Jɛkulu ka lajɛ kura bolodalen

1, 2. K’a daminɛ san 2009 Zanwuyekalo la, yɛlɛma jumɛnw bɛna don lajɛw la?

¹ San 2008 Awirilikalo tile 21-27 dɔgɔkun na, an balimaw bɛɛ lajɛlen minnu bɛ diɲɛ fan bɛɛ la, an ye kibaruya mɛn min y’an nisɔndiya kosɛbɛ. O ye ko: “k’a daminɛ san 2009 Zanwuyekalo tile fɔlɔ la, jɛkulu ka gafe kalan ni Ala-ka-Marako Cidenyabaara kalan ani Baara ka lajɛ bɛna kɛ waati kelen na. Jɛkulu ka gafe kalan tɔgɔ bɛna yɛlɛma ka kɛ Jɛkulu ka Bibulu kalan ye.”

² O dɔgɔkun lajɛ bolodala cogo min na: O lajɛ waati mumɛ bɛɛ bɛna bɛn lɛrɛ 1 ni miniti 45 ma, dɔnkili ni deliliw fana bɛ kɛ o lɛrɛ kɔnɔna na. Lajɛ bɛna daminɛ ni dɔnkili ni delili ye (miniti 5). Jɛkulu ka Bibulu kalan bɛ tugu o la (miniti 25). Ala-ka-Marako Cidenyabaara kalan (miniti 30) bɛ tugu o fana na. O kɔfɛ, dɔnkili bɛ da (miniti 5) ani Baara ka lajɛ bɛ tugu o la (miniti 35). Lajɛ bɛ kuncɛ ni dɔnkili ani delili ye (miniti 5). Walisa k’aw dɛmɛ k’o lajɛw labɛn, jɛkulu ka Bibulu kalan ni Ala-ka-Marako Cidenyabaara kalan ani Baara ka lajɛ kalan bolodalenw bɛna sɔrɔ kalo o kalo An ka Masaya Cidenyabaara kɔnɔ.

3. Jɛkulu ka Bibulu kalan bɛna ɲɛminɛ cogo jumɛn na?

³ Jɛkulu ka Bibulu kalan: O kalan bɛna ɲɛminɛ i ko La Tour de Garde kalan bɛ ɲɛminɛ cogo min na. An ye min ye dɔgɔkun tɛmɛnen na, ka segin k’o bakuruba fɔ kalan daminɛ na, o kun tɛ. Nka, dantigɛli min ka surun kosɛbɛ, lajɛ ka kan ka daminɛ ni o dɔrɔn de ye. O bɛn’a to mɔgɔ bɛɛ ka waati sɔrɔ min bɛ bɔli kɛ walisa ka ɲɛfɔli surunw kɛ. Lakɔlɔsibaga-ɲɛmɔgɔ de bɛna o lajɛ ɲɛminɛni baara di maakɔrɔw ma walisa u dɔ la kelen ka se ka o kɛ dɔgɔkun o dɔgɔkun, wa, ka o bɔ ɲɔgɔn kɔrɔ.

4. Yɛlɛma jumɛnw bɛna don Baara ka lajɛ la?

⁴ Baara ka lajɛ: Baara ka lajɛ bɛna to a cogo la, nka jɛmu minnu bɛna kɛ o kɔnɔna na, olu bɛna surunya. Tuma caman na, ladɔnniyaliw bɛna kɛ miniti duuru kɔnɔ. O waati ka kan ka bɔli kɛ walisa ka lɛtɛrɛ dɔw kalan minnu bɛ bɔ Tɔn bolofara yɔrɔ ani ka ladɔnniyali kɛrɛnkɛrɛnnenw fana kɛ. Nin ladɔnniyali nataw tɛna kalan tun jama ye, nka u bɛna nɔrɔ kunnafoni walan kan walisa balimaw k’u kalan: foro baara kɛyɔrɔ ni a kɛlɛrɛ, masaya so saniyali, wari jate dantigɛli ani lɛtɛrɛ minnu bɛ to ka na tuma bɛɛ ka bɔ Tɔn bolofara yɔrɔ. Baara ka lajɛ yɔrɔw bɛ di balimakɛ minnu ma ka kɛ, olu ka kan ka o yɔrɔw labɛn ka ɲɛ ka kɛɲɛ ni kunnafoni dilenw ye ani waati dilen kɔnɔna na.

5. Kafo lakɔlɔsibaga bɛna bɔ jɛkulu ye dɔgɔkun min na, jɛkulu ka lajɛ kalan bolodalen bɛna kɛ cogo di?

⁵ Kafo lakɔlɔsibaga bɛna bɔ jɛkulu ye waati minnu na: Kafo lakɔlɔsibaga bɛna bɔ jɛkulu ye waati minnu na, yɛlɛma tɛna don o dɔgɔkun kalan bolodalen na. Taratadon na, Ala-ka-Marako Cidenyabaara kalan ani Baara ka lajɛ bɛna kɛ, ka dɔnkili tugu o la. O kɔfɛ, Kafo lakɔlɔsibaga bɛna jɛmu kɛ miniti 30 kɔnɔ. Kafo lakɔlɔsibaga bɛna bɔ jɛkulu ye dɔgɔkun min na, wulada wɛrɛ bɛna bila jɛkulu ka Bibulu kalan kama, ka dɔnkili tugu o la i ko a bɛ deli ka kɛ cogo min na. O kɔfɛ, kafo lakɔlɔsibaga b’a ka jɛmu kɛ min ɲɛsinnen bɛ waajuli baara ma. Lajɛ bɛna kuncɛ ni dɔnkili ni delili ye.

6. Lakɔlɔsibaga kulu jɔyɔrɔ ye jumɛn ye?

⁶ Foro baara ka lajɛw: Maakɔrɔkulu bɛna baara di lakɔlɔsibagakulu ma walisa u k’u mago don kuluw la foro baara ko la ani ka o kulu kɔnɔmɔgɔw kelen-kelen bɛɛ ɲɛminɛ. Ni cidenyabaara maganna dɔ de ka kan ka o jɔyɔrɔ fa, a ka kan ka wele ko “kulu maganna.”

7. An bɛ se ka sigi ni mun ye an ka jɛkulu ka lajɛ kura bolodalen ko la?

⁷ I ko a jirala cogo min na jɛkulu ka lajɛ ko la, o bɛna cogo di an ma ka dɔnniya sɔrɔ min bɛna an nafa. O bɛna dusu don an kɔnɔ, k’an dɛmɛ ka an ni Jehowa cɛsira kologɛlɛya fana. O bɛn’a to fana an bɛ kɛ weleweledalaw ni karamɔgɔw ye minnu bɛ nɔ bɔ, minnu kalanna walisa u ka cidenyabaara bɛ nɔ min bɔ, dɔ ka fara o kan.—Efɛ. 4:13, 14; 2 Tim. 3:17.

8. N’an kelen-kelen bɛɛ kɔnna k’an labɛn, o bɛna an ni tɔw nafa cogo jumɛn na?

⁸ N’an kɔnna ka o lajɛw labɛn, o bɛna an dɛmɛ walisa sinsin kɛra kalan yɔrɔ koloma minnu kan lajɛ kelen-kelen bɛɛ kɔnɔna na, an ka o yɔrɔw ye cogo jɛlen na. O bɛna cogo di an bɛɛ ma ka ɲɛfɔliw kɛ, ka an ta kɛ walisa an ka dusu don ɲɔgɔn kɔnɔ koɲuman. (Rom. 1:11, 12; Heb. 10:24) An kuntilenna ka kan ka kɛ ‘mɔgɔ bɛɛ k’a ye ko an bɛ ka taa ɲɛ’ bawo an bɛ “tiɲɛ kuma faranfasi cogo sɛbɛ la.”—1 Tim. 4:15; 2 Tim. 2:15.

9. An jɔlen b’a kan ka mun kɛ ani munna?

⁹ O yɛlɛma min donna an ka jɛkulu ka lajɛw la, o b’an nisɔndiya kosɛbɛ. “Jɔnkɛ dannamɔgɔ hakiliman” bɛ min fɔ, an ka tugu o la ka taa a fɛ ani an gɛrɛlen ka to an ka Sagagɛnnaba la, ale min bɛ k’an labɛn “tɔɔrɔba” kama n’o surunyara.—Mat. 24:21, 45; Heb. 13:20, 21; Jir. 7:14.