Sɔn-nisɔn gafeninw jiracogo

The Watchtower June 15

“Yala i y’a kɔlɔsi ko bi, mɔgɔ caman yɛrɛ de b’a latigɛ fɛn min ka ɲi, ani fɛn min man ɲi wa? [Jaabi makɔnɔ.] Ala ye min fɔ an ye a ka Kuma kɔnɔ walisa k’an ɲɛminɛ, o ka ɲi waati bɛɛ la, wa, o misali dɔ filɛ yan. [Bibulu tɛmɛsira minnu bɛ barokun kɔnɔ min bɛ sariyakolow kan, nafa bɛ sariyakolo minnu na tuma bɛɛ ni olu bɛ ɲɛw 6nan ni 7nan na, olu dɔ la kelen kalan.] N’an sɔnna ka tugu Ala ka kuma sariyakolow kɔ, o b’an nafa cogo min na, nin gafenin b’o ɲɛfɔ.”

Awake! June

“Denmisɛn caman b’a fɛ ka kamalen walima sugurun sɔrɔ telefɔni walima intɛrinɛti sira fɛ, ka o dogo u bangebagaw la, bawo u denmisɛn ɲɔgɔnw b’a gan u kɔ ka o kɛ. E yɛrɛ fɛ, k’a dogo ka kamalen ni sugurun sɔrɔ, yala o ye hakilitigiya sira ye wa? [Jaabi makɔnɔ. O kɔfɛ, Solomani ka dɔnkili 2:7 kalan, k’a tila k’a ɲɛfɔ ko waati bɛ yen ka to ka bɔ ni mɔgɔ dɔ ye ani ka miiri o la.] Bangebagaw bɛ se k’u denw dɛmɛ cogo min na ka o ko kunbɛn k’a sɔrɔ kamalen walima sugurun tɛ u bolo dogo la, nin gafenin bɛ o ɲɛfɔ.” Barokun min bɛ daminɛ ɲɛ 26nan na, o jira.

The Watchtower July 1

“Yala i delila k’i yɛrɛ ɲininka munna mɔgɔ dɔw bɛ minɛ kojuguya, k’a da a kan u ni tɔw tɛ siya kelen ye, walima u tɛ jamana kelen mɔgɔw ye, walima u ni tɔw tɛ kan kelen fɔ wa? [Jaabi makɔnɔ.] A lajɛ kun min dilen bɛ yan yɔrɔ la. [1 Yuhana 4:20 kalan,] Nin gafenin bɛ nin ɲininkali jaabi: Yala siyaw bɛ se ka sigi ɲɔgɔn fɛ bɛn kɔnɔ wa?”

Awake! July

“Hadamadenw bɛ miiri k’a sɔrɔ ka wale kɛ nka baganw tɛ se k’o kɛ. Se b’an ye ka sariyakolow sugandi an bɛna an ka ɲɛnamaya kɛ ka kɛɲɛ ni minnu ye. E yɛrɛ fɛ, an bɛ se ka laadilikanw sɔrɔ min, dannaya bɛ se ka da minnu kan? [Jaabi makɔnɔ. O kɔfɛ Zaburu 119:105 kalan.] Laadilikan min bɛ Ala ka Kuma kɔnɔ, o ka fisa ni laadilikan tɔw bɛɛ ye. Nin gafenin bɛ o de ɲɛfɔ.”