jira, ani aw ka dukɔnɔmɔgɔ ɲininka delina la min ka jugu kosɛbɛ jama ma. Dakun min bɛ tali kɛ o la, aw ka o kalan ka tila ka tilayɔrɔdennin kelen wala fila lajɛ ka bɛn o ma. Aw ka kuma kuncɛ ni dakun 7nan kalanni ye, ani o kɔ, a’ ye seginni fɛɛrɛw tigɛ baro kura kama.
5 Aw ni minnu bɛ bɛn, n’u b’u mago don u ka denbaya la, aw bɛ se ka fɛn f’u ye min ni nin bɔlen don:
◼ “Dabaga ka baarakɛminɛnw d’an ma walisa k’an ka denbaya dila ka nyɛ, e ka miiri la, yali a bɛ bɛn an ka sigi n’o ye wa?” A’ ye jaabi makɔnɔ. A’ ye Wajibiya gafenin ta k’a dayɛlɛ kalansen 8nan yɔrɔ la, ani aw k’a ɲɛfɔ ko sariyakolow b’a kɔnɔ ka bɔ Bibulu la ka ɲɛsin denbaya kɔnɔ mɔgɔ kelen kelen bɛɛ ma. A’ ye nyɛjirali kofɔ gafenin kɛnya kan, walisa ka nafa sɔrɔ a la Bibulu yeelen na. A’ ye tugu kunnafoniw la minnu bɛ sɔrɔ gafenin ɲɛ 2nan na. A’ ye ɲɔgɔn-bɛn da walisa ka segin ka taa kalansen tɔ lase, walima n’aw tilala o la, ka kalansen wɛrɛ kalan ni dukɔnɔmɔgɔ ye, ka kɛnyɛ n’a ka sugandili ye.
6 Nin ye dantigɛli ye aw bɛ se k’aw sin ka min kɛ walisa k’an ka Bibulu kalan bolodacogo kofɔ. A’ye “Wajibiya” gafenin jira, ka tila k’a fɔ:
◼ “Kalan dafalen bɛ nin gafenin na, kalan min bɛ tali kɛ Bibulu kalansira fɔlɔw la. Nyɛ kelen o kelen kan, i bɛ ɲininkaliw jaabi sɔrɔ, ɲininkali minnu tun ye mɔgɔw kɔnɔnafili, a bɛ san kɛmɛ kɛmɛw bɔ. Misali la, Ala sagonata ye mun ye dugukolo ta fan fɛ? A’ ye kalansen 5nan ta ka ɲininkaliw kalan, o minnu bɛ kalansen daminɛ na. A’ ye dukɔnɔmɔgɔ ɲininka fɛn na min ko bɛ a ye kosɛbɛ, o kɔ, a’ ye dakun kalan min bɛ bɛn a haminako ma, ka tilayɔrɔdennin bɛnnenw fana ta. A’ y’a ɲɛfɔ ko, jaabi minnu bɛ mɔgɔ wasa ɲininkali wɛrɛw kan, olu bɛ se ka sɔrɔ nɔgɔya la, iko fɔlɔ ta ɲɔgɔn. A’ y’a fɔ k’aw bɛ segin ko kura ka baro kɛ ɲininkali ni jaabi wɛrɛw kan.
7 Walima n’aw b’a fisaya ka dantigɛli nɔgɔn sifilɛ walisa ka Bibulu kalan daminɛ, aw bɛ se k’a fɔ:
◼ “Yali i b’a dɔn ko n’i ye sanga damadɔw dɔrɔn ta, i bɛ se ka jaabi sɔrɔ Bibulu ka ɲininkali nafaman dɔ la wa? Misali la, . . .” O kɔ, ɲininkali min bɛ ye gafenin kɔnɔ kalansen dɔ la kelen daminɛ na, aw k’o kalan. A ka kɛ ɲininkali ye min bɛ don a tigi la, aw yɛrɛ ka miiri la. N’aw b’a fɛ ka hakilina dɔw sɔrɔ ɲininkaliw ko la, aw bɛ se ka minnu kɛ, a’ ye Ministère du Royaume ka farankan lajɛ, san 1997 Marisikalo ta, a dakunw 15nan ani 16nan; o farankan tɔgɔ ye: “Prenons de la hardiesse pour faire des nouvelles visites.”
8 A n’a gɛlɛya bɛɛ, ka sɔn ni nisɔndiya ye ka segin ka bɔnyew kɛ ani ka Bibulu kalan ni mɔgɔw ye, o ye Ala ka “baarakɛɲɔgɔnya” kɔnɔ ko ye (1 Kor. 3:9). N’aw ye magan baara kɛ, ka mago sɔrɔlen sɛnɛ ani k’aw jigi da Jehowa kan min bɛ fɛnw labonya, aw na wasa sɔrɔ, baara wɛrɛ tɛ se ka min di.