An ka taama i ko hakilitigiw
1 Yesu y’a ɲini mɔnikɛla naani fɛ tuma min na u ka kɛ a ka kalandenw ye, u ma o ko bila kɔfɛ ma, nka u “sinna . . . ka tugu Yesu la.” (Mat. 4:18-22) O cogo kelen na, Saul min bɛ bɔ Tarse, o yɛlɛmana tuma min na ka kɛ Kretiɛn ye, ka yeli kɛ kokura, “o yɔrɔnin kelen, a y’a daminɛ ka wajuli kɛ Alabatoso kɔnɔ.” A ma o ko bila waati wɛrɛ la. (Kɛw. 9:20) Waati bɛ taa ɲɛ de, n’a kɔni tɛmɛna kaban, a tɛmɛna kaban fo abada. O kosɔn, an b’an ka waati kɛ cogo min na, a nafa ka bon an bolo an ka ‘taama i ko hakilitigiw’ o ko ta fan fɛ la la.—Efɛ. 5:15, 16.
2 Waatiw ni ko Cunnenw: Cogo minnu b’an bolo bi walisa ka baara kɛ Jehowa ye, a bɛ se ka kɛ ko sini, an tɛna o cogow sɔrɔ tun. (Yak. 4:14) An si lakananen tɛ ‘wakatiw ni kuntere walima ko cunnenw’ ma. (Ekl. 9:11) Ka fara o kan, an bɛɛ bɛ kɔrɔ. Don jugu minnu ni kɔrɔya bɛ taa ɲɔgɔn fɛ, n’u bɛ dan sigi an ka kɛta la Jehowa ka baara la, mɔgɔ si tɛ se ka kisi olu fana ma, nin diɲɛ in kɔnɔ. (Waaj. 12:1) O la sa, an ka yɛrɛbakundili ko la Ala ma, n’an ko an b’o bila kɔfɛ ma, walima n’an ko an b’a kɔnɔ an ka kow ka ɲɛ kosɛbɛ k’a sɔrɔ ka dɔ fara an ka cidenyabaara kan, hakɛ la an bɛ se ka min kɛ kabini sisan, o tɛ hakilitigiya ye. (Luka 9:59-62) Ibrahima ka kɔrɔya kɔnɔna na, a ye hakililatigɛ dɔn, ka hɛrɛ sɔrɔ, wa, a “cɛkɔrɔbalama wasalen” de sara, bawo a y’a ka diɲɛlatigɛ kɛ ni hakilitigiya ye, ka o kuuru bɛɛ di Jehowa ma.—Jen. 25:8.
3 Waati surunyara: An b’a fɛ fana k’an ka waati kɛ ni hakilitigiya ye, bawo “waati surunyara.” (1 Kɔr. 7:29-31) Yanni dɔɔnin dɔrɔn cɛ, nin diɲɛ kɔrɔ in bɛna ban. Cogo minnu b’an bolo ka an sen don mɔgɔw lajɛliba la, mɔgɔ minnu jogo bɛ i ko saga, “dugukolo suman kan” tuma kɔnɔna na, o cogow tɛna sɔrɔ tun. (Jir. 14:15) An ka kan k’an yɛrɛ kɔlɔsi walisa an kana a to diɲɛlatigɛ jɔrɔnankow ni a ɲɛnajɛw kana an ka waati ta, an tun bɛna waati min tɛmɛ cogo nafama na cidenyabaara la. (Luka 21:34, 35) A bɛna kɛ nisɔndiyaba ye an bolo k’a dɔn ko an y’an cɛsiri kosɛbɛ suman kantuma na dɛ!
4 An ka kan k’an ɲɛmajɔ tuma bɛɛ walisa ka se k’an sen don nisɔndiya baaraw la minnu dira an ma ka kɛ. An jɔlen ka to a kan ka an seko damajira bɛɛ kɛ walisa ka baara kɛ Jehowa ye “bi bɛ se k’a fɔ don minnu bɛɛ ma.” (Heb. 3:13) N’an b’a kɛ o cogo la, an bɛna an yɛrɛ jira mɔgɔ hakilimaw ye tiɲɛ na, bawo “min bɛ Ala sago kɛ, o bɛ to badaa-badaa.”—1 Yuh. 2:17.