Baara Ka LajƐ Bolodasira

KƆLƆSILI: Kafoba ka jamalajɛ bɛna kɛ kalo minnu kɔnɔna na, Baara ka lajɛ dɔ bɛna boloda o kalow dɔgɔkun kelen-kelen bɛɛ kama An ka Masaya Cidenyabaara kɔnɔ. Jɛkuluw bɛ se ka yɛlɛmaw don ka kɛɲɛ ni u magow ye walisa u ka mɔgɔw ka se ka taa kafoba ka jamalajɛ la, n’o tɔgɔ ye ko: “Ala ka Hakili Senu b’an ɲɛminɛ.” Ni o bɛnnen don, Baara ka lajɛ laban min bɛna kɛ sanni kafoba ka jamalajɛ don ka se, miniti 15 ta o kɔnɔna na walisa ka segin laadilikanw kan ani hakilijigin kumaw kan minnu ɲɛsinnen bɛ jɛkulu ma, ni u bɛ sɔrɔ Sɛtanburukalo An ka Masaya Cidenyabaara cɛmancɛ sɛbɛn kɔnɔ. Kalo kelen walima kalo fila jamalajɛ tɛmɛnen kɔfɛ, aw ka miniti 15-20 bila Baara ka lajɛ dɔ kɔnɔna na (laala aw bɛ waati dɔ ta sigida magow fɔwaati kɔnɔ) walisa ka segin jamalajɛ yɔrɔw kan, weleweledalaw ye minnu sɔrɔ n’olu nafa ka bon cidenyabaara la. Baara lakɔlɔsibaga de ka kan ka o seginnkanni kɛ. A ɲini i lamɛnbagaw fɛ u k’a ɲɛfɔ cogo min na u bɛ ka o kunnafoni waleya walima u y’a boloda ka u waleya cogo min na u ka foro cidenyabaara la.

Ɔkutɔburukalo tile 13 dɔgɔkun

Dɔnkili 77

Sanga 10:Ladɔnniyaliw ka ɲɛsin jɛkulu ma. Fɛɛrɛ minnu tigɛra jɛkulu kɔnɔ sɛbɛndennin tilatilali baara kɛrɛnkɛrɛnnen ko la, n’o bɛ daminɛ Ɔkutɔburukalo tile 20, olu fɔ. Dusu don bɛɛ kɔnɔ u ka taa u ka sɛbɛndenninw hakɛ ta ni u ma olu ta fɔlɔ. Ɔkutɔburukalo tile fɔlɔ La Tour de Garde ni Ɔkutɔburukalo Réveillez-vous ! jiracogo minnu bɛ An ka Masaya Cidenyabaara ɲɛ 8 nan na, olu fɔ ka surunya. Ikomi weleweledala caman ye o gafeninw di foro la a bɛ dɔgɔkun damadɔw bɔ, mɔgɔ minnu ye ko kɛlen dɔ sɔrɔ forobaara la lamɛnbagaw cɛma, a ɲini u fɛ u k’o fɔ.

Sanga 35:“Jɛkulu ka lajɛ kura bolodalen.” Ni waati b’a to o ka kɛ, Bibulu tɛmɛsira kofɔlenw kalan, k’a ɲini i lamɛnbagaw fɛ u ka ɲɛfɔli kɛ olu kan.

Dɔnkili 95

Ɔkutɔburukalo tile 20 dɔgɔkun

Dɔnkili 48

Sanga 5:Ladɔnniyaliw ka ɲɛsin jɛkulu ma. Ladɔnniyaliw woloma ka bɔ An ka Masaya cidenyabaara kɔnɔ.

Sanga 20:An ka to nisɔndiya la cidenyabaara la. Jɛmu don min bɛ dusu don mɔgɔw kɔnɔ, n’a sinsinnen bɛ san 2005 Zuluyekalo tile fɔlɔ La Tour de Garde ɲɛw 24-25, d. 11-17 kan. Mɔgɔ kelen walima mɔgɔ fila minnu ye Jehowa ka baarakɛlaw ye a mɛnna, olu ɲininkali sen don i ka jɛmu na. Fɛn min y’a to u ka nisɔndiya ma bɔ u la, k’a sɔrɔ mɔgɔw ma sɔn kibaru duman na, u ɲininka o la.

Sanga 20:Aw k’aw labɛn ka Nowanburukalo tile fɔlɔ La Tour de Garde ni Nowanburukalo Réveillez-vous ! jira. I kɛlen kɔfɛ ka sɔn-ni-sɔn gafenin kɔnɔkow bakuruba fɔ, a ɲini i lamɛnbagaw fɛ u k’a fɔ, olu bolo sɔn-ni-sɔn gafenin barokun jumɛnw bɛ se ka diya kosɛbɛ waajulikɛyɔrɔ mɔgɔ caman ye ani munna. A ɲini i lamɛnbagaw fɛ u k’a fɔ u y’a boloda ka ɲininkali bɛnnen jumɛn kɛ walisa ka baro daminɛ. O kɔfɛ, Bibulu tɛmɛsira min bɛ o barokun kɔnɔ walisa ka baara kɛ ni o ye sani ka sɔn-ni-sɔn gafeninw di mɔgɔw ma, u ka o fana fɔ. Sɔn-ni-sɔn gafenin kelen-kelen bɛ se ka jira cogo min na, jɛmukɛbaga bɛ ɲɛjirali dɔ kɛ olu kan. A bɛ baara kɛ ni sɔn-ni-sɔn gafenin jiracogow ye minnu bɛ An ka Masaya Cidenyabaara ɲɛ 8 nan na walima ni jiracogo wɛrɛw ye minnu bɛ diya kosɛbɛ an ka waajulikɛyɔrɔ mɔgɔw ye. A b’a ka jɛmu kuncɛ ni o ye.

Dɔnkili 63

Ɔkutɔburukalo tile 27 dɔgɔkun

Dɔnkili 46

Sanga 5:Ladɔnniyaliw ka ɲɛsin jɛkulu ma. Sɛbɛnfura min b’a jira wari min bɛ jɛkulu bolo ani jɛkuluba ye lɛtɛrɛ min ci jɛkulu ma walisa k’a fo a ye wari min di a ma, o kalan.

Sanga 10:Jɛkulu magow.

Sanga 30:“I yɛrɛ ka Bibulu kalan ani denbaya ka Bibulu kalan nafa ka bon kosɛbɛ.” Ni waati b’a to o ka kɛ, Bibulu tɛmɛsira kofɔlenw kalan, k’a ɲini i lamɛnbagaw fɛ u ka ɲɛfɔli kɛ olu kan.

Dɔnkili 47

Nowanburukalo tile 3 dɔgɔkun

Dɔnkili 90

Sanga 10:Ladɔnniyaliw ka ɲɛsin jɛkulu ma. Weleweledalaw hakili jigin u k’u ka Ɔkutɔburukalo waajuli dantigɛli sɛbɛn di.

Sanga 20:San 2009 Ala-ka-Marako Cidenyabaara kalan. Kalanso lakɔlɔsibaga bɛ baro kɛ ni lamɛnbagaw ye Ala-ka-Marako Cidenyabaara kalan kura kan i n’a fɔ a ɲɛfɔlen bɛ cogo min na Ala-ka-Marako Cidenyabaara kalan bolodalen cɛmancɛ sɛbɛn kɔnɔ. Yɛlɛma minnu donna o la, a b’i sinsin olu kan. Dusu don bɛɛ kɔnɔ u k’u timinandiya ka jɛmuw kɛ minnu dira ka kɛ, k’u labɛn ka ɲɛfɔli kɛ Bibulu kalan nafamayɔrɔw kɛwaati la ani u ka tugu hakililaw kɔ minnu bɛ di lakɔliso lakɔlɔsibaga fɛ dɔgɔkun o dɔgɔkun, n’u bɛ bɔ Tirez profit de l’École du ministère théocratique gafe kɔnɔ.

Sanga 15:I ka dɔ fara i “seko kan i ka mɔgɔ kalan cogo la.” Baara lakɔlɔsibaga walima maakɔrɔ min bɛ se, o bɛ kuma fɛn koloma wɔɔrɔ kan min sen bɛ mɔgɔ kalancogo ɲuman na i ko a jiralen bɛ cogo min na san 2008 Zanwuyekalo tile 15 La Tour de Garde ɲɛw 9-12, dakunw 5-18 la. Weleweledala kelen walima fila ɲininka minnu y’a ye ko o kunnafoni y’u dɛmɛ ka u ka mɔgɔ kalancogo ɲɛ ka taa a fɛ.

Dɔnkili 21

[Footnotes]

I ka dantigɛli kana tɛmɛ sanga kelen kan, o kɔ, i k’a kɛ baro ye min kɔnɔna na, i bɛ ɲininkaliw lase i lamɛnbagaw ma.