Sɔn-ni-sɔn gafeninw jiracogo

La Tour de Garde 15 oct.

“Ikomi Ala bɛ sankolo la, mɔgɔ dɔw b’a fɔ ko an tɛ se cogo si la k’a dɔn. Yala e delila ka miiri o cogo la wa? [Jaabi makɔnɔ. O kɔfɛ, i ka Amɔs 3:7 kalan, k’a ɲɛfɔ ko Ala bɛ a ka baarakɛlaw “lasɔmi” a sagonata la.] An mago bɛ min na bi walisa ka an Dabaga ni a sagonataw dɔn, nin gafenin bɛ o ɲɛfɔ an ye.”

Réveillez-vous ! Oct.

“An caman diyanyemɔgɔ dɔ sara ka tɛmɛ. E fɛ, yala u bɛ se ka fɛnw kɛ walisa ka an dɛmɛ, hali u salen kɔfɛ wa? [Jaabi makɔnɔ. O kɔfɛ i ka Waajulikɛla 9:​5, 10 kalan, ka i sinsin a kan ko u “ tɛ foyi dɔn.”] Nin barokun b’a fɔ an ye ko Ala ka Kuma b’a jira ko an ka mɔgɔ minnu sara, olu tɛna to o cogo la abada.” O kɔfɛ, barokun jira min bɛ ɲɛ 10nan na.

La Tour de Garde 1er nov.

“Hakilila caman bɛ den lamɔcogo kan bi minnu bɛ ɲɔgɔn sɔsɔ. E fɛ, yala bangebagaw bɛ se ka laadilikan ɲuman sɔrɔ o ko kan wa? [Jaabi makɔnɔ.] A lajɛ, Ala ye layidu min ta a ka baarakɛla Dawuda sababu fɛ. [I ka Zaburu 32:8 kalan, k’i sinsin a kan ko “ne na i kalan.”] Nin gafenin b’i sinsin Ala ka Kuma kan, ka kalan nafama di an ma den lamɔcogo kan.” O kɔfɛ, tiiri kɛlen bɛ ka sɛbɛnni minnu lamini ɲɛ 5nan na, o jira i barokɛɲɔgɔn na.

Réveillez-vous ! Nov.

“Yala i delila k’i yɛrɛ ɲininka a bɛ mun kɛ Ala la ka an ye tɔɔrɔ kɔnɔ wa? [Jaabi makɔnɔ.] A ye min kɛ Ala la ka tɔɔrɔ ye Nuhun ka waati la, e k’a lajɛ nin yɔrɔ bɛ min fɔ o ko la. [I ka Jenɛse 6:​5, 6 kalan, k’i sinsin a kan ko Ala “ɲɛnasisira haali.” Ala bɛ ka min kɛ walisa ka tɔɔrɔ ban pewu, nin gafenin bɛ o ɲɛfɔ an ye.”