Mɔgɔ bɛ sɔrɔ yɔrɔ o yɔrɔ, seereya kɛ yen
1 A kɛtɔ ka Ala ka hakili nyɛci dɔn a ka cidenyabaara la, ciden Pol y’a fɔ ko: “Ala de b’a bonya.” A y’a dɔn fana ko: “An ni Ala ye baarakɛɲɔgɔnw de ye.” (1 Kor. 3:5-9). O ye bonyaba ye. Cogo jumɛn na an bɛ se k’a jira kɛnɛ kan ko ka kɛ Ala ka baarakɛɲɔgɔnw ye, o waleɲumandɔn b’an na? An kɛtɔ ka kibaru dumanw fɔ an bɛ mɔgɔ minnu bɛɛ ye so ni so baara la, ani yɔrɔ wɛrɛ bɛɛ la.
2 Ci dira an ma ka “siyaw bɛɛ kɛ kalandenw ye” (Mat. 28:19.) N’an bɛ mɔgɔ damadɔw dɔrɔn de sɔrɔ an ka cidenyabaara kɛ tuma na, dusufaga bɛ se k’an sɔrɔ joona ani a bɛ kɛ an kɔnɔ k’an ma bɛrɛ kɛ. Cogo wɛrɛ la, an bɛ se ka nisɔndiya kosɛbɛ an ka cidenyabaara la, n’an bɛ se ka mɔgɔ caman sɔrɔ, ani ka baro kɛ n’u ye. Mɔgɔ bɛɛ sɔrɔ yɔrɔ o yɔrɔ, ka taa yen walisa ka se ka kuma n’u ye, o bɛ se ka kɛ kɔrɔbɔliko ye, katuguni o bɛ bɔnyɛrɛlawale dɔ wajibiya an ma.
3 Nyɛjirali waleyataw: An bɛ se ka seereya kɛ mɔgɔw ye suguw, nakɔw, sirada lafinyɛyɔrɔw la, ani bolifɛn dan yɔrɔw la. N’i bɛ foroba bolifɛn kɔnɔ, yali i labɛnnen don ka seereya di sira fɛ wa? Seerew fila, bisi falenba dɔ kɔnɔ, tun taatɔla don u ka baara lajɛ la. U tun bɛ baro kɛra alijinɛ ja kan min bɛ Connaissance gafe kɔnɔ. U ka baro tun bɛ Ala ka layiduw de kan siniko ta fan fɛ. Ikomi u y’a ŋaniya a tun ka kɛ ten, u tun bɛ min fɔra, kamalennin dɔ jɔlen u kɛrɛ fɛ y’o lamɛn ani a kabakoyara o kuma mɛnnen na. Sanni a ka bɔ bisi kɔnɔ, a sɔnna kitabu kelen na ani a y’a ɲini dɔ ka taa a ka so.
4 Weleweledala caman bɛ nisɔndiya sɔrɔ u kɛtɔ ka sen fɛ seereya kɛ. Balimamuso dɔ taara a ka sigida sugu la, wulada fɛ. A gɛrɛla mɔgɔw la minnu tun tilara sanni na, nka n’u tun bɔlen tɛ mɔgɔ kɔrɔtɔlenw fɛ. A y’a ka bololabɔrɛ kɔnɔ sɛbɛnw bɛɛ bila mɔgɔw bolo. Cɛ kelen min tun bɛ makɔnɔni na a ka mɔbili kɔnɔ, o ye sɔn-ni-sɔn gafeninw sɔrɔ ka bɔ a yɔrɔ. O y’a nisɔndiya kosɛbɛ. A tun bɛ taa lajɛw la fɔlɔ. U ka baro kɛra sababu ye k’a mago nyaga ko kura.
5 O ye bonya ye ka Jehowa tɔgɔ tanu. An kɛtɔ k’an ka timinandiya jira waajulibaara la, an b’a jira ko Ala ka ɲumanya min man kan n’an ye, k’an t’o kuntilenna jɛ. Ikomi “A diyanye waati ye sisan de ye” ka mɔgɔ wɛrɛw dɛmɛ, mɔgɔ bɛ sɔrɔ yɔrɔ o yɔrɔ la, an ka taa yen, ani an ka Jehowa ka “kisili don” seereya kɛ u ye.—2 Kor. 6:1, 2.