ƝIninkali Jaabiw

◼ Ala-Ka-Marako Cidenyabaara kalanso, Baara ka lajɛ, foroba jɛmu, ani La Tour de Garde kalan bɛ daminɛ ni dɔnkili minnu ye, olu ka kan k’a fɔ cogo jumɛn na ani jɔni fɛ?

Dɔnkili minnu ka kan ka da dɔgɔkun o dɔgɔkun Ala-ka-Marako Cidenyabaara kalanso daminɛ na, olu sɛbɛnnen bɛ Ala-ka-Marako Cidenyabaara kalan bolodalen kɔnɔ, o min bɛ Ɔkutɔburukalo An ka Masaya Cidenyabaara ɲɛ 3nan na ka na a ɲɛ 6nan na. Dɔnkili minnu bɛ da Baara ka lajɛ kelen-kelen bɛɛ daminɛ ni a laban na, olu jiralen bɛ An ka Masaya Cidenyabaara ɲɛ 2nan na. O cogo kelen na, dɔnkili minnu ka kan ka da dɔgɔkun o dɔgɔkun La Tour de Garde kalan na, olu bɛ sɔrɔ La Tour de Garde nimɔrɔ kelen-kelen bɛɛ ɲɛ 2nan na. Dɔnkili minnu sugandira, olu sen bɛ lajɛ la. O kosɔn, balimakɛ min bɛ o lajɛ ɲɛminɛ, ale de ka kan k’a fɔ dɔnkili min bɛ da. Balimakɛ min tɛ o lajɛ ɲɛminɛ, o man kan k’o fɔ.

Misali la, Ala-ka-Marako Cidenyabaara kalanso ɲɛminɛbaga bɛ a lamɛnbagaw fo u nali la, k’a fɔ fana lajɛ bɛ daminɛ ni dɔnkili min ye, o kɔfɛ a bɛ kalanso ɲɛminɛ, ka tila k’a ɲini balimakɛ fɛ min bɛ jɛmu fɔlɔ kɛ Baara ka lajɛ la, o ka na banbali kan. O balimakɛ min bɛ Baara ka lajɛ daminɛ, ale de ka kan k’a fɔ Baara ka lajɛ bɛ daminɛ ni dɔnkili min ye.

O fɛn kelen de bɛna kɛ foroba lajɛ la. Mɔgɔ minnu bɛɛ bɛ yen, mɔgɔ min bɛna lajɛ ɲɛminɛ, a bɛna olu bɛɛ fo koɲuman u nali la. O kɔfɛ, a b’a ɲini u fɛ u ka jɛ ka lajɛ daminɛ dɔnkili da ɲɔgɔn fɛ. Mɔgɔ min bɛ jɛmu kɛ, ale de bɛ o dɔnkili sugandi. Balimakɛ min bɛ foroba jɛmu (walima laala balimakɛ wɛrɛ min bɛ se k’o kɛ, n’a kɔnna k’a fɔ o ye) o bɛ lajɛ daminɛ ni delili ye. Foroba jɛmu ɲɛminɛbaga b’a fɔ mɔgɔ min bɛna jɛmu kɛ, ani a ka jɛmu tɔgɔ fana. Foroba jɛmu bannen kɔfɛ, jɛmu kɛbaga ye min fɔ, foroba jɛmu ɲɛminɛbaga tɛna jɛmu yɔrɔ kolomaw fɔ, nka a bɛna a ka waleɲumandɔn jira o kalan ko la. Foroba jɛmu min bɛna kɛ dɔgɔkun nata, a bɛna o fɔ, o kɔfɛ, a bɛna a ɲini bɛɛ fɛ u ka to yen ka La Tour de Garde kalan kɛ. A kun tɛ lajɛ ɲɛminɛbaga k’a ɲini lamɛnbagaw fɛ, ni u b’a fɛ k’u ka kanuya ni u ka foli lase jɛmukɛbaga ka jɛkulu kɔnɔmɔgɔw ma. O kɔfɛ, foroba jɛmu ɲɛminɛbaga bɛna ɲini La Tour de Garde ɲɛminɛbaga fɛ, a ka na banbali kan.

Dɔnkili fɔlɔ min ni La Tour de Garde kalan bɛ taa ɲɔgɔn fɛ, La Tour de Garde ɲɛminɛbaga bɛ o dɔnkili fɔ. O kɔfɛ, a bɛ La Tour de Garde kalan ɲɛminɛ i ko a ɲɛfɔra Jehowa ka jɛkuluba fɛ cogo min na. Kalan kɔfɛ, a bɛ dɔnkili laban fɔ. Tuma caman na, La Tour de Garde kalan ɲɛminɛbaga b’a ɲini foroba jɛmu kɛbaga fɛ, o ka na ka lajɛ kuncɛli delili fɔ.

Ka tugu nin ɲɛfɔliw kɔ, o bɛna jɛkuluw dɛmɛ u k’u ka lajɛw kɛ cogoya kelen na.