Baara ka lajɛ Bolodasira

Kɔlɔsili: Kafoba ka jamalajɛ bɛna kɛ kalo minnu kɔnɔna na, Baara ka lajɛ dɔ bɛna boloda o kalow dɔgɔkun kelen-kelen bɛɛ kama An ka Masaya Cidenyabaara kɔnɔ. Jɛkuluw bɛ se ka yɛlɛmaw don ka kɛnyɛ ni u magow ye walisa u ka mɔgɔw ka se ka taa kafoba ka jamalajɛ la, n’ o tɔgɔ ye ko: “Kisili ka Surun.” Ni o bɛ bɛn, Baara ka lajɛ laban min bɛ kɛ sanni kafoba ka jamalajɛ don ka se, miniti 15 ta o kɔnɔna na i ka segin laadilikanw kan ani hakilijigin kumaw kan minnu ɲɛsinnen bɛ sigida ma ni u bɛ sɔrɔ Sɛtanburukalo An ka Masaya Cidenyabaara cɛmancɛ sɛbɛn kɔnɔ. Kalo kelen walima kalo fila mana tɛmɛ jamalajɛ kɔfɛ, aw ka miniti 15-20 bila Baara ka lajɛ dɔ kɔnɔna na (laala aw bɛ waati dɔ ta sigida magow fɔwaati kɔnɔ) walisa ka segin jamalajɛ kolomayɔrɔw kan. Segin tɛ kɛ jamalajɛ bɛɛ kan, nka fɛn minnu ɲɛsinnen bɛ cidenyabaara ma, segin bɛ kɛ olu de kan. A ɲini i lamɛnbagaw fɛ u k’a ɲɛfɔ cogo min na u bɛ ka o kunnafoni waleya forobaara la.

Desanburukalo tile 11 dɔgɔkun

Dɔnkili 77

Sanga 10: Ladɔnniyaliw ka ɲɛsin sigida ma. Dusu don bɛɛ kɔnɔ u ka wideyo lajɛ min tɔgɔ ye ko Les jeunes s’interrogent... Comment se faire de vrais amis ? walisa ka baro labɛn min bɛna kɛ Zanwuyekalo tile fɔlɔ Baara ka lajɛ la. Hakilila minnu bɛ ɲɛ 6nan na walima hakilila wɛrɛ minnu bɛ bɛn aw ka waajulikɛyɔrɔ la, olu ta walisa ka ɲɛjirali kɛ Desanburukalo tile 15 La Tour de Garde ni Desanburukalo Réveillez-vous ! kan. Ɲɛjirali kelen kɔnɔ, a jira min bɛ se ka fɔ ni barojɔ kuma dɔ fɔra, i n’a fɔ “Ça ne m’intéresse pas” (Ne ka ko ma se nin ma.)​—Comment raisonner gafe ɲ. 16nan lajɛ.

Sanga 15: San 2007 Ala-ka-Marako Cidenyabaara kalan. Jɛmu bɛ kɛ ani mɔgɔ sugandilen dɔw bɛ ɲininka Kalanso lakɔlɔsibaga fɛ. Baro kɛ yɔrɔw kan minnu ɲɛsinnen bɛ jɛkulu ma, ni olu bɛ bɔ san 2006 Ɔkutɔburukalo An ka Masaya Cidenyabaara cɛmancɛ sɛbɛn kɔnɔ. A ɲɛfɔ ko kalanden bɛ ka jɛmu kɛcogo ɲuman yɔrɔ min baara, kalanso lakɔlɔsibaga tɛ kɔn k’o fɔ. Ikomi san 2007 kɔnɔna na an bɛna tila Heburu sɛbɛnniw kalanni na, k’a ta Esayi tilayɔrɔba 24 na ka n’a bila Malaki la , ɲinan bɛna kɛ waati ɲuman ye ka baara kɛ ni an ka sɛbɛnw ye minnu bɛ faamuyali di o kiraya kitabuw kan, kɛrɛnkɛrɛnnenya la a bɛna kɛ waati ɲuman ye an balimakɛw bolo minnu bɛna Bibulu kalan nafamayɔrɔw labɛn, ani mɔgɔ tɔw bolo minnu b’a fɛ ka ɲɛfɔliw kɛ. Weleweledala fila walima saba ɲininka nin mɔgɔw cɛla: kalanden kura , kalanden min ye denmisɛn ye n’a bɛ ka ɲɛtaa sɔrɔ, ani kalanden min bɛ se kosɛbɛ. A ɲini u fɛ u k’a fɔ kalan ye nɔ min bila u ka cidenyabaara la ani u ka alako la. Dusu don bɛɛ kɔnɔ, u k’u timinandiya k’u ka kalansenw labɛn, ka u sen don kuma la Bibulu kalan nafamayɔrɔw kɛwaati la, ani u ka tugu hakililaw kɔ minnu bɛ bɔ Tirez profit de l’École du ministère théocratique gafe kɔnɔ dɔgɔkun o dɔgɔkun.

Sanga 20: “I kana i ka kanuya fɔlɔ bila.”a A ɲini i lamɛnbagaw fɛ u ka kuma Bibulu tɛmɛsira kofɔlenw kan ni waati b’a to o ka se ka kɛ.

Dɔnkili 86 ani kuncɛli delili.

Desanburukalo tile 18 dɔgɔkun

Dɔnkili 44

Sanga 10: Ladɔnniyaliw ka ɲɛsin sigida ma. Ladɔnniyali minnu bɛ jɛkulu kun kan, olu woloma ka bɔ An ka Masaya Cidenyabaara kɔnɔ. Kuma Ɲininkali jaabi yɔrɔ kan. Fɛɛrɛ kɛrɛnkɛrɛnnen minnu tigɛra Desanburukalo tile 25 ani Zanwuyekalo tile fɔlɔ forobaara kama, olu fɔ.

Sanga 15: “An ka segin ka na bɔ mɔgɔ bɛɛ ye minnu y’a jira cogo dɔ la ko kibaru duman ka di u ye.”b I lamɛnbagaw ɲininka u k’a fɔ, k’u to senfɛ seereya la walima nbɛda la seereya la, u sera cogo min na ka kunnafoni sɔrɔ mɔgɔ lasɔrɔ cogo kan, mɔgɔ minnu y’a jira ko kibaru duman ka di u ye. U seginna ka na bɔ o mɔgɔw ye tuma min na, ko ɲumanba min kɛra, u ka o fana fɔ. I bɛ se ka kɔn k’a fɔ mɔgɔ kelen walima mɔgɔ fila ye, u ka ɲɛfɔliw labɛn.

Sanga 20: “Ni a ka di an ye ka mɔgɔw dɛmɛ, o bɛ na ni dugawu caman ye.”c Weleweledala kelen walima fila minnu y’a jira ko a ka di u ye ka mɔgɔw dɛmɛ, wa, ni u dɔnnen don ni o ye, olu ɲininka. U y’a jira cogo jumɛn na ko a ka di u ye ka mɔgɔw dɛmɛ? Yɛlɛma jumɛnw tun ka kan ka kɛ ani u sera k’o yɛlɛmaw kɛ cogo jumɛn na? U ye dugawu jumɛnw sɔrɔ o kɛli la?

Dɔnkili 30 ani kuncɛli delili.

Desanburukalo tile 25 dɔgɔkun

Dɔnkili 50

Sanga 10: Ladɔnniyaliw ka ɲɛsin sigida ma. Wari min bɛ jɛkulu bolo ani mɔgɔw ye wari min ni jɛkulu la, olu seereyasɛbɛn kalan. Hakilila minnu bɛ ɲɛ 6nan na walima hakilila wɛrɛ minnu bɛ bɛn aw ka waajulikɛyɔrɔ la, olu ta, i ka ɲɛjirali kɛ Zanwuyekalo tile fɔlɔ La Tour de Garde ni Zanwuyekalo Réveillez-vous ! kan. Ɲɛjirali kelen-kelen bɛɛ laban na, weleweledala bɛ ɲininkali dɔ lawuli min bɛ a barokɛɲɔgɔn bila a k’a miiri sanni weleweledala ka segin ka na o jaabi di Qu’enseigne la Bible ? gafe kɔnɔ.

Sanga 15: Sigida magow.

Sanga 20: “Yala i yɛrɛ ka waajulikɛyɔrɔ bɛ yen wa?”d I bɛ forobaara lakɔlɔsibaga ka ɲɛfɔli surun sen don a la. Jɛkulu ka waajulikɛyɔrɔ danw ye minnu ye, o waajulikɛyɔrɔ baarala siɲɛ hakɛ min na, ani waajulikɛyɔrɔ minnu bɛ yen n’olu bɛ se ka di weleweledalaw ma ka kɛ u yɛrɛ ka waajulikɛyɔrɔ ye, forobaara lakɔlɔsibaga bɛ kuma o kan.

Dɔnkili 13 ani kuncɛli delili.

Zanwuyekalo tile fɔlɔ dɔgɔkun

Dɔnkili 34

Sanga 5: Ladɔnniyaliw ka ɲɛsin sigida ma. Weleweledalaw hakili jigin u k’u ka Desanburukalo waajulibaara dantigɛli sɛbɛn di.

Sanga 15: Des rapports sur les progrès du ministère (Cidenyabaara ka ɲɛtaa dantigɛli). Jɛmu ani baro bɛ kɛ n’i lamɛnbagaw ye gafe kan min tɔgɔ ye ko Organisés pour faire la volonté de Jéhovah, k’a daminɛ sɛbɛnni kunbaba finmanw na ɲɛ 83nan na ka n’a bila kalansen laban na.

Sanga 25: “Mɔgɔ ka kan k’i miiri kosɛbɛ wideyo min na.”e N’i bɛ ka baro kɛ dakun fɔlɔ kan, a ɲini jɛkulu kɔnɔmɔgɔw fɛ u k’u hakililaw di kuma surun na wideyo kan min tɔgɔ ye ko Les jeunes s’interrogent... Comment se faire de vrais amis ? O kɔfɛ, i sin ka baro daminɛ ni ɲininkaliw ye minnu bɛ dakun 2-7 la. Baro kuncɛtuma na, dusu don denbayaw kɔnɔ fana, u kɔnɔmɔgɔw bɛɛ ka jɛ ka DVD lajɛ min tɔgɔ ye ko Les jeunes s’interrogent... Comment se faire de vrais amis ? U kana mɛn k’a sɔrɔ u m’o lajɛ ɲɔgɔn fɛ.

Dɔnkili 20 ani kuncɛli delili.

[Footnotes]