‘Kuma waajuli ka kɛ ni senna teliya ye’
1 N’aw ye fɛn sɔrɔ a sɛbɛnnen bɛ min kan ko “TELIMAN”, aw b’o jate cogo di? Daɲɛ “teliman” kɔrɔ ye “mago ka kan ka don fɛn min na o yɔrɔnin bɛɛ la”. Ka ciden Pol to a jo fɛ, a bɛ Krecɛnw ladɔnniya ‘ka kuma wajuli kɛ ni senna teliya ye.’ (2 Tim. 4:2, NW ) Yali aw bɛ ko dɔ kɛ k’aw hakili sin o yɔrɔnin bɛɛ la o baara ma wa?
2 A dɔ rɔ, a tun fɔra Pol ye k’a balima dɔw ye jogo dɔ ta min ye ‘ka salaya u ka baara la,’ u krecɛntɔ. (Rɔm. 12:11) O ye dɔ bɔ u ka baara tɔnɔ la, ani fan wɛrɛ fɛ, a y’u ka nisɔndiya dɔgɔya, u tun bɛ se ka min sɔrɔ tɔw dɛmɛni fɛ.
3 Yesu tun bɛ cidenyabaara jate cogo min na: Yesu kɛtɔ k’a ka cidenyabaara dafa, a ye nisɔndiyaba sɔrɔ o la! A ko: “Ka ne cibaa sago kɛ, a ye baara min di ne ma, ka o kɛ k’a dafa, o ye ne ka dumunifɛn ye.” Yesu ka misali ye dusu don a ka kalandenw na. A ye u dusu lamin a kɛtɔ k’a fɔ u ye ko ‘suman kɔgɔra, a tigɛ tuma sera ka ban.’ (Yuh. 4:34, 35) A ye senna teliya miiriya jira a ka cidenyabaara senfɛ. O tun dara kɛnɛ kan tuma min na a y’a fɔ a ka kalandenw ye k’u ka “Sumantigi deli ko a ka baarakɛlaw ci ka taa a ka suman tigɛ.” (Mat. 9:38) Yesu tun b’a dɔn k’a ka ci tun ye wajuli ye. A tun jɔlen b’a kan ko foyi tɛna a bali k’o kɛ.
4 An dun? Senna teliyaba wajibiyalen don bi ka tɛmɛ fɔlɔ waati bɛɛ kan, walasa ka taa ɲɛ wajuli baara la. Diɲɛ yɔrɔ caman na, suman kɔgɔra, a tigɛ tuma sera. A bɛ iko seereya dafalen dira jamana dɔw la. Hali o la, mɔgɔ ba caman de bɛ batise san o san o yɔrɔw la. Ikomi nin diɲɛ in ban tuma bɛ ka surunya kosɛbɛ, an ka “caman kɛ Matigi ka baara la.” (1 Kɔr. 15:58) Ka tɛmɛ waati tɔ tolen bɛɛ kan, a nafa ka bon an ma an k’an magan ni barika ye, ka Masaya cikan kofɔ tɔw ye.
5 An k’an cɛsiri ka kibaru duman lase tɔw ma du ni du, ani mɔgɔw bɛ se ka sɔrɔ yɔrɔ o yɔrɔ la danyɔrɔ la. An mana an seko kɛ wajuli baara la, an n’a jira k’an ka ɲɛnamaya kɔnɔ, an bɛ Masaya de bila ɲɛ fɛ. (Mat. 6:33) N’an bɛ kuma wajuli kɛ ni senna teliya ye kantigiya la, o na nisɔndiya caman lase an ma.