Ladɔnniyaliw

◼ Sɛbɛn jirataw Desanburukalo la: Le plus grand homme de tous les temps. Ni nin gafew dɔ la kelen maralen bɛ jɛkulu kɔnɔ, aw bɛ se ka olu fana jira: La Bible : Parole de Dieu ou des hommes ?, Recueil d’histoires bibliques, Nyɛnamaya fɔ abada. Zanwuyekalo la: Gafe o gafe bɔra san 1991 ɲɛ, ni olu maralen bɛ jɛkulu kɔnɔ. Ni o gafew maralen tɛ jɛkulu kɔnɔ aw k’a lajɛ ni aw bɛ se ka gafe kɔrɔ dɔw sɔrɔ jɛkuluw bolo minnu ka surun aw la, walisa aw ka se ka baara kɛ ni olu ye. Gafe kɔrɔmanw tɛ jɛkulu minnu bolo, olu bɛ se ka Dɔnniya gafe jira. Ni o gafe bɛ an barokɛnɔgɔn bolo kaban, an bɛ se ka Veillez ! gafenin jira a la. Feburuyekalo la: Approchez-vous de Jéhovah. Ni o gafe maralen tɛ jɛkulu kɔnɔ, Révélation : le dénouement gafe walima gafe kɔrɔ wɛrɛ min maralen bɛ jɛkulu kɔnɔ, o bɛ se ka jira. Marisikalo la: Qu’enseigne réellement la Bible ? Aw k’aw timinandiya ka Bibulu-kalanw daminɛ.

◼ Hakilijigin min bɛ kɛ san 2007 la, o mɔgɔ-wele-sɛbɛnw bɛna ci jɛkuluw ma sɔɔni ka kɛnyɛ ni kan ye jɛkulu kelen-kelen bɛɛ ka lajɛ bɛ kɛ min na. Ni kan wɛrɛw bɛ fɔ aw ka waajulikɛyɔrɔ la, ni aw b’a fɛ ka wele-sɛbɛn sɔrɔ o kan ninnu na, o ɲinini ka kan ka daminɛ teliya la Demande de publications (S-14) kɔnɔ, n’o ye gafe-ɲini-sɛbɛn ye. Mɔgɔ-wele-sɛbɛnw bɛ se ka sɔrɔ kan minnu na, olu bɛna sɔrɔ “Avis aux congrégations” (kunnafoni ka ɲɛsin jɛkuluw bɛɛ ma) sɛbɛn kɔnɔ, o min bɛ ci jɛkuluw bɛɛ ma kalo o kalo. Kan minnu bɛ fɔ aw ka waajulikɛyɔrɔ la, a ɲininen bɛ aw fɛ aw ka wele-sɛbɛnw ɲini o kanw dɔrɔn na.

◼ Aw k’a to aw hakili la ko san 2008 Hakilijigin bɛna kɛ Sibiridon de la Marisikalo tile 22, tile binnen kɔ. Nin kunnafoni bɛ kɔn ka di walisa balimaw ka se ka Hakilijigin kɛyɔrɔ wɛrɛw maminɛ walima ka bɛnkanw sɔrɔ Hakilijigin kɛyɔrɔ wɛrɛw ko la, ni a sɔrɔla ko jɛkulu caman jɛlen bɛ Masaya so kelen na, ni o bɛna u diyagoya ka yɔrɔ wɛrɛw ɲini. Nin ko ɲɔgɔnnaw na, maakɔrɔw ka kan ka bɛnkan ɲini ni o yɔrɔ tigi ye ko, ko si tɛna kɛ min bɛna an tɔɔrɔ Hakilijigin kɛtuma na. Hakilijigin waati yɛrɛ nafa bonya kosɔn, maakɔrɔ kulu wajibiyalen bɛ ka maakɔrɔ kelen ɲɛnatɔmɔ maakɔrɔw cɛ la minnu bɛ se kosɛbɛ walisa o ka kɛ Hakilijigin jɛmukan fɔbaga ye, sanni u ka to k’a bɔ ɲɔgɔn kɔrɔ dɔrɔn, walima ka to ka balimakɛ kelenpe de bila o la san o san. Ni mɔgɔ munnen bɛ yen min bɛ se ka jɛmukan di koɲuman, o tigi ka kan ka ta ka kɛ jɛmukan fɔbaga ye.