Baraji bɛ kantigiya la
1 Heburuw 11:6nan kɔnɔ, a fɔlen b’an ye ko Ala bɛ kɛ a “ɲinibaaw sarabaga de ye”. A ka maganna kaariyalen minnu ‘kɛra dannamɔgɔw ye ko dɔɔnin na’, a b’u sara sira min fɛ, o ye u ‘sigili ye fɛn caman kunna’. (Mat. 25:23.) Kuma cogo wɛrɛ la, ko caman, Jehowa bɛ timinandiya baara sara ni cidenya farankan bonyaw dili ye a seere kantigiw ma.
2 Pol, ciden kantigi ka sara tun kɛra a bilali ye cidenyabaara la min y’a lase Erɔpu ni Asi Minɛri dugubaw ni dugumisɛnw la (1 Tim. 1:12). Hali ni maganba kɛra a ka cidenyabaara timɛli kosɔn fo k’a foori, bonyaba min kɛra a ye, Pol y’o jate fɛnba ye (Rɔm. 11:13; Kol. 1:25). A y’a ka waleɲumandɔn jira ni kɔnɔnajɛya ye a kɛtɔ ka waajuli cogow ɲini ni sɛbɛ ye. A ka timinandiya baara fɛ, a y’a ka limaniya jira ni kɛwalew ye. A ka nyɛjirali b’an bila k’an ka cidenyabaara bonya kosɛbɛ.
3 Jehowa ye cidenyabaara di an ma: An bɛ se ka Pol ka hakilinata ɲɔgɔnna jira cogo di, o cidenyabaara bonya in ko la? An bɛ fɛɛrɛw ɲini waasa ka an niyɔrɔ caya cidenyabaara hukumu kɔnɔ. An mana a cogo sɔrɔ yɔrɔ o yɔrɔ la, an k’o kɛ nafamako ye ka seereya kɛ an sen fɛ iko an b’a kɛ da ni da cogo min na. An ka mɔgɔw bɛɛ siralabɔ, minnu tɛ so, ani ka segin-ka-bɔnyew kɛ magodonnaw ye. Ani an ka ɲɔgɔn-bɛnw labato, o minnu dɔgɔ dara sokɔnɔ Bibulu kalan kama.
4 An ka cidenyabaara ko la, Pol ye laadili kɛ ko: “A kɛ teliya la.” (2 Tim. 4:2, NW). Fɛn min ka gan o ka kan ni jan toli ye o yɔrɔnin bɛɛ la. Yali an b’an ka cidenyabaara ta cogo teliman na, ka jɔyɔrɔ fɔlɔ d’a ma an ka ɲɛnamaya kɔnɔ wa? Misali la, an tɛna sɔn ka nyɛnajɛw ani yɛrɛ kuntilenna wɛrɛw to dɔgɔkun ban tuma la, olu ka bɛn ni waati ye an ka kan ka min kɛ foro kɔnɔ cidenyabaara la. Komi an jɛyalen b’a la ko nin sigicogoya laban bɛ ka surunya ka na teliya la, an jɛyalen b’a la fana ko Masaya kibaru duman waajuli ye baaraw bɛɛ la fisaman ye an bɛ se ka min kɛ.
5 An ka kantigiya ka ɲɛsin Ala ma, o bɛ ye an ka kɔnɔnajɛya ni kunkelenya de fɛ, ani an ka basigilenya fɛ baara la, a ye o min di an ma. An k’an ka cidenyabaara kɛ ka se a dan na, walisa Jehowa k’an ka kantigiya baraji caya.