KALANSEN 16

Dusu don mɔgɔw kɔnɔ ani ka u ye yecogo ɲuman na

Job 16:5

BAKURUBAFƆLI: I sinsin kow ɲɛnabɔ cogo ani kow kan minnu bɛna dusu don i lamɛnbagaw kɔnɔ, i kana i sinsin gɛlɛyaw kan.

Hakilina ɲuman sɛnɛ i yɛrɛ la ka ɲɛsin i lamɛnbagaw ma. Da a la ko i krecɛn ɲɔgɔnw b’a fɛ ka u kodiya Jehova ye. Hali ni i ka kan ka laadilikanw di, u fo fɔlɔ tuma o tuma ni i bɛ se ka o kɛ.

A to kanuya de ka i bila ka kuma nka kana a to dimin ka i bila ka kuma. Yɛlɛminsɛnninw kɛ ni kɔnɔnajɛya ye walasa ka i lamɛnbagaw dɛmɛ u k’a ye ko i bɛ u faamu ani ko u bɛ se ka da i la.
Kuma minnu tɛ dusu don mɔgɔw kɔnɔ, i kana olu fɔ ka caya. Barokun yɔrɔ minnu tɛ dusu don mɔgɔw kɔnɔ, olu sen bɛ o la, olu bɛ se ka fɔ dɔrɔn de n’a y’a sɔrɔ kuntilenna nafama bɛ u la. I ka barokun bɛɛ kɔnɔna na, i kumacogo ka kan k’a jira ko i bɛ mɔgɔw ye yecogo ɲuman na.
Baara kɛ ni Ala ka Kuma ye koɲuman. Jehova ye min kɛ, a bɛ ka min kɛ ani a bɛna min kɛ hadamadenw ye, mɔgɔw hakili lana olu kan. Dusu don i lamɛnbagaw kɔnɔ ani ka u barika bonya.